MATHAÏOS 1:11 - KA BAIBL

¹¹ bad u Josaïah u la pynkha ïa u Jekhoniah bad ïa ki para jong u, hamar ka por ba la ring mraw ïa ki sha Babilon.

MATHAÏOS 1:11 ပူးပေါင်းရင်းမြစ်များ

2 SYIEM 23:31

U Jehoahas u la long arphew lai snem ka rta mynba u la sdang ban synshar; bad u la synshar lai bnai ha Jerusalem: bad ka kyrteng ka kmie jong u ka la long “ka Hamutal” ka khun u Jeremaïah na Libnah.

2 SYIEM 24:14

Bad u la ring mraw ïa ka Jerusalem baroh, bad ïa ki rangbah baroh, bad ïa ki riewkhlaiñ bashlur baroh, shiphew hajar ki mraw keiñ, bad ïa ki nongthaw jingthaw bad ki kamar baroh; ym don ba sah shuh, sa tang ki baduk tam na ki briew ka ri.

2 SYIEM 25:11

Te kiba dang sah na ki briew kiba la iehnoh ha ka shnong, bad kita kiba la hap noh, kiba la hap sha u syiem ka Babilon keiñ, bad kiba dang sah na u paidbah, ïa kita u Nebusaradan u kaptan ka karod u la ring mraw.

2 KHRONIKL 36:10

Bad ynda ha kawei ka snem, u syiem Nebukhadnessar u la phah, bad u la wallam ïa u sha Babilon, lem bad ki khiew ki pliang kiba itynnad ka ïing U Trai, bad u la pynlong syiem ïa u Sedekaïah u para jong u halor ka Judah bad ka Jerusalem.

2 KHRONIKL 36:20

Bad ïa kita kiba la lait na ka waitlam, u la leit lam noh sha Babilon; bad ki la long ki shakri ïa u bad ïa ki khun jong u haduh ka jingsynshar ki Persha:

ISAÏAH 13:1

Ka jingkit ka Babilon kaba u Isaïah u khun u Amos u la ïohi.

JEREMAÏAH 27:20

kiba u Nebukhadnessar u syiem ka Babilon um shym shim, mynba u la ring mraw ïa u Jekonaïah u khun u Jehoïakim, u syiem ka Judah, na Jerusalem sha Babilon, bad ki bakhraw batri baroh ki jong ka Judah bad ka Jerusalem;

JEREMAÏAH 39:9

Ynda kumta, u Nebusaradan u kaptan jong ka karod u la ring mraw noh sha Babilon ïa kiba dang sah na ki briew kiba la sah ha ka nongbah, ïa ki shipai ba la phet ruh, kiba leit hap noh sha u, bad ïa kita kiba dang sah na ki briew kiba la sah.

DANIEL 1:2

Bad U Trai u la ai noh ïa u Jehoïakim u syiem ka Judah ha ka kti jong u, lem bad shi bynta na ki khiew ki pliang ka ïing U Blei; te u la rah noh ïa ki sha ka ri Shinar sha ka ïing u blei jong u: bad u la wallam ïa kita ki khiew ki pliang ha ka ïing jingkynshew u blei jong u.

MATHAÏOS 1:12

Hadien kata ka jingring mraw sha Babilon te, u Jekhoniah u la pynkha ïa u Salathiel; bad u Salathiel u la pynkha ïa u Sorobabel;

MATHAÏOS 1:17

Kumta, ki pateng bynriew baroh naduh u Abraham haduh u Dabid ki la long khatsaw pateng; naduh u Dabid ruh haduh ka jingring mraw sha Babilon khatsaw pateng; bad naduh ka jingring mraw sha Babilon haduh U Khrist khatsaw pateng.