MATHAÏOS 13:19 - KA BAIBL

¹⁹ Haba uno uno ruh u ïohsngew ïa ka ktien ka hima bad um sngewthuh ïa ka, u bymman u wan bad u rong noh ïa kata ïa kaba la bet ha ka dohnud jong u. Une u long uta ïa uba la bet harud lynti.

Khasi CL Bible (BSI)

¹⁹ Kito kiba ïohsngew ïa ka khubor shaphang ka Hima hynrei ki bymshemphang ïa ka, ki long kum ki symbai kiba la hap ha shi lynter ka lynti ïaid kjat. Uta u Basniew u wan bad u knieh noh ïa kaei kaba la bet hapoh jong ki.

MATHAÏOS 13:19 ပူးပေါင်းရင်းမြစ်များ

PROBERB 1:7

Ka jingsheptieng ïa U Trai ka long ka jingsdang ka jingtip: hynrei, ki babieit ki ñiewbeiñ ïa ka jingstad bad ka jinghikai.

PROBERB 17:16

Balei ba ka dor ka don ha ka kti u babieit ban thied ïa ka jingstad, haba um don ka jingshemphang?

ESEKIEL 31:18

Ïano me syriem kumne ha ka burom bad ha ka jingkhraw hapdeng ki dieng ka Eden? pynban, yn pynhiar ïa me lem bad ki dieng ka Eden haduh ki bynta ba kham shapoh jong ka khyndew: men shong hapdeng ki bym shym la otsher, lem bad kita kiba la ïap da ka waitlam. Une u long u Pharaoh bad ki paidbah jong u baroh,” ong U Trai U Blei.

MATHAÏOS 12:26

Lada u Soitan ruh u shop noh ïa u Soitan, u ïaleh hi ïa lade; kumta, kan neh kumno ka hima jong u?

MATHAÏOS 13:20

Uta ïa uba la bet halor ki jaka maw te, u long uta uba ïohsngew ïa kata ka ktien, bad uba pdiang kumne kumne ruh ïa ka da kaba kmen;

MATHAÏOS 13:38

kata ka lyngkha ruh, ka long ka pyrthei; kita ki symbai babha ruh, ki long ki khun ka hima; hynrei, kita ki ñiut, ki long ki khun uta u bymman;

MATHAÏOS 4:23

Bad U Jisu u la leit kylleng ka Galilaïa baroh, u da hikai ha ki synagog jong ki, bad u da ïalap ïa ka gospel ka hima, u da pynkhiah de ïa ki jingpang baroh bad ïa ki jingkhrew baroh ruh ha ki briew.

MATHAÏOS 5:37

Hynrei, ka ktien jong phi to ai ba kan long kaba, ‘Ho-oid, Ho-oid’; kaba, ‘Em, Em’: naba, kaba tam na kita ka long na ka basniew.”

MARKOS 4:15

Kine te long kita kiba harud lynti, ha kaba la bet ïa ka ktien; hynrei, haba ki la ïohsngew, kumne kumne ruh u Soitan u wan, bad u rong noh ïa kata ka ktien ba la bet ha ki dohnud jong ki:

LOUKAS 10:9

te phin pynkhiah ïa ki bapang kiba don hangta, bad to ong ha ki, ‘Ka hima U Blei ka la wan hajan jong phi.’

LOUKAS 9:2

Bad u la phah ïa ki ban ïalap ïa ka hima U Blei, bad ban pynkhiah ïa ki bapang.

ÏOANNIS 18:38

U Pilat u kylli ïa U, “Ka long aïu ka jingshisha?” Te ynda u la lah ong ïa kane, u la mih noh shabar sha kita ki Jiw pat, bad u la ong ha ki, “Nga ngam shem ka jingpalat satia ha U.

ÏOANNIS 8:43

Balei phim sngewthuh ïa ka jingkren jong nga? naba phim lah ban shahshkor ïa ka ktien ka jong nga.

KI KAM 17:32

Te haba ki la ïohsngew shaphang ka jingmihpat ki baïap, don kiba la beiñ; hynrei, kiwei pat ki la ong, “Ngin ïasngew ïa me pat shaphang kane.”

KI KAM 18:15

hynrei, lada ka jingïasaid ka long shaphang ki ktien, bad ki kyrteng, bad ka hukum jong phi, khmih hi ma phi ïa kata; nga ngam mon ban long u nongbishar shaphang kine kiei kiei ruh.”

KI KAM 20:25

Mynta ruh, ha khmih nga tip ba phi baroh, hapdeng kiba nga la leit kylleng da kaba ïalap ïa kata ka hima, phin ym ïohi shuh ïa ka khmat jong nga.

KI KAM 28:23

Te kumta haba ki la ïabuh sngi bad u, ki la ïawan shibun ha u hapoh ka ïingbasa jong u; ha kita u la pynpaw, u da phla ïa ka hima U Blei, bad u da pynkohnguh ïa ki shaphang U Jisu, na Ka Hukum u Moses, bad na Ki Nongïathuhlypa ruh, naduh mynstep haduh janmiet.

Ka Shithi U Paul Sha Ki Nong Rom 1:28

Te kat kumba kim shym la treh ban bat ïa U Blei ha ka jingtip jong ki, kumta, U Blei u la iehnoh ïa ki ha ka jingmut bymsuidñiew, ban ïai-leh ïa kita kiei kiei ruh ki bymbit;

Ka Shithi U Paul Sha Ki Nong Rom 14:17

namar ka hima ka jong U Blei kam long keiñ kaba bam bad kaba dih; hynrei, ka hok, bad ka jingïasuk, bad ka jingkmen ha U Mynsiem Bakhuid.

Ka Shithi U Paul Sha Ki Nong Rom 2:8

hynrei, ha kita kiba leh kiat, bad ki bymkohnguh ïa ka jingshisha, hynrei, kiba kohnguh ïa ka jingbymhok, yn long ka jingbitar bad ka jingbitar baïaibat.

EPHESOS 3:8

Ha nga keiñ, uba kham rit ban ïa u barit tam na ki riewkhuid baroh, la ai ïa kane ka jingaiei, ïa ka ban ïalap ha ki Jentil ïa ka jingkynrei spah bym lah tip shuh ka jong U Khrist;

2 THESSALONI 2:12

khnang ba yn ïoh pynrem ïa kita baroh ki bym shym la ngeit ïa ka jingshisha, hynrei, kiba la sngewbha ha ka jingbymhok.

HEBRU 2:1

Naba kumta, ka dei ïa ngi ban ïakham pynshahshkor ïa kita kiei kiei ruh ïa kiba la ïohsngew, ïoh ba kumno re kumno ngi tuid noh na ki.

1 ÏOANNIS 3:12

ym kumba u Kain u la long na uta u basniew, bad u la pynïap noh ïa la u para. Te na ka balei u la pynïap noh ïa u? Naba ki jingleh jong u hi ki long ki basniew, hynrei, kita ki jong uta u para jong u ki bahok.

1 ÏOANNIS 5:18

Ngi tip ba uwei pa uwei baroh ïa uba la kha na U Blei, um leh pop shuh; hynrei, uta ïa uba la kha na U Blei, u ri noh ïa lade, te uta u basniew um ktah ïa u.

1 ÏOANNIS 5:20

Ngi tip ruh ba uta U Khun U Blei u la wan, bad u la ai ha ngi ka jingshemphang, khnang ba ngin ïoh ithuh ïa uta U Bashisha; bad ngi long ha uta U Bashisha, ha uta U Khun jong u, U Jisu Khrist. Une u long uta U Blei Bashisha, bad kata ka jingim bymjukut.