MATHAÏOS 1:16 - KA BAIBL

¹⁶ bad u Jakob u la pynkha ïa u Joseph, uba u tnga ka Mari, na kaba la kha ïa U Jisu, ïa uba la khot “U Khrist”.

MATHAÏOS 1:16 ပူးပေါင်းရင်းမြစ်များ

MATHAÏOS 1:15

bad u Eliud u la pynkha ïa u Eleasar; bad u Eleasar u la pynkha ïa u Mathan; bad u Mathan u la pynkha ïa u Jakob;

MATHAÏOS 16:16

U Simon Petros u la ïathuh bad u la ong, “Me long U Khrist, U Khun U Blei ba-im.”

MATHAÏOS 16:20

Ynda kumta, u la adong ïa ki synran jong u ban ym ïathuh hano hano ruh ba u long uta U Khrist.

MATHAÏOS 2:13

Haba ki la ïaleit noh, ha khmih, u angel U Trai u la paw ha u Joseph ha ka jingphohsniew, u da ong, “To ïeng to shim noh ruh ïa u khunlung bad ïa ka kmie jong u, to phet noh sha ri Ijipt, bad men shong hangta tad ynda ngan ong ha me: naba u Herod un sa wad ïa uta u khunlung ïa ka ban pynïap noh ïa u.”

MATHAÏOS 27:17

Namar kata, haba ki la ïalang, u Pilat u la ong ha ki, “Phi mon ba ngan pyllait ïano ha phi? ïa u Barabbas, ne ïa U Jisu ïa uba ki khot ‘U Khrist’?”

MATHAÏOS 27:22

U Pilat u la ong ha ki, “Haba kumta, ngan leh kumno ïa U Jisu, ïa uba ki khot ‘U Khrist’?” Ki ong baroh ha u, “To ai ba yn sahnarphna ïa U.”

MARKOS 6:3

une um long uto u misteri, u khun ka Mari, uba dei para bad u Jakob, bad u Josis, bad u Juda, bad u Simon de? bad ki para kynthei jong u kim don hangne bad ngi?” Kumta, ki la thut ha u.

LOUKAS 1:27

sha ka theisotti kaba la ïatehktien bad u briew, uba kyrteng “u Joseph”, na ka ïing u Dabid; ka kyrteng kata ka theisotti te ka long “ka Mari”.

LOUKAS 2:48

Te haba ki la ïohi ïa U, ki la sngewkyndit eh: bad ka kmie jong U ka la ong ha U, “Ko khun, balei ba me la leh kumne ïa ngi? ha khmih, u kpa jong me bad nga da kaba sngewsih ngi la ïawad ïa me.”

LOUKAS 2:7

Te ka la kha ïa u khun u banyngkong jong ka, bad ka la sop ïa u da ki jaiñsop, bad ka la pynthiah ïa u ha ka shyngoid; naba ym don jaka ïa ki ha ka ïingbasa.

LOUKAS 3:23

Te U Jisu hi haba u la sdang ban hikai, u la long kumba laiphew snem ka rta, uba long (kumba la tharai) u khun u Joseph, u khun u Heli,

LOUKAS 4:22

Baroh ruh ki la ïaroh ïa u, bad ki la sngewkyndit namar kita ki ktien jali ja-um kiba la mih noh na ka shyntur jong u. Ki la ong ruh, “Une um long u khun u Joseph?”

ÏOANNIS 4:25

Kata ka briew ka ong ha u, “Nga tip ba u Messiah u wan, (ïa uba ki khot ‘U Khrist’), ynda la wan uta, un batai shai ha ngi ïa kiei kiei baroh.”