MATHAÏOS 10:28 - KA BAIBL

²⁸ To wat sheptieng te ïa kita kiba pynïap ïa ka met, bad ki bym lah ban pynïap ïa ka mynsiem: hynrei, phin kham sheptieng ïa uta uba lah ban pynjot bad ïa ka mynsiem bad ïa ka met ha dujok.

Khasi CL Bible (BSI)

²⁸ Wat sheptieng ïa kito kiba pynïap ïa ka met hynrei ki bym lah ban pynïap ïa ka mynsiem; hynrei to sheptieng ïa U Blei, uba lah ban pynjot ïa ka met bad ka mynsiem ha dujok.

MATHAÏOS 10:28 ပူးပေါင်းရင်းမြစ်များ

2 SYIEM 17:39

hynrei, ïa U Trai uba U Blei jong phi keiñ, phin sheptieng; te un pyllait ïa phi na ka kti ki nongshun jong phi baroh.”

Ka Kitab U Job 37:24

Namar kata, ki briew ki sheptieng ïa u: um khmih ïano ïano ki bastad ha la ka dohnud.”

SALM 119:120

Ka doh jong nga ka khynñiuh namar kaba sheptieng ïa me; bad nga sheptieng ïa ki jingbishar jong me.

EKLESIASTIS 5:7

Namar kumne ka jia long da kaba bun ki jingphohsniew bad ki jingthala bad kaba bun ktien: hynrei, me to sheptieng ïa U Blei.

ISAÏAH 51:12

“Nga, ma nga hi, nga long uta uba pyntngen ïa phi: me long uei, ba me sheptieng ïa u briew u ban sa ïap, bad ïa u khun u briew u ban sa kylla kum u phlang;

ISAÏAH 51:7

“To sngew ïa nga, phi kiba tip ïa ka hok, u paidlang uba don ka hukum jong nga ha la ka dohnud; wat sheptieng ïa ka jingkrenbeiñ ki briew, lymne wat khaw-eit ïa ki jingkynnohbeiñ jong ki.

ISAÏAH 66:2

Naba ïa kine kiei kiei baroh ka kti jong nga ka la thaw, te kumta kine kiei kiei baroh ki la wan long,” ong U Trai: “hynrei, ha une u briew ngan khmih, wat ha uta uba sngewduk bad uba sngewsih ka mynsiem, bad uba khynñiuh ha ka ktien jong nga.

JEREMAÏAH 5:22

Phim sheptieng du ïa nga?’ ” ong U Trai: “phin ym khih khynñiuh ha khmat jong nga, uba la buh ïa u shyiap ban long pud ïa ka duriaw da ka hukum baïaineh, ba kam lah ryngkang shuh ïa u? bad la ki jingat phyllung jong ka ki kynting ïa lade, pynban, kim lah jop; la ki kyrhuh, pynban, kim lah ban palat ïa u.

MATHAÏOS 10:26

“Namar kata, to wat sheptieng ïa ki: naba ym don kaei kaei ruh ba la tap, ïa kaba yn ym pynpaw; bad ba la buhrieh, ïa ka ban ym pyntip.

MATHAÏOS 25:46

Kine kin leit noh te sha ka shitom bymjukut, hynrei, ki bahok sha ka jingim bymjukut.”

MATHAÏOS 5:22

hynrei, nga ong ha phi, ba uno uno ruh uba da sngewbitar ïa u paralok jong u khlem nia, kan dei ïa u ban hap ha ka jingbishar: uno uno ruh de u ban khot ïa u paralok jong u, ‘Raka’, kan dei ïa u ban hap ha ka jingbishar bah; uno uno ruh de u ban khot ïa u, ‘Me uba mutlop runar’, kan dei ïa u ban hap ha ka dujok ding.

ÏOANNIS 5:29

bad kin ïamih noh: kiba la leh babha, sha ka jingmihpat ka jingim; hynrei, kiba la leh bymman, sha ka jingmihpat ka jingpynrem.

KI KAM 21:13

Hynrei, u Paul u la ïathuh, “Phin lei da kaba ïam bad da kaba pynpait ïa ka dohnud jong nga? Namar nga, nga la kloi ym tang ban shah khum, hynrei, ban ïap ruh ha Jerusalem na ka bynta ka kyrteng U Trai Jisu.”

HEBRU 10:31

Ka long kaba itieng ïa ka ban hap ha ki kti U Blei ba-im.

HEBRU 11:35

Ki kynthei ki la ïoh pdiang ïa ki baïap jong ki da ka jingpynmihpat; hynrei, ïa kiwei la pynshitom eh, ba kim treh pdiang ïa ka jingpyllait; khnang ba kin ïoh ïa ka jingpynmihpat ba kham bha:

JAKOB 4:12

Don tang uwei u nongai hukum bad u nongbishar, uba lah ban pynim bad ban pynjot: ma me, me long uei ba me bishar ïa uwei pat?

1 PETROS 3:14

Hynrei, lada phi la shah shitom ruh na ka bynta ka hok, suk ma phi. Hynrei, wat sheptieng na kata ka jingpynsheptieng jong ki, lymne wat khih khuslai,

JINGPYNPAW 2:10

To wat sheptieng ïa kita kiei kiei ruh kiba phan sa shah: ha khmih, uta u Soitan un sa bred ïa kiba na phi ha ka ïing byndi, ba yn ïoh tynjuh ïa phi; te phin ïoh ïa ka jingshahshitom shiphew sngi. To long pha kaba ïaineh haduh ka jingïap, bad ngan ai ha pha ïa kata ka pansngiat jong ka jingim.