MATHAÏOS 13:38 - KA BAIBL

³⁸ kata ka lyngkha ruh, ka long ka pyrthei; kita ki symbai babha ruh, ki long ki khun ka hima; hynrei, kita ki ñiut, ki long ki khun uta u bymman;

Khasi CL Bible (BSI)

³⁸ ka lyngkha ka long ka pyrthei; u symbai babha u long ki briew kiba long ki jong ka Hima; ki ñiut ki long ki briew kiba long ki jong Uta u Basniew;

MATHAÏOS 13:38 ပူးပေါင်းရင်းမြစ်များ

JENESIS 3:15

Bad ïa ka jingshun ruh ngan buh hapdeng jong me bad kata ka briew, bad hapdeng u symbai jong me bad u symbai jong ka; u symbai jong ka un pynlwet ïa ka khlieh jong me, bad me men pynlwet ïa ka khongdong'jat jong u.”

SALM 22:30

U symbai un shakri ïa U; yn ïathuh ïa kane shaphang U Trai ha ka pateng bynriew kaba bud.

ISAÏAH 53:10

Pynban, U Trai u la mon ban pynlwet ïa u; u la pynkhuslai ïa u: haba men pynlong ïa ka mynsiem jong u ka jingainguh namar ka pop, un ïohi ïa la u symbai, un pynslem ïa la ki sngi, bad ka mon U Trai kan roi ha ka kti jong u.

HOSIA 2:23

Bad ngan bet ïa ka ha nga ha ka khyndew; te ngan isynei ïa ka bym shym la ïoh jingisynei; ngan ong ruh ha kita ki bym shym la long u paidlang jong nga, ‘Me long u paidlang jong nga;’ ki te kin ong, ‘Me long U Blei jong nga.’ ”

MATHAÏOS 13:19

Haba uno uno ruh u ïohsngew ïa ka ktien ka hima bad um sngewthuh ïa ka, u bymman u wan bad u rong noh ïa kata ïa kaba la bet ha ka dohnud jong u. Une u long uta ïa uba la bet harud lynti.

MATHAÏOS 24:14

Te ïa kane ka gospel jong ka hima yn ïalap ha ka pyrthei baroh, ïa ka ban long ka jingphla ha ki kynja bynriew baroh; ynda kumta keiñ, kan jia kata ka bakut.

MATHAÏOS 5:37

Hynrei, ka ktien jong phi to ai ba kan long kaba, ‘Ho-oid, Ho-oid’; kaba, ‘Em, Em’: naba, kaba tam na kita ka long na ka basniew.”

MATHAÏOS 8:12

hynrei, ïa ki khun ka hima yn shop noh sha ka ba-dum jngai bah: hangta yn long kaba lynñiar, bad kum dait bniat.”

LOUKAS 24:47

bad ba ha ka kyrteng jong u yn ïalap ïa ka jingkylla-ka-bamut bad ïa kaba map ki pop hapdeng ki jaid bynriew baroh, da kaba sdang na Jerusalem:

ÏOANNIS 12:24

Shisha, shisha nga ong ha phi, lymda iwei i symbai Kew i da hap ha ka khyndew, bad ba i ïap, ita i ïaisah marwei; hynrei, lada i ïap, i sei noh bun soh.

ÏOANNIS 8:44

Phi, phi long na u kpa jong phi, u Soitan, bad ïa ki jingkwah jong uta u kpa jong phi, phi ïamon ban leh; uta u la long u nongshohnoh briew naduh kaba mynnyngkong, bad um ju sah ha ka jingshisha, naba kaba shisha kam don satia ha u: haba u kren ïa kaba lamler, u kren na kiei kiei la ki jong, naba u long uba lamler, bad u kpa jong ki jinglamler.

KI KAM 13:10

bad u la ong, “A uba dap da ka buit arsap suda, bad da ka buit bymman suda, me u khun u Soitan, me u nongshun ka hok baroh, men ym wai shuh ban pynbakla ïa ki lynti babeit jong U Trai?

Ka Shithi U Paul Sha Ki Nong Rom 10:18

Hynrei, nga ong, “Kim shym la ïohsngew?” Ho-oid shisha keiñ; “Ka jingsawa jong ki ka la leit ïaid keiñ ha ka khyndew baroh, bad ki ktien jong ki shaduh ki bakut ka pyrthei.”

Ka Shithi U Paul Sha Ki Nong Rom 16:26

hynrei, mynta, la pynpaw shynna ïa ka, bad da ki jingthoh ki nongïathuhlypa, katba kum ka hukum ka jong U Blei Bymjukut, la pyntip ïa ka ha ki kynja bynriew baroh khnang ïa ka jingkohnguh ïa ka jingngeit:

Ka Shithi U Paul Sha Ki Nong Rom 8:17

kumta, lada ngi long ki khun, ngi long ki nongïoh pateng ruh; ki nongïoh pateng U Blei keiñ bad ki nongïaïoh pateng lem bad U Khrist de; lada shisha ngi ïashah shitom lem bad u, yn ïoh pyndonburom lem ïa ngi ruh bad u.

KOLOSSAI 1:6

kaba la wan sha phi, kumba ka long ruh ha ka pyrthei baroh, kaba sei soh bad kaba nang roi, kumba ha phi ruh, naduh kata ka sngi ba phi la ïohsngew bad phi la ithuh ïa ka jingaiei U Blei ha ka jingshisha;

JAKOB 1:18

Da kaba u la mon sngewbha, u la pynkha ïa ngi da ka ktien ka jingshisha, ba ngin long ma ngi ki kynja soh nyngkong na kita ki jingthaw jong u.

JAKOB 2:5

To da sngew phi, ko parabangeit ba-ieit jong nga: Hato U Blei um ju la jied ïa kita ki baduk jong kane ka pyrthei, ban long ki bariewspah ha ka jingngeit, bad ki nongïoh pateng ïa kata ka hima, ïa kaba u la kular ha kita kiba ieit ïa u?

1 PETROS 1:23

haba la pynkha ar sien ïa phi ym na u symbai basep, hynrei, u bymsep, da ka ktien U Blei kaba im bad kaba ïaisah.

1 ÏOANNIS 3:2

Ko hep ba-ieit, mynta ngi long ki khun U Blei, bad ym pat la pynpaw ïa kaei ba ngin sa long; hynrei, ngi tip ba, ynda la pynpaw ïa u, ngin long kiba kum ma u; naba ngin ïohi ïa u kumba u long hi.

JINGPYNPAW 14:6

Bad nga la ïohi ïa uwei pat u angel uba her hapdeng ka bneng, uba don ka gospel bymjukut ban ïathuhkhana ha kita kiba shong halor kata ka khyndew, bad ha ka kynja bynriew bad ka jaid bad ka thylliej bad u paidlang baroh;