MATHAÏOS 15:24 - KA BAIBL

²⁴ U da ïathuh u la ong te, “Ym shym la phah ïa nga, hynrei, tang ha kita ki langbrot kiba la jah noh na ka ïing Israel.”

Khasi CL Bible (BSI)

²⁴ Nangta U Jisu u la jubab, “Ïa nga la phah tang sha ki langbrot ba la jah noh jong ki paid Israel.”

MATHAÏOS 15:24 ပူးပေါင်းရင်းမြစ်များ

ISAÏAH 53:6

Ngi baroh kum ki langbrot ngi la sakma; ngi la phai noh uwei uwei sha la ka lynti; te U Trai u la buh halor jong u ïa ka jingbymhok jong ngi baroh.

ESEKIEL 34:16

‘Ngan wad ïa kaba la jah noh, bad ngan wallam pat ïa kaba la beh noh, bad ngan spaiñ ïa kaba la kheiñ noh, bad ngan pynshait ïa kaba la pang: hynrei, ïa ki basngaid bad ki bakhlaiñ ngan pynjot; ngan bsa ïa ki ha ka jingbishar.’

ESEKIEL 34:23

Bad ngan thung ïa uwei u nongaplangbrot halor jong ki, u te un bsa ïa ki, u shakri jong nga keiñ u Dabid; un bsa ïa ki, bad un long u nongaplangbrot jong ki.

MATHAÏOS 15:23

Hynrei, um shym jubab ha ka shikyntien ruh. Ki synran jong u te haba ki la ïawan hajan, ki la kyrpad ïa u, ki da ong, “To pyllait noh ïa ka, naba ka pyrta jam nadien jong ngi.”

MATHAÏOS 18:11

Naba U Khun u briew u la wan ban pynim ïa kaba la jot.

MATHAÏOS 9:36

Bad haba u la ïohi ïa ki paidbah, u la sngewsynei namar jong ki, naba ki long kiba la sakma bad kiba la saphred ruh, kum ki langbrot ki bymdon u nongsharai.

KI KAM 13:46

Ynda kumta, u Paul bad u Barnabas ki la kren shlur, bad ki la ong, “La donkam ban ïalap ha phi nyngkong ïa ka ktien U Blei; hynrei, namar ba phi kyntait noh ïa ka, bad ba phi rai ïa lade ki bymbit ïa ka jingim bymjukut, ha khmih, ngi phai noh sha ki Jentil.

Ka Shithi U Paul Sha Ki Nong Rom 15:8

Te nga ong ba la pynlong ïa U Khrist u nongkam ïa ka jingotsher, na ka bynta ka jingshisha U Blei, khnang ïa ka ban pynskhem ïa kita ki jingkular ba la ai ha kita ki kpa: