MATHAÏOS 13:23 - KA BAIBL

²³ Hynrei, uta ïa uba la bet ha ka khyndew ka babha, u long uta uba ïohsngew ïa kata ka ktien bad uba da sngewthuh ïa ka; uba sei soh ruh, bad ba pynmih ruh uba shispah shah, uba hynriewphew shah, uba laiphew shah ruh.”

Khasi CL Bible (BSI)

²³ Bad ki symbai kiba la bet ha ka khyndew kaba bha ki ïeng na ka bynta kito kiba ïohsngew ïa ka khubor bad shemphang ïa ka: ki pynmih soh, katto katne shispah tylli, kiwei pat hynriewphew tylli, bad kiwei pat laiphew tylli.”

MATHAÏOS 13:23 ပူးပေါင်းရင်းမြစ်များ

ESEKIEL 18:31

To bred noh na phi ïa ki jingpalat jong phi baroh, ha kiba phi la leh palat; to pynlong ïa lade ka dohnud bathymmai bad ka mynsiem bathymmai: namar phin ïap lei, ko ka ïing Israel?

ESEKIEL 36:26

Ngan ai ruh ka dohnud thymmai ha phi, bad ka mynsiem thymmai de ngan buh hapoh jong phi: bad ngan khlaw ïa ka dohnud maw na ka doh jong phi, bad ngan ai ka dohnud doh ha phi.

MATHAÏOS 12:33

“Lane phin tharai babha ïa u dieng, bad ïa u soh jong u ruh; lane phin tharai basniew ïa u dieng, bad ïa u soh jong u ruh: naba ïa u dieng yn ithuh na u soh jong u.

MATHAÏOS 13:8

Kiwei pat te ki la hap ha ka khyndew ka babha, bad ki la sei soh, kiba shispah shah, kiba hynriewphew shah, kiba laiphew shah ruh.

MATHAÏOS 3:10

Hynrei, mynta ruh la thew ïa ka wait ha u thied ki dieng; namar kata, ïa u dieng baroh u bymsei soh babha yn khet noh, bad yn bred sha ka ding.

MATHAÏOS 3:8

Naba kumta to sei ïa u soh uba dei biang ïa ka jingkylla-ka-bamut:

MARKOS 10:15

Shisha nga ong ha phi, uno uno ruh u ban ym pdiang ïa ka hima U Blei kum u khun khynnah, un ym leit bsut hapoh kata.”

MARKOS 4:20

Kine te ki long kita kiba la bet ha ka khyndew ka babha; kiba ïohsngew ïa kata ka ktien, bad kiba pdiang ïa ka, bad kiba sei soh, uba laiphew shah, bad uba hynriewphew shah, bad uba shispah shah de.”

LOUKAS 13:9

Lada un sei soh, te bha; hynrei lym kumta, men sa khet noh ïa u.’ ”

LOUKAS 8:15

Te uta uba ha ka khyndew ka babha, kine ki long kita kiba da ka dohnud ka bahok bad ka babha, haba ki la ïohsngew ïa ka ktien, ki bat skhem ïa ka, bad ki sei soh da ka jingïaineh.”

LOUKAS 8:8

Uwei pat te, u la hap ha ka khyndew ka babha, bad u la mih, bad u la sei soh shispah shah.” Haba U la ong ïa kine kiei kiei ruh, U la pyrta, “Uba don ki shkor ban sngew, to ai ba un sngew.”

ÏOANNIS 15:16

Phi, phim shym la jied ïa nga, hynrei, nga, nga la jied ïa phi, bad nga la thung ïa phi, ba phi phin ïoh ïai-leit bad sei soh, bad ba u soh jong phi un ïoh ïaineh; ba kaei kaei ruh ba phin pan na uta U Kpa ha ka kyrteng jong nga, un ai ha phi.

ÏOANNIS 8:47

Jar uba long na U Blei, u shahshkor ïa ki ktien jong U Blei; namar kata keiñ, phi phim ïashahshkor, naba phim long na U Blei.”

