MATHAÏOS 10:14 - KA BAIBL

¹⁴ Lada uno uno ruh un ym pdiang ïa phi, lymne sngew ruh ïa ki ktien jong phi, haba phi mih noh na kata ka ïing lane na kata ka shnong, to ïakynther noh ïa ka 'dewmet na ki kjat jong phi.

Khasi CL Bible (BSI)

¹⁴ Bad lada kano kano ka ïing ne ka shnong kam pdiang sngewbha ïa phi lane pynshahshkor ïa phi, te mihnoh na kata ka jaka bad kynther noh ïa u pui pui na ki kjat jong phi.

MATHAÏOS 10:14 ပူးပေါင်းရင်းမြစ်များ

NEHEMAÏAH 5:13

Nga la kynther noh ruh ïa ka rmiang ka jaiñ jong nga, bad nga la ong, “Kumta U Blei un kynther noh ïa u briew baroh na ka ïing jong u, bad na ka kam jong u, u ban ym pyndep ïa kane ka jingkular; kumne keiñ, yn kynther noh ïa u, bad ba yn pynsuda ïa u.” Bad u paidbah baroh u la ong, “Amen,” bad ki la ïaroh ïa U Trai. Bad u paidbah u la leh katba kum kane ka jingkular.

MATHAÏOS 10:13

Lada kata ka ïing ruh ka long kaba bit shisha, ai ba ka jingsuk jong phi kan wan ha kata; hynrei, lada kam long kaba bit, ai ba ka jingsuk jong phi kan wan phai pat ha phi.

MATHAÏOS 18:5

uno uno ruh u ban pdiang te ïa iwei i khynnah kum ine ha ka kyrteng jong nga, u pdiang ïa nga.

MARKOS 6:11

te ha kano kano ruh ka jaka ka ban ym pdiang ïa phi, bad kim sngew ïa phi, haba phi mih noh nangta, to kynther noh ïa ka 'dewmet na ki poh'jat jong phi, ïa ka ban long ka jingphla ïa ki. Shisha nga ong ha phi, ba kan long kham jem ïa ka Sodom bad ïa ka Gomorra ha ka sngi bishar, ban ïa kaba ïa kata ka shnong.”

MARKOS 9:37

“Uno uno ruh u ban pdiang ïa uwei na kum kine ki khynnah ha ka kyrteng jong nga, u pdiang ïa nga: bad uno uno ruh uba pdiang ïa nga, um pdiang ïa nga hi, hynrei, ïa uta keiñ uba la phah ïa nga.”

LOUKAS 9:48

bad U la ong ha ki, “Uno uno ruh u ban pdiang ïa une u khynnah ha ka kyrteng jong nga, u pdiang ïa nga; bad uno uno ruh u ban pdiang ïa nga, u pdiang ïa uba la phah ïa nga; naba uta uba long uba kham rit hapdeng jong phi baroh, uta keiñ u long uba khraw.”

LOUKAS 9:5

te kino kino ruh ki ban ym pdiang ïa phi, haba phi mih noh na kata ka shnong, to kynther noh ïa ka 'dewmet na ki kjat jong phi, ïa ka ban long ka sakhi pyrshah ïa ki.”

ÏOANNIS 13:20

Shisha, shisha nga ong ha phi, uta uba pdiang ïano ïano ruh ïa uba ngan phah, u pdiang ïa nga; uta te uba pdiang ïa nga, u pdiang ïa uta uba la phah ïa nga.”

KI KAM 13:51

Hynrei, ki la ïakynther noh ïa ka 'dewmet na ki kjat jong ki sha ki, bad ki la poi sha Ikoniom.

KI KAM 18:6

Te haba ki la ïeng ïaleh pyrshah bad krenbeiñ, u la kynther noh ïa la ki jaiñ, bad u la ong ha ki, “Ka snam jong phi kan long halor ka khlieh jong phi hi! nga khuid: naduh mynta ngan leit sha ki Jentil.”

1 THESSALONI 4:8

Naba kumta, jar uba kyntait, um kyntait ïa u briew, hynrei, ïa U Blei, uba ai ïa U Mynsiem Bakhuid jong u ha phi.