MATHAÏOS 12:7 - KA BAIBL

⁷ Hynrei, lada phi la lah tip kaei kane, ‘Ïa ka jingisynei nga mon, te ym ïa ka jingkñia,’ phin ym da la pynrem ïa kita kiba khlem pop.

Khasi CL Bible (BSI)

⁷ Ka Jingthoh Bakhuid ka ong, ‘Dei ka jingbhasbun kaba nga kwah, ym ïa ka jingkñia ïa ki mrad.’ Lada phi la tip kaei ka jingmut jong kane, phin ym da la pynrem ïa ki briew ki bym shym shah pynrem;

MATHAÏOS 12:7 ပူးပေါင်းရင်းမြစ်များ

Ka Kitab U Job 32:3

Ka jingbitar jong u ka la meh pyrshah ïa kita lai ngut ki lok jong u ruh, namar ba kim shym shem ka jingphai ktien, pynban, ki la pynrem ïa u Job.

SALM 109:31

Naba un ïeng ha ka kti kamon jong u barangli, ïa ka ban pynim ïa u na kita kiba bishar ïa ka mynsiem jong u.

SALM 94:21

Ki ïalum lang pyrshah ïa ka mynsiem jong u bahok, bad ki ïa-pynrem ïa ka snam balui lui.

PROBERB 17:15

Uba pynksan ïa u bymman, bad uta uba pynrem ïa u bahok, baroh ar ngut kumjuh, ki long ka jingijli ha U Trai.

HOSIA 6:6

Namar nga mon ïa ka jingisynei, te ym ïa ka jingkñia, bad ka jingtip ïa U Blei ban ïa ka jingainguh thang.

MATHAÏOS 22:29

U Jisu u da ïathuh te u la ong ha ki, “Phi bakla, ba phim tip ïa ki jingthoh, lymne ïa ka bor U Blei.

MATHAÏOS 9:13

hynrei, khie leit ma phi to hikai kaei kane, ‘Ïa ka jingisynei nga mon, te ym ïa ka jingkñia:’ naba ngam shym la wan ban khot ïa ki bahok, hynrei, ïa ki bapop ïa ka ban kylla-ka-bamut.”

MARKOS 12:33

bad ban ieit ïa u da ka dohnud baroh, bad da ka jingmut baroh, bad da ka mynsiem baroh, bad da ka bor baroh, bad ban ieit ïa la u paramarjan kumba ïa lade, ka long kham kor ïa ki jingainguh thang bad ïa ki jingkñia baroh.”

KI KAM 13:27

Namar kita kiba shong ha Jerusalem, bad ki nongsynshar jong ki, naba kim shym la ithuh ïa une, lymne ïa ki ktien jong ki nongïathuhlypa ïa kiba ju pule man la ka sngi Sabbaton, ki la ïa-pyndep noh ïa ki da kaba ïa-pynrem ïa U.

JAKOB 5:6

Phi la pynrem noh, phi la pynïap noh ïa uta u bahok; te um ïeng ïaleh pyrshah ïa phi.

JOSHUA 5:5

Namar ïa ki briew baroh ba la mih noh la otsher: hynrei, ïa ki briew baroh ba la kha ha ka ri khlaw ha lynti ynda ki la mih na Ijipt, ïa kita ym pat shym la otsher.

1 SAMUEL 15:22

Te u Samuel u la ong, “U Trai u sngewbha ma ha ki jingainguh thang bad ha ki jingkñia kumba ha kaba kohnguh ïa ka ktien U Trai? Ha khmih, kaba kohnguh ka kham bha ban ïa ka jingkñia, bad kaba shahshkor ban ïa ka khleiñ ki 'lang sohmoh.