KI KAM 16:14

Te kawei ka briew kaba kyrteng “ka Lydia”, ka nongdie jaiñ saw bthuh na ka shnong Thiateira, kaba mane ïa U Blei, ka la sngew ïa ngi; ïa ka dohnud jong ka U Trai u la plie wang, ban shahshkor ïa kita kiei kiei ruh ïa kiba la ïalap da u Paul.

KI KAM 17:11

Kine te ki la long kiba kham don akor ban ïa kita kiba ha Thessaloni, kiba la pdiang ïa kata ka ktien da ka jingsngew-la-kloi baroh, ha la ka sngi ki da ïitbniah ïa Ki Jingthoh, la kine kiei kiei ruh ki lah long kumta ne em.

2 KORINTH 9:10

Te uta uba ai symbai ha uta uba bet, bad kpu ïa ka ban bam, un ai bad un pynroi ïa u symbai jong phi ban bet, bad un pynroi ki soh ka hok jong phi;

PHILIPPI 1:11

kiba la pyndap da ki soh ka hok, kiba long da U Jisu Khrist, khnang ïa ka burom bad ka jingïaroh ïa U Blei.

PHILIPPI 4:17

Ym ba nga wad khnang ïa ka jingai; hynrei, nga wad khnang ïa u soh uba roi byllien sha ka jingkheiñ jong phi.

KOLOSSAI 1:10

ba phin ïaid kum ba dei biang ïa U Trai, ïa ka ban pynsngewbha baroh, da kaba sei soh ha ka jingleh babha baroh, bad da kaba nang roi ha ka jingtip ïa U Blei;

KOLOSSAI 1:6

kaba la wan sha phi, kumba ka long ruh ha ka pyrthei baroh, kaba sei soh bad kaba nang roi, kumba ha phi ruh, naduh kata ka sngi ba phi la ïohsngew bad phi la ithuh ïa ka jingaiei U Blei ha ka jingshisha;

1 THESSALONI 4:1

Ha kaba wai noh te, ko parabangeit, ngi kyrpad bad ngi kyntu ïa phi ha U Trai Jisu, ba kat kumba phi la pdiang na ngi kumno ka dei ïa phi ban ïaid bad ban pynsngewbha ïa U Blei, kumba phi ïaid ruh, ba phin nang roi nang roi.

2 THESSALONI 2:10

bad da ka jingshukor ka jingbymhok baroh na ka bynta kita kiba jot; naba kim shym la pdiang ïa ka jingieit ïa ka jingshisha, ba yn pynim ïa ki.

HEBRU 4:2

Namar shisha, ha ngi ruh la ïalap ïa ka gospel kumba ha kita ruh; hynrei, kata ka ktien ba la ïohsngew kam shym pynmyntoi ïa ki, namar ym shym la khñiot lang ïa ka bad ka jingngeit ha kita kiba la ïohsngew.

HEBRU 6:7

Namar ka khyndew kaba la kjit noh ïa u slap bahap bunsien ha ka, bad kaba pynmih noh ïa ki jhur ba bit ïa kita na ka bynta kiba la rep ïa ka ruh, ka pdiang ka jingkyrkhu na U Blei;

HEBRU 8:10

“Naba kane ka long kata ka jutang ïa kaba ngan pynlong bad ka ïing Israel hadien kita ki sngi,” ong U Trai: “Ngan buh ïa ki hukum jong nga ha ka jingmut jong ki, bad ha ki dohnud jong ki ngan thoh ïa ki; bad ngan long U Blei jong ki, bad ki, kin long u paidlang jong nga;

2 PETROS 3:18

Hynrei, to phin nang roi ha ka jingaiei bad ka jingtip ïa U Trai bad U Nongpynim jong ngi U Jisu Khrist. Ha u, to yn long ka burom mynta ruh bad haduh ka sngi ka bymjukut: Amen.

1 ÏOANNIS 5:20

Ngi tip ruh ba uta U Khun U Blei u la wan, bad u la ai ha ngi ka jingshemphang, khnang ba ngin ïoh ithuh ïa uta U Bashisha; bad ngi long ha uta U Bashisha, ha uta U Khun jong u, U Jisu Khrist. Une u long uta U Blei Bashisha, bad kata ka jingim bymjukut.