MATHAÏOS 10:23 - KA BAIBL

²³ Hynrei, haba ki ïabehbeiñ ïa phi ha kawei ka shnong, to ïaphet sha kawei pat: naba shisha nga ong ha phi, ba phin ym pat lah pyndep ïa ki shnong ki Israel, tad ynda un wan U Khun u briew.

Khasi CL Bible (BSI)

²³ Haba kin pynshitom beiñ ïa phi ha kawei ka shnong, to phet sha kawei pat. Nga pynthikna ïa phi ba phin ym pat lah ban pyndep ïa ka kam jong phi ha baroh ki shnong jong ka Israel ha shuwa ba U Khun U Briew un wan.

MATHAÏOS 10:23 ပူးပေါင်းရင်းမြစ်များ

JEREMAÏAH 26:21

Te haba u syiem Jehoïakim, bad ki riewkhlaiñ jong u baroh, bad ki rangbah jong u baroh, ki la ïohsngew ïa ki ktien jong u, u syiem u la pyrshang ban pynïap ïa u; hynrei, haba u Uriah u la ïohsngew ïa kata, u la sheptieng, bad u la phet ïap, bad u la leit sha Ijipt:

MATHAÏOS 16:27

Naba U Khun u briew un sa wan ha ka burom U Kpa jong u lem bad ki angel jong u, ynda kumta, un ai ha uwei pa uwei katba kum ka jingleh jong u.

MATHAÏOS 16:28

Shisha nga ong ha phi, don kiba ïeng hangne ki ban ym mad ïa ka jingïap, tad ynda ki la ïohi ïa U Khun u briew ba u wan ha ka hima jong u.”

MATHAÏOS 2:13

Haba ki la ïaleit noh, ha khmih, u angel U Trai u la paw ha u Joseph ha ka jingphohsniew, u da ong, “To ïeng to shim noh ruh ïa u khunlung bad ïa ka kmie jong u, to phet noh sha ri Ijipt, bad men shong hangta tad ynda ngan ong ha me: naba u Herod un sa wad ïa uta u khunlung ïa ka ban pynïap noh ïa u.”

MATHAÏOS 23:34

Naba kumta, ha khmih, nga phah ha phi ïa ki nongïathuhlypa, bad ïa ki riewstad, bad ïa ki nongthoh ruh; te ïa kiba na ki phin pynïap noh, bad phin sahnarphna; bad ïa kiwei na ki phin sympat ha ki synagog jong phi, bad phin behbeiñ ruh na ka shnong sha ka shnong:

MATHAÏOS 23:36

Shisha nga ong ha phi, ba kine kiei kiei baroh kin wanhap ha kane ka pateng bynriew.

MATHAÏOS 24:27

Naba kumba ka mih noh ka leilieh na mihngi, bad ka shai haduh sepngi, kumta ruh kan long ha kata ka jingwan U Khun u briew.

MATHAÏOS 24:30

Ynda kumta te, ka dak U Khun u briew kan paw ha bneng; te hangta ki jaid bynriew baroh ka pyrthei kin ïalynñiar lympat, haba kin ïohi ba u wan U Khun u briew ha ki lyoh bneng da ka bor bad ka burom bakhraw.

MATHAÏOS 24:34

Shisha nga ong ha phi, kane ka pateng bynriew kan ym leit noh, tad ynda la pyndep noh ïa kine kiei kiei baroh.

MATHAÏOS 24:48

Hynrei, lada uta u shakri bymman te un ong ha la ka dohnud, ‘U kynrad jong nga u tud ban wan;’

MATHAÏOS 25:13

Namar kata, to sharai, naba phim tip lymne ïa ka sngi lymne ïa ka por ha kaba u wan U Khun u briew.

MATHAÏOS 26:64

U Jisu u la ong ha u, “Me la ong. Hynrei, nga ong ruh ha phi, ba phin ïohi lawei ïa U Khun u briew haba u shong sha kamon ka Bor baroh, bad haba u wan ha ki lyoh ka bneng.”

MATHAÏOS 4:12

Haba U Jisu u la ïohsngew ba la set byndi ïa u Ïoannis, u la leit noh sha Galilaïa.

MARKOS 13:26

Ynda kumta, kin ïohi ïa U Khun u briew ba u da wan ha ki lyoh, bad ka borbah bad ka burom ruh.

LOUKAS 18:8

Nga ong ïa phi, ba un bishar hok ïa ki kumne kumne ruh. Hynrei, ynda wan U Khun u briew, un shem ne em ïa ka jingngeit ha ka pyrthei?”

LOUKAS 21:27

Ynda kumta, te kin ïohi ïa U Khun u briew ba u da wan ha u lyoh, da ka bor bad ka burom bakhraw.

ÏOANNIS 7:1

Te hadien kine kiei kiei ruh, U Jisu u la ïaid kylleng ha Galilaïa: namar um mon ban ïaid ha Judia, naba ki Jiw ki la ïawad ban pynïap noh ïa u.

KI KAM 17:10

Te kita ki parabangeit kumne kumne ruh ki la phah noh ïa u Paul bad u Silas mynmiet sha Beria; kiba haba ki la lah poi hangta, ki la ïaleit sha ka synagog ki Jiw.

KI KAM 17:14

Te kumta, mar mar kita ki parabangeit ki la ïaphah noh ïa u Paul ban leit shaduh rud duriaw; hynrei, u Silas bad u Timothi ki la ïanangsah hangta.

KI KAM 20:1

Te haba la wai noh kata ka jingkhihwin, ynda u Paul u la lah phah khot ïa ki synran, bad ba u la lah sneng ïa ki, u la khublei ïa ki bad u la mih noh ban leit sha Makedonia.

KI KAM 8:1

Te u Saul u la ïamynjur lem ïa ka jingpynïap ïa u. Ha kata ka sngi te, la jia ka jingpynshitom beiñ bakhraw ïa ka balang kaba ha Jerusalem, te la pynsakma ïa ki baroh, kylleng ki ri Judia bad Samaria, lait sa tang ki apostol.