MATHAÏOS 11:21 - KA BAIBL

²¹ “Kordit ïa pha Khorasin! Kordit ïa pha Bethsaida! naba lada la leh ha ka Tyros bad ka Sidon ïa kita ki kambah ïa kiba la leh ha phi, kin da la kylla-ka-bamut la mynslem da ki jaiñ khain bad da ka dpei.

Khasi CL Bible (BSI)

²¹ “Katno kan long kaba shyrkhei ïa pha, ko Khorasin! Katno kan long kaba shyrkhei ïa pha ruh, ko Bethsaida! Lada ïa ki kambah kiba la leh ha phi la lah leh ha Tyros bad Sidon, la kham slem ki briew hangta kin jin da la phong da ka jaiñ khain bad synreit da u dpei halor lade, ban pyn-i ba ki la phai noh na ki pop jong ki!

MATHAÏOS 11:21 ပူးပေါင်းရင်းမြစ်များ

Ka Kitab U Job 42:6

namar kata, nga isih ïa lade, bad nga kylla-ka-bamut ha ka 'dewmet bad ka dpei.”

JEREMAÏAH 13:27

Nga la ïohi ïa ki jingijli jong pha, ïa ka jingklim jong pha keiñ, bad ki jingpah jong pha, ïa ka jingjakhlia ka jingleh nuti jong pha, halor ki lum rit ha ka pyntha. Kordit ïa pha, ko Jerusalem! Yn ym pynkhuid ïa pha; ynda la slem katno pat kan long?”

JOEL 3:4

“Shisha ruh, phi ka Tyros, bad ka Sidon, bad ki phang ka Philistia baroh, phi long aïu ïa nga? phin leh kylliang ïa nga? bad lada phin leh kylliang ïa nga, ngan pynphai kloi bad stet ïa ka jingleh kylliang jong phi halor ka khlieh jong phi hi.

AMOS 1:9

Kumne u ong U Trai: “Namar lai tylli ki jingryngkang ka Tyros, shisha, namar saw tylli, ngan ym pynphai noh ïa ka jingpynshitom na ka; namar ki la aiti noh ïa u paidbah baroh ha u Edom, bad kim shym kynmaw ïa ka jingïateh jutang shipara:

MATHAÏOS 11:22

Hynrei, nga ong ha phi, ba kan long kham jem ïa ka Tyros bad ka Sidon ha ka sngi bishar ban ïa kaba ïa phi.

MATHAÏOS 15:21

Te haba U Jisu u la mih noh nangta, u la leit sha ki phang ka Tyros bad ka Sidon.

MATHAÏOS 18:7

“Kordit ïa ka pyrthei namar ki jingjynthut! naba donkam ïa kita ki jingjynthut ban wan shisha, hynrei, kordit ïa uta u briew na uba wan kata ka jingjynthut!

MATHAÏOS 26:24

U Khun u briew shisha un sa leit kumba la thoh shaphang jong u, hynrei, kordit ïa uta u briew da uba yn die noh ïa U Khun u briew! ka la bha ïa uta u briew lada ym shym la kha satia ïa u.”

MARKOS 3:8

bad na Jerusalem, bad na Idumia, bad na sha shiliang ka Jordan ruh; bad kiba na shaphang Tyros bad Sidon, u paidbah byllien kiba haba ki la ïohsngew ïa kaba katno u la leh, ki la ïawan ha u.

MARKOS 6:45

Te kumne kumne ruh, u la phah ïa ki synran jong u ba kin kiew halor ka lieng, bad ban nang leit shuwa sha shiliang sha Bethsaida, katba u hi u nang pyllait ïa u paidbah.

MARKOS 7:24

Haba u la ïeng, u la leit noh nangta ruh sha ki phang ka Tyros bad ka Sidon; bad haba u la leit hapoh ka ïing, um kwah ïano ïano ruh ban tip, hynrei, um lah ban long ha kaba rieh.

MARKOS 7:31

Te ynda U la leit noh pat na ki phang ka Tyros bad ka Sidon, U la wan poi sha ka duriaw Galilaïa, napdeng ki phang Dekapolis.

MARKOS 8:22

Ki wan ruh sha Bethsaida; te ki wallam ha U ïa u bamatlah, bad ki ïakyrpad ïa U ban ktah ïa u.

LOUKAS 4:26

te sha kano kano ruh na ki, ym shym la phah ïa u Elias, hynrei, tang sha Sarepta, ha ka ri Sidon, sha ka briew kaba long riewkynthei.

LOUKAS 6:17

Te haba u la hiar arsut lem bad ki, u la ïeng ha ka jaka madan, bad shibun na ki synran jong u, bad u paidbah byllien na Judia baroh, bad na Jerusalem, bad narud duriaw Tyros bad Sidon, kiba la wan ban ïohsngew ïa U, bad ba yn pynkhiah ruh ïa ki na ki jingpang jong ki;

LOUKAS 9:10

Te ki apostol ynda ki la wan phai pat, ki la ïathuh ha u ïa kiei kiei ruh kat kiba ki la lah leh. Te u la ïalam ïa ki, bad u la leit kyrpang sha ka shnong ba khot “Bethsaida”.

ÏOANNIS 1:44

Te u Philip u la long na Bethsaida, na ka shnong u Andriw bad u Petros.

ÏOANNIS 12:21

kine ki la ïawan, namar kata, ha u Philip, uba na Bethsaida ha Galilaïa, bad ki la ïakyrpad ïa u, ki da ong, “Ko Kynrad, ngi ïakwah ban ïohi ïa U Jisu.”

KI KAM 12:20

Te u Herod u dang buhnud eh ïa kiba na Tyros bad na Sidon; te ki la ïawan ha u da kawei ka jingmut, bad haba ki la ïaïoh lok bad u Blastos, u rangbah halor ka kamra thiah u syiem, ki la ïapan ïasuk, namar ka ri jong ki ka ïoh la ka bsa na ka ri jong uta u syiem.

KI KAM 27:3

Te kum lashai ngi la ïahiar ha Sidon. U Julios te, u la leh sbun ïa u Paul, bad u la shah ïa u ban leit sha la ki lok ban ïoh ka jingsumar sukher.

JUDAH 1:11

Kordit ïa ki! naba ki la ïaleit ïaid ha kata ka lynti u Kain, bad ki la ïaphet kyrthep ha kata ka jingsakma u Balaam namar ka bainong, bad ha kata ka jingïaleh kiat u Korah ki la jot noh.

JINGPYNPAW 11:3

Bad ngan ai bor ha ki ar ngut ki nongïaphla jong nga, te kin ïathuhlypa shi hajar arspah hynriewphew sngi, kiba la kup ki jaiñ khain.”

JINGPYNPAW 6:12

Bad nga la ïohi mynba u la plie ïa ka jingpyndait ka bahynriew, bad la long ka jingkhynñiuh jumai bakhraw; bad ka sngi ka la kylla ïong kum ka jaiñ shñiuh bakhain, bad u bnai pyllun u la kylla kum ka snam;