MATHAÏOS 10:6 - KA BAIBL

⁶ Hynrei, phin kham ïaleit ha kita ki langbrot kiba la jah noh na ka ïing Israel.

Khasi CL Bible (BSI)

⁶ Pynban, phi dei ban leit sha ki langbrot kiba la jah noh jong ki paid Israel.

MATHAÏOS 10:6 ပူးပေါင်းရင်းမြစ်များ

SALM 119:176

Nga la sakma noh kum ka langbrot kaba la jah noh; to wad ïa la u shakri; naba ngam ju klet ïa ki hukum jong me.

ISAÏAH 53:6

Ngi baroh kum ki langbrot ngi la sakma; ngi la phai noh uwei uwei sha la ka lynti; te U Trai u la buh halor jong u ïa ka jingbymhok jong ngi baroh.

JEREMAÏAH 50:17

“U Israel u long ka langbrot ba la sakma; ki sing ki la beh noh ïa u: nyngkong u syiem ka Assyria u la bam ïa u: bad ka bakhatduh une u Nebukhadressar u syiem ka Babilon u la pynkheiñ ïa ki shyieng jong u.

JEREMAÏAH 50:6

“Ki briew jong nga ki la long ki langbrot ba la jah noh: ki nongaplangbrot jong ki, ki la pynsakma ïa ki, ki la pyllait lyngkar ïa ki ha ki lum: ki la leit na u lum bah sha u lum rit, ki la klet ïa la ka jaka dem.

ESEKIEL 34:16

‘Ngan wad ïa kaba la jah noh, bad ngan wallam pat ïa kaba la beh noh, bad ngan spaiñ ïa kaba la kheiñ noh, bad ngan pynshait ïa kaba la pang: hynrei, ïa ki basngaid bad ki bakhlaiñ ngan pynjot; ngan bsa ïa ki ha ka jingbishar.’

ESEKIEL 34:4

Phim shym la pynshaitbor ïa ki baswai, lymne phim shym la pynkhiah ïa ki bapang, lymne phim shym la spaiñ ïa kiba la kheiñ, lymne phim shym la wallam pat ïa kaba la beh noh, lymne phim shym la wad ïa kaba la jah noh; hynrei, phi la synshar ïa ki da ka bor bad da ka jingpyrkhing.

ESEKIEL 34:6

Ki langbrot jong nga ki la ïaid sakma sha ki lum bah baroh, bad halor u lum rit bajrong baroh: shisha keiñ, ki langbrot jong nga ki la sakma halor ka khmat ka khyndew baroh; te ym shym don uwei ruh uba la ïit lane uba wad nadien jong ki.

ESEKIEL 34:8

“Katba nga im,” ong U Trai U Blei, “da shisha namar ba ki langbrot jong nga ki la long ka jinglute, bad ki langbrot jong nga ki la long ka jingbam ha ki mrad ka khlaw baroh, naba ym don nongaplangbrot, lymne ki nongaplangbrot jong nga kim shym la wad ïa ki langbrot jong nga, hynrei, ki nongaplangbrot ki la bsa ïa lade, bad kim shym la bsa ïa ki langbrot jong nga;”

MATHAÏOS 18:10

“To sumar ba phin ym ibeiñ ïa iwei na kine ki barit; naba nga ong ha phi, ba ki angel jong ki ha bneng, ki ïohi ha la ka sngi ïa ka khmat U Kpa jong nga uba ha bneng.

MATHAÏOS 18:11

Naba U Khun u briew u la wan ban pynim ïa kaba la jot.

LOUKAS 24:47

bad ba ha ka kyrteng jong u yn ïalap ïa ka jingkylla-ka-bamut bad ïa kaba map ki pop hapdeng ki jaid bynriew baroh, da kaba sdang na Jerusalem:

KI KAM 13:46

Ynda kumta, u Paul bad u Barnabas ki la kren shlur, bad ki la ong, “La donkam ban ïalap ha phi nyngkong ïa ka ktien U Blei; hynrei, namar ba phi kyntait noh ïa ka, bad ba phi rai ïa lade ki bymbit ïa ka jingim bymjukut, ha khmih, ngi phai noh sha ki Jentil.

KI KAM 18:6

Te haba ki la ïeng ïaleh pyrshah bad krenbeiñ, u la kynther noh ïa la ki jaiñ, bad u la ong ha ki, “Ka snam jong phi kan long halor ka khlieh jong phi hi! nga khuid: naduh mynta ngan leit sha ki Jentil.”

KI KAM 26:20

hynrei, nga la ïalap nyngkong ha kiba ha Damaskos, bad ha Jerusalem ruh, bad ha ka ri Judia baroh, bad ha ki Jentil ruh, ba kin kylla-ka-bamut, bad kin phai sha U Blei, da kaba leh ïa ki kam ba dei biang ïa ka jingkylla-ka-bamut.

KI KAM 3:26

Ha phi nyngkong, U Blei u la pynmih ïa la U Khun, bad U la phah ïa u, ban kyrkhu ïa phi, da kaba pynphai noh ïa uwei pa uwei na phi na ki jingbymhok jong phi.”

1 PETROS 2:25

Namar phi la ju leit sakma kum ki langbrot; hynrei, mynta, la pynphai pat ïa phi sha U Nongaplangbrot bad U Nongsharai ki mynsiem jong phi.