MATHAÏOS 11:5 - KA BAIBL

⁵ Ki bamatlah ki peit pat, ki ba-dkoh ruh ki ïaid, la pynkhuid ïa ki bapang 'ñiangthohlieh, ki bakyllut ruh ki ïohsngew, la pynim pat ïa ki nongïap, bad la ïalap ïa ka gospel ha ki baduk ruh:

Khasi CL Bible (BSI)

⁵ kiba matlah ki lah ban ïohi, kiba dkoh ki lah ban ïaid, ïa kito kiba pang 'ñiangthohlieh la pynkhuid, kiba kyllut ki ïohsngew, ïa kiba ïap la pynim pat, bad ïa ka Khubor Babha la ïalap ha kiba duk.

MATHAÏOS 11:5 ပူးပေါင်းရင်းမြစ်များ

2 SYIEM 5:14

Ynda kumta, u la leit hiar, bad u la sum hynñiew sien ha Jordan, katba kum ka jingong u briew jong U Blei: bad ka doh jong u ka la wan biang kum ka doh u khunlung, bad u la khuid.

2 SYIEM 5:7

Te haba u syiem ki Israel u la lah pule ïa kata ka shithi, u la kad ïa la ki jaiñ, bad u la ong, “Nga long U Blei mo, u ban pynïap bad u ban pynim, ba une u briew u phah ha nga ban pynkoit ïa u briew na u 'ñiangthohlieh jong u? Hynrei, nga kyrpad ïa phi, to pyrkhat, bad to khmih, kumno u wad daw ban ïakajia bad nga.”

SALM 146:8

U Trai u pynpeit ïa ki bamatlah; U Trai u kyntiew ïa kiba la pynpoh; U Trai u ieit ïa ki bahok;

SALM 22:26

Kiba lui lui kin bam bad kin kdang: kita kin ïaroh ïa U Trai kiba wad ïa u: to ai ba ka dohnud jong phi kan im junom.

EKSODOS 4:11

Te U Trai u la kylli ïa u, “Uei ba la thaw ïa ka shyntur u briew? Lane uei ba la thaw ïa u bymnangkren, lane u bakyllut, lane u bapeit, lane u bamatlah? Ym long ma nga U Trai?

ISAÏAH 29:18

Te ha kata ka sngi, ki bakyllut kin ïohsngew ïa ki ktien ka kitab, ki khmat ki bamatlah ruh kin ïohi na ka jingkah bad na ka jingdum.

ISAÏAH 29:19

Ki bajemnud ruh kin pynroi ïa la ka jingkmen ha U Trai, bad ki baduk hapdeng ki briew kin ïashadkmen ha uta U Bakhuid jong ki Israel.

ISAÏAH 43:8

“To wallam ïa u paidlang bamatlah ba don ki khmat, bad ki bakyllut ba don ki shkor.

ISAÏAH 66:2

Naba ïa kine kiei kiei baroh ka kti jong nga ka la thaw, te kumta kine kiei kiei baroh ki la wan long,” ong U Trai: “hynrei, ha une u briew ngan khmih, wat ha uta uba sngewduk bad uba sngewsih ka mynsiem, bad uba khynñiuh ha ka ktien jong nga.

SEKHARAÏAH 11:7

“Kumta, nga bsa ïa ka kynhun ka jingpynïap, shisha keiñ, ïa ki basniew jong ka kynhun. Bad nga la shim ha nga ar tylli ki diengduh; ïa uwei nga la kyrteng ‘Ka Jingitynnad’, bad ïa uta uwei nga la kyrteng ‘Ki Jingteh’; bad nga la bsa ïa ka kynhun.

MATHAÏOS 10:8

To pynkhiah ïa ki bapang, to pynkhuid ïa ki bapang 'ñiangthohlieh, to pynim pat ïa ki baïap, to beh noh ïa ki ksuid: phi la pdiang ei, phin ïa-ai ei.

MATHAÏOS 11:4

U Jisu te u la ïathuh bad u la ong ha ki, “To khie leit ïathuh ha u Ïoannis ïa kiei kiei ruh kiba phi ïohsngew bad ba phi ïohi ruh:

MATHAÏOS 12:13

Haba kumta u la ong ha uta u briew, “To rah ïa la ka kti.” U la rah te ïa ka; bad la pynbha pat ïa ka kum kata kawei.

