MATHAÏOS 12:41 - KA BAIBL

⁴¹ Ki nong Ninebeh kin ïaïeng lem bad kane ka pateng bynriew ha ka jingbishar, bad kin ïa-pynrem ïa ka: naba ki la ïakylla-ka-bamut da ka jingïalap u Jonah: ha khmih te, hangne uba kham khraw ïa u Jonah.

Khasi CL Bible (BSI)

⁴¹ Ha ka Sngi ka Jingbishar ki briew jong ka Ninebeh kin ïeng joit bad mudui ïa phi, namar ki la phai noh na ki pop jong ki mynba ki la ïohsngew ba u Jonah u ïalap; bad nga ong ha phi ba don hangne uba kham khraw ban ïa u Jonah!

MATHAÏOS 12:41 ပူးပေါင်းရင်းမြစ်များ

ISAÏAH 54:17

Ka tiar baroh ba la thaw pyrshah ïa pha kan ym myntoi; bad ïa u thylliej baroh uba ïeng pyrshah ïa pha ha ka jingbishar phan pynrem. Kane ka long ka bynta ki shakri U Trai, bad ka hok jong ki kaba na nga,” ong U Trai.

JEREMAÏAH 3:11

Te U Trai u la ong ha nga, “Ka Israel baphai dien ka la pynpaw ïa lade kaba kham hok ban ïa ka Judah bashetkylla.

JONAH 1:2

“To ïeng, to leit sha Ninebeh, kata ka nongbah kaba khraw, bad to pyrta pyrshah ïa ka; naba ka jingleh bymman jong ki ka la wan kiew ha khmat jong nga.”

JONAH 3:4

Bad u Jonah u la sdang ban rung shapoh ka nongbah shi sngi lynti, bad u la pyrta, bad u la ong, “Sa sawphew sngi, te ïa ka Ninebeh yn pynkyllon.”

MATHAÏOS 12:39

U te u da ïathuh u la ong ha ki: “Ka pateng bynriew bymman bad baklim ka ïaiwad ka dak: hynrei, yn ym ai ka dak ha ka, hynrei, tang kata ka dak u Jonah u nongïathuhlypa.

MATHAÏOS 12:42

Ka syiem na shathie kan ïamih lem bad kane ka pateng bynriew ha ka jingbishar, bad kan pynrem ïa ka: naba ka la wan na sha ki bakut ka pyrthei ban ïohsngew ïa ka jingstad u Solomon; te ha khmih, hangne uba kham khraw ïa u Solomon.

MATHAÏOS 12:45

Ynda kumta, u leit noh, u shim lem bad u, hynñiew ki mynsiem kiwei pat kiba kham bymman ïa u hi, te ki ïaleit hapoh bad ki shong sah hangta: ka bakhatduh te ïa uta u briew kan long kham sniew ïa ka banyngkong. Kumta, kan long ruh ïa kane ka pateng bynriew bymman.”

MATHAÏOS 12:6

Hynrei, nga ong ha phi, ba uba kham khraw ïa ka templ u don hangne.

MATHAÏOS 16:4

Ka pateng bynriew bymman bad baklim ka wad ïa ka dak; te yn ym ai ka dak ha ka, hynrei, tang ïa kata ka dak u Jonah u nongïathuhlypa.” Haba u la iehnoh te ïa ki, u la leit noh.

MATHAÏOS 17:17

U Jisu te u la ïathuh bad u la ong, “A phi ka pateng bynriew bymngeit bad bamutlop, sa katno ngan long lem bad phi? sa katno ngan shah ïa phi? to wallam ïa u shane sha nga.”

MATHAÏOS 23:36

Shisha nga ong ha phi, ba kine kiei kiei baroh kin wanhap ha kane ka pateng bynriew.

LOUKAS 11:32

Ki nong Ninebeh kin ïaïeng lem ha ka jingbishar bad kane ka pateng bynriew, bad kin pynrem ïa ka; naba ki la kylla-ka-bamut da ka jingïalap u Jonah, bad ha khmih, uba kham khraw ïa u Jonah u don hangne.

ÏOANNIS 3:31

Uta uba wan na jrong, u long halor baroh: uta uba long na ka jong ka khyndew, u long na ka jong ka khyndew, bad ïa ka jong ka khyndew u kren: uta uba wan na bneng u long halor baroh:

ÏOANNIS 4:12

Hato me kham khraw ma me ban ïa u kpa jong ngi u Jakob, uba la ai ha ngi ïa kane ka pukri, bad u la dih hi ruh na ka, bad ki khun jong u, bad ki jingri jong u?”

Ka Shithi U Paul Sha Ki Nong Rom 2:27

Hato kan ym long ruh ba kata ka jingbym-otsher kaba na la ka kynja tynrai, lada ka la pyndep ïa kata ka hukum, kan bishar ïa me, uba bad ka dak bad ka jingotsher ruh, me long u nongryngkang ïa ka hukum?

HEBRU 11:7

Da ka jingngeit, u Noah haba la maham ïa u da U Blei shaphang kita kiei kiei ïa ki bym pat shym la ïohi, haba la pynkhih ïa u da ka jingtieng riewblei, u la thaw ka ïinglieng ban pynim ïa ka ïing jong u; da kaba u la pynrem ïa ka pyrthei, bad u la jia long u nongïoh pateng ïa kata ka hok kaba katba kum ka jingngeit.