MATHAÏOS 11:3 - KA BAIBL

³ bad u la kylli ha U, “Me long uta u ban sa wan, ne ngin ïa-ap ïa uwei pat?”

Khasi CL Bible (BSI)

³ “Ïathuh ïa ngi,” ki la kylli ïa U Jisu, “phi long ma phi uta uba dei ban wan, ne ngin ïakhmih lynti ïa uwei pat?”

MATHAÏOS 11:3 ပူးပေါင်းရင်းမြစ်များ

JENESIS 12:3

bad ngan kyrkhu ïa kita kiba kyrkhu ïa me, bad ngan tim ïa uta uba tim ïa me: bad ïa ki jaid bynriew baroh ha ka pyrthei kin long ba la kyrkhu ha me.”

JENESIS 3:15

Bad ïa ka jingshun ruh ngan buh hapdeng jong me bad kata ka briew, bad hapdeng u symbai jong me bad u symbai jong ka; u symbai jong ka un pynlwet ïa ka khlieh jong me, bad me men pynlwet ïa ka khongdong'jat jong u.”

JENESIS 49:10

U dieng synshar un ym kynriah na u Judah, lymne u nongthaw aiñ napdeng ki sla'jat jong u, ha ban da wan u Shiloh; bad ïa u ki jaid bynriew kin ïakohnguh.

SALM 118:26

Long ba la kyrkhu ïa uta uba wan ha ka kyrteng U Trai: ngi la kyrkhu ïa phi na ka ïing U Trai.

ISAÏAH 7:14

Namar kata, U Trai hi un ai ka dak ïa phi: Ha khmih, ka theisotti kan punkhun, kan kha ruh ïa u khun, yn khot ruh ïa ka kyrteng jong u, ‘u Immanuel.’

HOSIA 3:5

hadien kata, ki khun Israel kin sa phai, bad kin sa wad ïa U Trai U Blei jong ki, bad ïa u Dabid u syiem jong ki de; te kin sa wan da ka jingsheptieng ha U Trai bad ha ka jinglehsbun jong u ha ki sngi ki bakhatduh.

OBADAÏAH 1:21

Bad ki nongpynim kin wan kiew halor u lum Seïon ban bishar ïa u lum u Iso; te ka hima kan long ka jong U Trai.”

MIKAH 5:2

Hynrei, ma pha, ka Bethlehem Ephrathah, la pha long kaba rit hapdeng ki hajar Judah, na pha keiñ un mih ha nga uwei u ban sa long u nongsynshar ha Israel; uba ka jingmih jong u ka long na mynhyndai, naduh bymjukut.

HAGGAI 2:7

bad ngan pynkhih ïa ki jaid bynriew baroh, bad kiei kiei kiba ñiewkor jong ki jaid bynriew baroh kin ïawan, bad ngan pyndap ïa kane ka ïing da ka burom,’ ong U Trai ki paid.

SEKHARAÏAH 9:9

“To leh kmen shikatdei, ko ka khun Seïon; to risa, ko ka khun Jerusalem: ha khmih, u syiem jong pha u wan ha pha: u long u bahok, bad uba don ka jingpynim; uba leh rit, bad uba shong halor u kadda, halor u khun kadda jong ka kadda keiñ.

MALAKHI 3:1

“Ha khmih, nga phah ïa la u nonglam-ktien, bad un khreh ïa ka lynti ha shuwa jong nga: bad U Trai, uba phi ïawad, un wan kyndit sha la ka ïing: bad uta u angel ka jutang, ha uba phi ïasngewbha, ha khmih, u wan,” ong U Trai ki paid.

MALAKHI 4:2

Hynrei, ha phi kiba sheptieng ïa ka kyrteng jong nga kan mih ka sngi ka hok bad ka jingpynkhiah ha ki thapniang jong ka; bad phin ïoh mih shabar, bad phin rynsied kum ki khun masi ba bsa ha ïing.

JINGKHEIÑ 24:17

Nga ïohi ïa u, hynrei, ym mynta: nga ïoh khmih ïa u, hynrei, ym najan: u khlur un wan noh na u Jakob, bad u dieng synshar un mih noh na u Israel, u ban shoh lwet ïa ki Moab baroh sawdong, bad u ban pynjot noh ïa ki khun baroh u Sheth.

MATHAÏOS 11:10

Naba une u long uta ba la thoh shaphang jong u: “ ‘Ha khmih, nga phah ïa u nonglam-ktien jong nga ha shuwa ka khmat jong me, u ban khreh ïa ka lynti jong me ha shuwa jong me.’

MATHAÏOS 11:4

U Jisu te u la ïathuh bad u la ong ha ki, “To khie leit ïathuh ha u Ïoannis ïa kiei kiei ruh kiba phi ïohsngew bad ba phi ïohi ruh:

MATHAÏOS 21:5

“Ïathuh ha ka khun ka Seïon, ‘Ha khmih, U Syiem jong pha u wan ha pha, uba jemnud bad uba shong halor ka kadda, halor u khun ka kadda kaba la ju mlien bad ka lyngkor ruh.’ ”

MATHAÏOS 21:9

Kita ki paidbah de kiba ïaid sha shuwa, bad kita kiba bud nadien, ki la ïapyrta, ki da ong, “Hosanna ïa U Khun u Dabid! Long ba la kyrkhu ïa uta uba wan ha ka kyrteng U Trai! Hosanna ha kiba jrong tam eh!”

MARKOS 11:9

Te kita kiba ïaid sha shuwa, bad kita kiba bud nadien de, ki la ïapyrta, “Hosanna! Long ba la kyrkhu uta uba wan ha ka kyrteng U Trai.

LOUKAS 19:38

ki da ong, “Long ba la kyrkhu ïa U Syiem uba wan ha ka kyrteng U Trai! ka jingsuk ha bneng, bad ka burom ha kiba jrong tam eh.”

ÏOANNIS 11:27

Ka la ïathuh ha u, “Ho-oid, ko Trai, nga la ngeit ba me, me long U Khrist, U Khun U Blei, u ban sa wan sha ka pyrthei.”

ÏOANNIS 12:13

ki la ïashim ïa ki tnat jong ki dieng Tlai, bad ki la ïamih noh ïa ka ban tan ïa u, bad ki la ïapyrta, “Hosanna! Long ba la kyrkhu ïa U Syiem ki Israel, uba wan ha ka kyrteng U Trai!”

ÏOANNIS 16:14

Un pyndonburom ïa nga, naba un shim na ka jong nga, bad un pynpaw ha phi.

ÏOANNIS 4:21

U Jisu u ïathuh ha ka, “Ko ka briew, to ngeit ïa nga, ba ka por ka jia, haba phin ym ïamane ïa U Kpa halor une u lum, lymne ha Jerusalem.

ÏOANNIS 6:14

Ynda kita ki briew ki la ïohi ïa kata ka kambah ïa kaba U Jisu u la leh, ki la ïa-ong, “Une u long shisha uta u nongïathuhlypa u ban sa wan ha ka pyrthei.”

ÏOANNIS 7:31

Shibun te na uta u paidbah ki la ngeit ha u; bad ki la ïakylli, “Uta U Khrist ynda u la wan, hato un leh kham bun ki kambah ïa kine ïa kiba une u la leh?”

HEBRU 10:37

Namar sa tang shibit eh, “Uta uba wan un wan, bad un ym pyntud.