LOUKAS 9:60 - KA BAIBL

⁶⁰ Hynrei, U Jisu u la ong ha u, “Ieh ïa ki baïap ban tep ïa ki baïap jong ki; hynrei, khie leit noh ma me, bad ïalap ïa ka hima U Blei.”

Khasi CL Bible (BSI)

⁶⁰ U Jisu u la jubab, “Ai ba kiba ïap kin tep ïa kiba ïap jong ki. Khie leit ma me bad pynbna ïa ka Hima U Blei.”

LOUKAS 9:60 ပူးပေါင်းရင်းမြစ်များ

MATHAÏOS 4:23

Bad U Jisu u la leit kylleng ka Galilaïa baroh, u da hikai ha ki synagog jong ki, bad u da ïalap ïa ka gospel ka hima, u da pynkhiah de ïa ki jingpang baroh bad ïa ki jingkhrew baroh ruh ha ki briew.

MATHAÏOS 8:22

Hynrei, U Jisu u la ong ha u, “Bud ïa nga; bad ieh ïa ki baïap ban tep ïa ki baïap jong ki.”

LOUKAS 15:24

naba une u khun jong nga u la long uba la ïap, te u la im pat; bad u la long uba la jah noh, te la shem pat ïa u.’ Kumta ki la sdang ban ïalehkmen.

LOUKAS 15:32

Te ka la dei ban ïalehkmen bad ban ïalehsngewbha; naba une u para jong me u la long uba la ïap, te u la im pat, bad u la long uba la jah noh, te la shem pat ïa u.’ ”

1 KORINTH 9:16

Namar lada nga ïalap ïa ka gospel, ym don ka daw ka jinglehkmen ïa nga; namar ïa kata, ngam banse ban leh; A kordit ïa nga lada ngam ïalap ïa ka gospel!

EPHESOS 2:1

Bad ïa phi u la pynim, haba phi la long ki baïap da ki jingryngkang bad ki pop,

EPHESOS 2:5

wat mynba ngi la long ki baïap da ki jingryngkang jong ngi, u la pynim ïa ngi lem bad U Khrist (da ka jingaiei la pynim ïa phi),

1 TIMOTHI 5:6

Hynrei, kata kaba im pahuh ka la ïap naduh ba dang im.

2 TIMOTHI 4:2

to men ïalap ïa kata ka ktien; to ïaiminot haba dei por, ha bymdei por de; to pynkynduh, to sneng, to kyntu da ka jingshahslem baroh bad ka jinghikai.

2 TIMOTHI 4:5

Hynrei, ma me, to sharai ha kiei kiei baroh, to shah shitom, to leh ïa ka kam u nongïathuhkhana, to pyndep ïa kata ka kam jong me.

JINGPYNPAW 3:1

“Bad ha uta u angel jong ka balang kaba ha Sardis to thoh: Ïa kine kiei kiei ruh u ong uta uba don kita ki hynñiew ki Mynsiem U Blei, bad ïa kita ki hynñiew ki khlur: ‘Nga ithuh ïa ki jingleh jong pha, ba pha don ka kyrteng ba pha im, hynrei, pha long ka baïap.