MARKOS 4:7 - KA BAIBL

⁷ uwei pat te u la hap hapdeng ki dieng shiah; te kita ki dieng shiah ki la ïamih, bad ki la ïakjap ïa u; te um shym la sei soh:

Khasi CL Bible (BSI)

⁷ Katto katne na u symbai u la hap hapdeng ki bniap shiah, kiba mih bad kiba la kjap noh ïa ki jingthung, bad kim shym la pynmih kew ei ei.

MARKOS 4:7 ပူးပေါင်းရင်းမြစ်များ

JEREMAÏAH 4:3

Naba kumne u ong U Trai ha ki briew ka Judah bad ha ka Jerusalem, “To puh ïa ka khyndew shrah jong phi, bad wat bet hapdeng ki shiah.

LOUKAS 8:14

Uta uba la hap hapdeng ki dieng Shiah te, long kita kiba ju ïohsngew, te katba ki nang pynleit la ki sngi ka rta, la kjap ïa ki da ki jingkhuslai bad ka spah, bad ki jingsngewbha kane ka jingim; te kim sei ki soh ki ba-ih bha.

LOUKAS 21:34

“Namar kata, to sumar ïa lade, ïoh kumno kumno ba ki dohnud jong phi kin sngewkhia da kaba bam lalot, bad da kaba buaid, bad da ki jingkhuslai pyrthei, bad ba kata ka sngi kan lap kyndit ïa phi kum ka jingriam:

LOUKAS 12:15

U la ong ruh ha ki, “To sumar, to kiar ruh na ka jingkwah lalot baroh: namar ka jingim u briew kam shong satia ha ka jingdap kyrhai jong kiei kiei kiba u don.”

LOUKAS 8:7

Uwei pat te, u la hap hapdeng ki dieng Shiah; te kita ki dieng Shiah ki la ïamih lem, bad ki la ïakjap ïa u.

MATHAÏOS 13:22

Uta te ïa uba la bet hapdeng ki dieng shiah, long uta uba ïohsngew ïa kata ka ktien; hynrei, ka jingkhuslai kane ka pyrthei, bad ka jingshukor ka spah, ki ïakjap ïa kata ka ktien, te kam sei soh shuh.

MATHAÏOS 13:7

Kiwei pat te ki la hap hapdeng ki dieng shiah; te kita ki dieng shiah ki la mih, bad ki la ïakjap ïa ki.

MATHAÏOS 13:8

Kiwei pat te ki la hap ha ka khyndew ka babha, bad ki la sei soh, kiba shispah shah, kiba hynriewphew shah, kiba laiphew shah ruh.

MARKOS 4:6

haba ka la ïeng ka sngi, te u la shit tyrkhong eh; bad naba um don thied, u la ïap ryngkhiang:

MARKOS 4:8

uwei pat te u la hap ha ka khyndew ka babha, bad u la sei soh ba mih bad ba man bun de; te u la sei uba laiphew shah, bad uba hynriewphew shah, bad uba shispah shah.”