MATHAÏOS 21:14

Ki bamatlah bad ki ba-dkoh ruh ki la wan ha u ha ka templ, bad u la pynkhiah ïa ki.

MATHAÏOS 5:3

“Suk ki baduk ha ka mynsiem: naba jong ki, long ka hima ki bneng.

MATHAÏOS 9:30

Ïa ki khmat jong ki te la pynpeit. U Jisu te u la maham ïa ki, u da ong, “To sumar ban ym tip mano mano ruh.”

MARKOS 7:37

Te ki la sngewkyndit bym lah ong shuh, ki da ong, “Ka bha baroh kat kaba U la leh; naba U pynlong ïa ki bakyllut ban sngew, bad ïa ki bymnangkren ban kren.”

MARKOS 9:25

Te haba U Jisu u la ïohi ba u paidbah u ïaphet lang sha U, U la sneng ïa uta u mynsiem bymkhuid, U da ong ha u, “Ko mynsiem bymnangkren bad bakyllut, nga hukum ïa me, ‘To mih noh na u, wat leit bsut shuh ruh ha u.’ ”

LOUKAS 4:18

“U Mynsiem U Trai U ha nga: naba U la pynsleh ïa nga ïa ka ban ïalap ïa ka gospel ha ki baduk; U la phah ïa nga ban pynbna ïa ka jingpyllait ha kiba la set byndi, bad ïa ka jingpynpeit pat ha ki bamatlah, ban pyllait noh ïa kiba la ban ka shitom;

ÏOANNIS 10:25

U Jisu u la ïathuh ha ki, “Nga la ong ha phi, hynrei, phim ngeit: kita ki jingleh ruh ïa kiba nga leh ha ka kyrteng U Kpa jong nga, kita keiñ, ki ïaphla shaphang jong nga.

ÏOANNIS 10:38

hynrei, lada nga leh, la phim ïangeit satia ïa nga, to phin ïangeit te ïa kita ki jingleh: ba phin ïoh tip, bad ba phin ïoh ngeit, ba uta U Kpa u ha nga, bad nga ruh ha u.”

ÏOANNIS 2:23

Te katba u dang don ha Jerusalem ha kata Ka Jingkhawai Niam Ka Jinglait, shibun ki la ngeit ha ka kyrteng jong u, ynda ki la ïohi ïa ki dak phylla jong u ïa kiba u la leh.

ÏOANNIS 3:2

Une u la wan ha U Jisu mynmiet, bad u la ong ha U, “Ko Nonghikai, ngi tip ba me long u nonghikai uba la wan na U Blei, namar ym don uba lah ban leh ïa kine ki kambah ïa kiba me leh, lymda U Blei u long ryngkat bad u.”

ÏOANNIS 5:36

Hynrei, ma nga, nga don ka jingphla kaba kham khraw ïa ka jong u Ïoannis; namar kita ki jingleh ïa kiba U Kpa u la aiti ha nga ba ngan ïoh pyndep ïa ki, kita kijuh hi ki jingleh kiba nga leh, ki ïaphla shaphang jong nga, ba uta U Kpa u la phah ïa nga.

ÏOANNIS 9:7

bad U la ong ha u, “To khie leit bta ha ka pung sum Siloam” (kaba long haba la batai, “Ba la phah”). Namar kata, u la leit noh bad u la bta, bad u la wan pat u da peit.

KI KAM 2:22

“Ko ki rangbah Israel, to sngew ïa kine ki ktien: ïa U Jisu uba na Nasaret, u briew ba U Blei u la pynithuh shynna ha phi da ki kambah, bad da ki jingphylla, bad da ki dak khyllah de, kiba U Blei u la leh da u hapdeng jong phi, kumba phi hi ruh phi tip,

JAKOB 2:5

To da sngew phi, ko parabangeit ba-ieit jong nga: Hato U Blei um ju la jied ïa kita ki baduk jong kane ka pyrthei, ban long ki bariewspah ha ka jingngeit, bad ki nongïoh pateng ïa kata ka hima, ïa kaba u la kular ha kita kiba ieit ïa u?