MATHAÏOS 11:29 - KA BAIBL

²⁹ To shim ïa ka lyngkor jong nga ha phi, to hikai ruh na nga; naba nga uba lui lui bad u barit ruh ha ka dohnud: te phin shem kaba jahthait ha ki mynsiem jong phi.

Khasi CL Bible (BSI)

²⁹ To shim ïa ka lyngkor jong nga bad buh ïa ka halor jong phi, bad to hikai na nga, namar nga long uba jemnud bad uba sngewrit ha ka mynsiem; bad phin shem ka jingjahthait.

MATHAÏOS 11:29 ပူးပေါင်းရင်းမြစ်များ

2 KHRONIKL 10:11

Te mynta, kumba u kpa jong nga u la pynkit ïa phi da ka lyngkor bakhia, ngan nang pyntam shuh ha ka lyngkor jong phi: u kpa jong nga u la pynshitom ïa phi da ki dieng sympat, hynrei, ngan pynshitom da ki shabuk.’ ”

SALM 116:7

To phai noh, ko mynsiem jong nga, sha la kaba jahthait; naba U Trai u la leh bha ïa pha.

SALM 131:1

Ko Trai, ka dohnud jong nga kam sarong, lymne ki khmat jong nga kim khmih meng; lymne ngam shym ïaid ha kiei kiei ki bakhraw, lane ha kiei kiei kiba phylla palat ïa nga.

PROBERB 3:17

Ki lynti jong ka ki long ki lynti ka jingsngewtynnad, bad ki lynti ïaid jong ka baroh ki long ka jingsuk.

ISAÏAH 28:12

ha uba u la ong, “Kane ka long ka jingjahthait, to ai phi ka jingjahthait ha uta uba tlot; bad kane ka long ka jingpynpyngngad:” pynban, kim mon ban sngew.

ISAÏAH 29:19

Ki bajemnud ruh kin pynroi ïa la ka jingkmen ha U Trai, bad ki baduk hapdeng ki briew kin ïashadkmen ha uta U Bakhuid jong ki Israel.

JEREMAÏAH 6:16

Kumne u ong U Trai, “To ïeng phi ha ki lynti bad to khmih, bad kylli shaphang ki lynti ïaid ki barim, ha kaba don kata ka lynti babha, bad to ïaid ha ka, bad phin shem kaba jahthait ïa ki mynsiem jong phi: hynrei, ki la ong, ‘Ngin ym ïaid ha ka.’

SEKHARAÏAH 9:9

“To leh kmen shikatdei, ko ka khun Seïon; to risa, ko ka khun Jerusalem: ha khmih, u syiem jong pha u wan ha pha: u long u bahok, bad uba don ka jingpynim; uba leh rit, bad uba shong halor u kadda, halor u khun kadda jong ka kadda keiñ.

JINGKHEIÑ 12:3

Hynrei, uta u briew, u Moses, u la long uba jemnud tam na ki briew baroh kiba ha khmat ka pyrthei.

MATHAÏOS 17:5

Haba u dang kren, ha khmih, u lyoh batyngshaiñ u la kah ïa ki: ha khmih ruh, ka ktien na uta u lyoh ka la ong, “Une u long U Khun jong nga uba ieit, ha uba nga sngewbha: phin sngew ïa u.”

MATHAÏOS 21:5

“Ïathuh ha ka khun ka Seïon, ‘Ha khmih, U Syiem jong pha u wan ha pha, uba jemnud bad uba shong halor ka kadda, halor u khun ka kadda kaba la ju mlien bad ka lyngkor ruh.’ ”

MATHAÏOS 28:20

da hikai ïa ki ban sumar ïa kiei kiei baroh kat kiba nga la hukum ïa phi. Ha khmih ruh, nga, nga long ryngkat bad phi ha la ka sngi, haduh kaba wai noh ka pyrthei.”

MATHAÏOS 7:24

“Te mano mano baroh uba sngew ïa kine ki ktien jong nga, bad uba leh ïa ki, ngan tharai ïa u kum u briew u bastad, uba la tei ïa ka ïing jong u halor u mawsiang:

LOUKAS 8:35

Bad ki la ïamih noh ban leit jngoh ïa kaba la jia; bad ki la wan ha U Jisu, bad ki la shem ïa uta u briew, na uba la lah mih noh kita ki ksuid, ba u la kup jaiñ, bad ba u tipbriew, u da shong de hajan ki kjat U Jisu; te ki la sheptieng.

ÏOANNIS 13:15

Namar nga la ai ka rukom ha phi, ba phi ruh phin ïoh leh, kumba nga la leh ma nga ha phi.

ÏOANNIS 13:17

Lada phi tip ïa kine kiei kiei ruh, suk ma phi lada phi leh ïa ki.

KI KAM 7:37

Une, u long uta u Moses, uba la ong ha ki khun Israel, ‘U Blei un pynmih ïa u nongïathuhlypa ha phi napdeng ki para jong phi, uba kum ma nga.’

1 KORINTH 9:21

ha kiba khlem hukum, kum uba khlem hukum, ym ba nga long ba khlem hukum ha U Blei, hynrei, hapoh ka hukum ha U Khrist, khnang ba ngan ïoh pynwan ïa kita kiba khlem hukum.

2 KORINTH 10:1

Te nga hi, u Paul, nga kyrpad ïa phi da ka jingjemnud bad ka jingshahjem U Khrist, ma nga keiñ, uba haba don ha khmat, nga long uba rit hapdeng jong phi, hynrei, ha bymdon ha khmat nga leh shlur sha phi.

2 KORINTH 10:5

da kaba pynkyllon noh keiñ ïa ki jingmut thala, bad ïa ka jingleh khraw baroh kaba kyntiew ïa lade ïa ka ban ïaleh ïa kata ka jingtip shaphang U Blei, bad da kaba pyndem ïa ka jingpyrkhat baroh ha ka jingkohnguh ïa U Khrist,

PHILIPPI 2:5

To ïoh ïa kane ka jingmut ha phi, kaba la long ruh ha U Khrist Jisu:

1 THESSALONI 4:2

Namar phi ïatip ïa ka hukum kaba kumno ngi la ai ha phi da U Jisu uba U Trai.

2 THESSALONI 1:8

ha ka ding ba-meh, u da pynhiar kput ha kita ki bymithuh ïa U Blei, bad ha kita ki bymkohnguh ïa ka gospel ka jong U Trai Jisu jong ngi;

HEBRU 5:9

bad haba la pynbit janai ïa u, u la jia long u nongpynlong ka jingpynim bymjukut ïa kita baroh kiba kohnguh ïa u;

1 ÏOANNIS 2:6

Uta uba ong ba u ïaisah ha u, u la dei ban ïaid hi kumta kat kumba u la ïaid ma u.