MATHAÏOS 15:19 - KA BAIBL

¹⁹ Naba na ka dohnud ki mih noh ki jingmut bymman, kaba pynïap, kaba klim, kaba ïakai kynthei, kaba tuh, kaba sakhi lamler, kaba krenbeiñ.

Khasi CL Bible (BSI)

¹⁹ Namar na ka dohnud jong u ki mih ki jingpyrkhat basniew kiba ïalam ïa u ban pynïap briew, ban klim, bad ban leh ïa kiwei kiwei ki kam bajakhlia; ban lute, ban lamler, bad ban kren sniew ïa kiwei.

MATHAÏOS 15:19 ပူးပေါင်းရင်းမြစ်များ

JENESIS 6:5

Te U Trai u la ïohi ba ka jingleh bymman jong u briew ka la khraw eh ha ka pyrthei, bad ba ka jingthmu baroh ki jingpyrkhat ka dohnud jong u ki la long bymman ha la ka sngi.

JENESIS 8:21

Te U Trai u la iw ïa ka jingiw baiwbih; bad U Trai u la ong ha la ka dohnud, “Ngan ym tim shuh ïa ka khyndew pat na ka bynta u briew; la ka jingpyrkhat ka dohnud u briew ka basniew naduh myndanglong samla jong u; bad ngan ym shoh ïap pat shuh ïa ki kynja ba-im baroh, kumba nga la leh.

SALM 119:113

Nga isih ïa kita kiba arsap; hynrei, ïa ka hukum jong me nga ieit.

PROBERB 22:15

Ïa ka jingbieit la tehsong ha ka dohnud u khynnah; hynrei, u dieng ka jingsneng sympat un beh ïa ka sha jngai na u.

PROBERB 24:9

Ka jingmut u babieit ka long pop: bad u nongrkhiebeiñ u long ka jingijli ïa ki briew.

PROBERB 4:23

To ri khop ïa la ka dohnud da kaba sumar eh; naba na ka ki wan ki jingmih ka jingim.

PROBERB 6:14

ka jingmutlop ka don ha ka dohnud jong u, u pun ïa ka basniew ha la ka sngi; u bet ïa ki jingïakajia.

ISAÏAH 55:7

to u bymman un iehnoh ïa la ka lynti, bad u riewbymhok ïa la ki jingmut: to un phai ruh sha U Trai, te un sngewsynei ïa u; bad sha U Blei jong ngi, namar un map phar.

ISAÏAH 59:7

Ki sla'jat jong ki, ki phet sha ka basniew, bad ki long kiba stet ban pynmih snam balui lui: ki jingmut jong ki, ki long ki jingmut bymhok: ka jingpynduh bad ka jingpynjot ki long ha ki lynti ïaid jong ki.

JEREMAÏAH 17:9

Ka dohnud ka kham shukor ban ïa kiei kiei baroh, bad ka long ka basniew khlem jingkyrmen: uei uba lah ban ithuh ïa ka?

JEREMAÏAH 4:14

A Jerusalem, to sait ïa la ka dohnud na ka jingbymman, ba yn pynim ïa pha. Slem katno ki jingmut basniew jong pha kin shong hapoh jong pha?

JINGKHEIÑ 22:29

Te u Balaam u la ong ha ka kadda, “Namar ba pha la lehbeiñ ïa nga: A ban da don ka waitlam ha ka kti jong nga, ba kumta ngan da pom ïap ïa pha mynta.”

MATHAÏOS 15:20

Dei kine kiei kiei kiba pyntngit keiñ ïa u briew; hynrei, ban bam da ki kti khlem thet kam pyntngit ïa u briew.”

MATHAÏOS 5:28

hynrei, nga ong ha phi, ba uno uno ruh uba da khmih ïa ka briew ïa ka ban kwah ïa ka, u la lah klim lypa ïa ka kumta ha la ka dohnud.

MATHAÏOS 9:4

Te U Jisu ba u da tip ïa ki jingmut jong ki, u la ong, “Na ka balei ba phi ïamut bymman ha ki dohnud jong phi?

KI KAM 8:22

Namar kata, to kylla-ka-bamut noh na kane ka bymman jong me, bad to duwai ha U Blei, lehse yn dang map ïa me ïa kane ka buit ka dohnud jong me.

Ka Shithi U Paul Sha Ki Nong Rom 7:18

Namar nga tip ba ha nga, kata, ha ka doh jong nga, kam shong sah ei ei ka babha; namar ïa ka ban mon shisha, ka don eh ha nga; hynrei, ïa ka ban leh ïa kata ka babha, kam don.