MATHAÏOS 13:39 - KA BAIBL

³⁹ uta u nongshun uba la bet ruh ïa ki, u long u Soitan; kata ka aïom ot ruh, ka long kaba wai noh ka pyrthei; kita kiba ot ruh, ki long ki angel.

Khasi CL Bible (BSI)

³⁹ bad u nongshun uba la bet ïa ki ñiut u long u Ksuid. Ka jingot ka long kaba kut jong ka Ïa, bad ki nongot ki long ki angel.

MATHAÏOS 13:39 ပူးပေါင်းရင်းမြစ်များ

DANIEL 7:10

Ka wah ding ka la mih bad ka la tuid noh na khmat jong u: hajar ki hajar ki la shakri ïa u, bad shiphew hajar sien shiphew hajar ki la ïeng ha khmat jong u: ka jingbishar la long, bad ki kitab la plied.

JOEL 3:13

“To suh ïa ka rashi, naba ka jingot ka la ih: ale, to ïuh; naba ka jingtylliat soh ka la dap, bad ki jingdiang soh ki la shlei; naba ka jingbymman jong ki ka la bun.”

MATHAÏOS 12:32

Bad uno uno ruh uba krenbeiñ ïa U Khun u briew, ïa uta lah ban map; hynrei, uno uno ruh uba krenbeiñ ïa U Mynsiem Bakhuid, ïa u yn ym map, ha kane ka pyrthei lymne ha kata ka ban sa wan.”

MATHAÏOS 13:22

Uta te ïa uba la bet hapdeng ki dieng shiah, long uta uba ïohsngew ïa kata ka ktien; hynrei, ka jingkhuslai kane ka pyrthei, bad ka jingshukor ka spah, ki ïakjap ïa kata ka ktien, te kam sei soh shuh.

MATHAÏOS 13:25

te haba ki dang ïohthiah ki briew, u la wan uba shun ïa u bad u la bet ïa ki ñiut hapdeng u Kew, te u la leit wan noh.

MATHAÏOS 13:28

U te u la ïathuh ha ki, ‘U briew uba shun u la leh ïa kata.’ Ki shakri te ki la ïakylli ïa u, ‘Me mon te ba ngin ïaleit thiew noh ïa ki?’

MATHAÏOS 13:40

Namar kata, kumba ïalum ïa kita ki ñiut bad ba thang ïa ki ha ka ding, kumta keiñ, kan long ha kaba wai noh kane ka pyrthei.

MATHAÏOS 13:49

Kumta kan long ha kaba wai noh ka pyrthei. Ki angel kin ïamih noh bad kin pynïakhlad noh ïa ki bymman napdeng ki bahok,

MATHAÏOS 24:3

Te haba u dang shong halor u lum ki Olib, ki synran ki la wan ha u jar jar, ki ïa-ong, “To ïathuh ha ngi, lano ba kine kiei kiei ruh kin long? bad kaba kumno ka dak ka jingwan jong me, bad kaba wai noh kane ka pyrthei?”

MATHAÏOS 25:31

“Ynda U Khun u briew un wan te ha ka burom jong u, bad ki angel bakhuid baroh lem bad u, ynda kumta, un shong halor ka khet ka burom jong u,

MATHAÏOS 28:20

da hikai ïa ki ban sumar ïa kiei kiei baroh kat kiba nga la hukum ïa phi. Ha khmih ruh, nga, nga long ryngkat bad phi ha la ka sngi, haduh kaba wai noh ka pyrthei.”

1 KORINTH 10:11

Te kine kiei kiei baroh ki la jia ha ki kum ki dak; la thoh te ïa ki ban long ka jingsneng ïa ngi, ha kiba la jia ki jingkut jong ki rta.

2 KORINTH 11:3

Hynrei, nga sheptieng ïoh ba kumno kumno ruh kumba uta u bseiñ u la shukor ïa ka Im da ka buit sian bymman jong u, ba kumta, yn pynpyut plak ïa ki jingmut jong phi na kata kaba shi syrtap mynsiem bad kata ka jingsngur kaba ha U Khrist.

2 KORINTH 2:17

Namar ngim long kum kita kiba bun, kiba pynkhleh ïa ka ktien U Blei; hynrei, kum na ka jingsngur, hynrei, kum na U Blei, ha khmat U Blei ngi kren ha U Khrist.

EPHESOS 2:2

ha kiba phi la ju ïaid mynno mynno katba kum ka rukom jong kane ka pyrthei, katba kum u syiem ka jingsynshar ka suiñ, ka jong kata ka mynsiem keiñ kaba trei mynta ha ki khun ka jingbymkohnguh:

HEBRU 1:2

ïa uba u la thung ban long u nongïoh pateng ïa kiei kiei baroh, da u ruh, la thaw ïa ki pyrthei;

HEBRU 9:26

lymda kumta, ka la dei ïa u ban shah bunsien naduh myndanglong ka pyrthei; hynrei, mynta, tang shi sien la pynpaw ïa u ha ka bakut ki Ïa, ïa ka ban pyndam noh ïa ka pop da kaba kñia ïa lade.

1 PETROS 5:8

To phin leh adkar, to phin ïasharai; naba uta u nongïaleh jong phi uba u Soitan, kum u sing bakyrhuh u ïaid kylleng, u da wad khnang ïa uno uno ruh ba un ïoh nguid tylli.

JUDAH 1:14

Bad dei ïa kine, ba u Enokh ruh, u bahynñiew na u Adam, u la ïathuhlypa, u da ong, “Ha khmih U Trai u la wan bad ki shiphew hajar ki bakhuid jong u,

JINGPYNPAW 12:9

Te la shop noh arsut ïa uta u ïakjakor bakhraw, uta u bseiñ tymmen ïa uba la khot “u Ksuid”, bad “u Soitan”, uba shukor ïa ka pyrthei baroh kawei; la shop noh arsut ïa u sha ka khyndew, bad ïa kita ki angel jong u la shop noh arsut lem bad u.

JINGPYNPAW 13:14

Te u shukor noh ïa kita kiba shong halor kata ka khyndew, da kita ki dak khyllah ïa kiba la ai bor ha u ban leh ha khmat uta u mrad khlaw; u da ong ha kita kiba shong halor kata ka khyndew ba kin thaw dur ïa uta u mrad khlaw, uba la ïoh ïa kata ka jingmong da ka waitlam, bad ba la ïoh im pynban.

JINGPYNPAW 19:20

Te la kem ïa uta u mrad khlaw, bad lem bad u ruh ïa uta u nongïathuhlypa balamler uba la leh ïa kita ki dak khyllah ha khmat jong u, da kiba u la shukor ïa kita kiba la pdiang ïa kata ka dak uta u mrad khlaw, bad ïa kita kiba la ïamane dem ïa kata ka dur jong u. Ïa kine baroh ar, la bred im keiñ sha kata ka pung ka ding ïa kaba la thang da u kyndok.