MATHAÏOS 14:14 - KA BAIBL

¹⁴ Haba U Jisu ruh u la mih noh, u la ïohi ïa u paidbah babun, bad u la sngewsynei ïa ki bad u la pynkhiah ïa ki bapang jong ki.

Khasi CL Bible (BSI)

¹⁴ U Jisu u la hiar na ka lieng, bad haba u la ïohi ïa u paidbah babun, ïa ka dohnud jong u la pyndap da ka jingisynei ïa ki, bad u la pynkhiah ïa kito kiba la pang.

MATHAÏOS 14:14 ပူးပေါင်းရင်းမြစ်များ

MATHAÏOS 14:15

Te haba ka la kham noh ka sngi, ki la ïawan ha u ki synran jong u, ki da ong, “Kane ka long ka jaka kynjah, ka por ruh ka la kham palat; to pyllait noh ïa ki paidbah, ba kin leit sha ki shnong ban thied jingbam ïa lade.”

MATHAÏOS 4:23

Bad U Jisu u la leit kylleng ka Galilaïa baroh, u da hikai ha ki synagog jong ki, bad u da ïalap ïa ka gospel ka hima, u da pynkhiah de ïa ki jingpang baroh bad ïa ki jingkhrew baroh ruh ha ki briew.

MATHAÏOS 9:36

Bad haba u la ïohi ïa ki paidbah, u la sngewsynei namar jong ki, naba ki long kiba la sakma bad kiba la saphred ruh, kum ki langbrot ki bymdon u nongsharai.

MARKOS 6:34

Haba U Jisu te u la mih noh, u la ïohi ïa u paidbah babun, bad u la sngewsynei ïa ki, naba ki long kum ki langbrot khlem u nongsharai; te u la sdang ban hikai bun kiei kiei ruh ïa ki.

MARKOS 9:22

u ju pynnoh jyndei ruh ïa u ha ka ding bad ha ki um, ban pynjot ïa u: hynrei, lada me lah ei ei ruh, to isynei ïa ngi, bad to ïarap ïa ngi.”

LOUKAS 19:41

Te katba U la poi hajan, haba U la khmih ïa ka shnong, U la ïam na ka bynta jong ka,

LOUKAS 7:13

Haba U Trai te U la ïohi ïa ka, U la sngewsynei ïa ka, bad U la ong ha ka, “To wat ïam.”

HEBRU 2:17

Namar kata, ka la dei ban pynlong ïa u, uba syriem ïa la ki para ha kiei kiei baroh, ba un ïoh long U Rangbah lyngdoh ba-isynei bad ïa uba lah ban shaniah ha kiei kiei kiba dei sha U Blei, ba un pynlong ka kuna namar ki pop u paidlang.

HEBRU 4:15

Namar ngim don u Rangbah lyngdoh u bym lah ban ïasngewlem bad ki jingtlot jong ngi; hynrei, ïa uba la pynshoi ha kiei kiei baroh syriem ïa ngi, hynrei, khlem pop.

HEBRU 5:2

uba lah ban shah jem bad kita ki bymtip bad kiba bakla; naba ïa u hi ruh, la ker sawdong da ka jingtlot.