MATHAÏOS 1:12 - KA BAIBL

¹² Hadien kata ka jingring mraw sha Babilon te, u Jekhoniah u la pynkha ïa u Salathiel; bad u Salathiel u la pynkha ïa u Sorobabel;

Khasi CL Bible (BSI)

^12-16 Na ka por hadien ka jingshah ringmraw ha Babilon haduh ka jingkha ïa U Jisu, ïa kine harum ki kpa tymmen la thoh kyrteng: U Jehoïakhin, u Shealtiel, u Serubbabel, u Abiud, u Eliakim, u Asor, u Sadok, u Akhim, u Eliud, u Eleasar, u Matthan, u Jakob, bad u Joseph, uba la shongkurim ïa ka Mari, ka kmie jong U Jisu, ïa uba la khot U Messaïah.

MATHAÏOS 1:12 ပူးပေါင်းရင်းမြစ်များ

2 SYIEM 24:14

Bad u la ring mraw ïa ka Jerusalem baroh, bad ïa ki rangbah baroh, bad ïa ki riewkhlaiñ bashlur baroh, shiphew hajar ki mraw keiñ, bad ïa ki nongthaw jingthaw bad ki kamar baroh; ym don ba sah shuh, sa tang ki baduk tam na ki briew ka ri.

2 SYIEM 25:27

Te ha ka snem ka balaiphew hynñiew ka jinglongmraw u Jehoïakhin u syiem ka Judah, ha u bnai u bakhat-ar, ha ka sngi ka ba-arphew hynñiew jong uta u bnai, u Ebil-merodak u syiem ka Babilon, ha ka snem ha kaba u la sdang ban synshar, u la kyntiew ïa ka khlieh u Jehoïakhin u syiem ka Judah na ka ïing byndi;

1 KHRONIKL 3:17

Bad ki khun shynrang u Jekonaïah, ïa uba la ring mraw; u Shealtiel u khun jong u,

ESRA 3:2

Te ki la ïeng u Jeshua u khun u Josadak, bad ki para jong u ki lyngdoh, bad u Serubbabel u khun u Shealtiel, bad ki para jong u, bad ki la tei ïa ka duwan U Blei ki Israel, ban ainguh ïa ki jingainguh thang halor jong ka, kumba la thoh ha Ka Hukum u Moses u briew u jong U Blei.

ESRA 5:2

Ynda kumta, u Serubbabel u khun u Shealtiel, bad u Jeshua u khun u Josadak, ki la ïeng, bad ki la sdang ban tei ïa ka ïing U Blei kaba ha Jerusalem: bad ki nongïathuhlypa U Blei ki la don lem bad ki, ki da ïarap ïa ki.

NEHEMAÏAH 12:1

Te kine ki long ki lyngdoh bad ki Lebi kiba la leit kiew bad u Serubbabel u khun u Shealtiel, bad u Jeshua: u Seraïah, u Jeremaïah, u Esra;

JEREMAÏAH 22:24

“Katba nga im,” ong U Trai, “la u Konaïah u khun u Jehoïakim u syiem ka Judah u long ka sa'ti ha ka kti kamon jong nga, pynban, ngan da weng noh ïa ka nangta;

JEREMAÏAH 22:28

Une u briew u Konaïah u long u khiew ba la pait? U long u khiew ha u bymdon ka jingsngewbha? Namar balei ba la shop noh ïa ki, ma u keiñ bad u symbai jong u, bad ba la bred noh ïa ki sha kata ka ri kaba kim ju ithuh?

JEREMAÏAH 22:30

Kumne u ong U Trai, “To thoh uba khlem khun ïa une u briew, u ban ym man bha ha ki sngi jong u: naba un ym man bha uno uno na u symbai jong u, u ban shong ha ka khet u Dabid, bad u ban synshar shuh ha Judah.”

JEREMAÏAH 27:20

kiba u Nebukhadnessar u syiem ka Babilon um shym shim, mynba u la ring mraw ïa u Jekonaïah u khun u Jehoïakim, u syiem ka Judah, na Jerusalem sha Babilon, bad ki bakhraw batri baroh ki jong ka Judah bad ka Jerusalem;

HAGGAI 1:1

Ha ka snem ka ba-ar jong u syiem Daraïos, ha u bnai bahynriew, ha ka sngi ka banyngkong uta u bnai, ka ktien U Trai ka la wan da u Haggai u nongïathuhlypa ha u Serubbabel u khun u Shealtiel, u nongsynshar ki Judah, bad ha u Joshua u khun u Jehosadak, u rangbah lyngdoh, ka da ong,

HAGGAI 1:12

Ynda kumta, u Serubbabel u khun u Shealtiel, bad u Joshua u khun u Jehosadak, u rangbah lyngdoh, lem bad kiba dang sah na u paidbah, ki la kohnguh ïa ka ktien U Trai U Blei jong ki, bad ïa ki ktien u Haggai u nongïathuhlypa, kumba U Trai U Blei jong ki u la phah ïa u; bad u paidbah u la sheptieng ha khmat U Trai.

HAGGAI 1:14

Bad U Trai u la pynkhih ïa ka mynsiem u Serubbabel u khun u Shealtiel, u nongsynshar ki Judah, bad ïa ka mynsiem u Joshua u khun u Jehosadak, u rangbah lyngdoh, bad ïa ka mynsiem jong kita kiba dang sah jong u paidbah; te ki la wan bad ki la trei ha ka ïing U Trai ki paid, U Blei jong ki,

HAGGAI 2:2

“To kren te ha u Serubbabel u khun u Shealtiel, u nongsynshar ki Judah, bad ha u Joshua u khun u Jehosadak, u rangbah lyngdoh, bad ha kiba dang sah jong u paidbah, da kaba ong,

HAGGAI 2:23

Ha kata ka sngi,’ ” ong U Trai ki paid, “ngan shim ïa me, ko Serubbabel, u shakri jong nga, u khun u Shealtiel,” ong U Trai, “bad ngan pynlong ïa me kum ka 'sah shab: naba nga la jied ïa me,” ong U Trai ki paid.

MATHAÏOS 1:11

bad u Josaïah u la pynkha ïa u Jekhoniah bad ïa ki para jong u, hamar ka por ba la ring mraw ïa ki sha Babilon.

MATHAÏOS 1:13

bad u Sorobabel u la pynkha ïa u Abiud; bad u Abiud u la pynkha ïa u Eliakim; bad u Eliakim u la pynkha ïa u Asor;

MATHAÏOS 1:17

Kumta, ki pateng bynriew baroh naduh u Abraham haduh u Dabid ki la long khatsaw pateng; naduh u Dabid ruh haduh ka jingring mraw sha Babilon khatsaw pateng; bad naduh ka jingring mraw sha Babilon haduh U Khrist khatsaw pateng.

LOUKAS 3:27

u khun u Joanna, u khun u Risa, u khun u Sorobabel, u khun u Salathiel, u khun u Niri,