LOUKAS 9:48 - KA BAIBL

⁴⁸ bad U la ong ha ki, “Uno uno ruh u ban pdiang ïa une u khynnah ha ka kyrteng jong nga, u pdiang ïa nga; bad uno uno ruh u ban pdiang ïa nga, u pdiang ïa uba la phah ïa nga; naba uta uba long uba kham rit hapdeng jong phi baroh, uta keiñ u long uba khraw.”

Khasi CL Bible (BSI)

⁴⁸ “Uno uno uba pdiang sngewbha ïa une u khynnah ha ka kyrteng jong nga, u pdiang sngewbha ïa nga; bad uno uno uba pdiang sngewbha ïa nga, u pdiang sngewbha ruh ïa uta uba la phah ïa nga. Naba uta uba rit tam napdeng jong phi baroh u long uba khraw tam.”

LOUKAS 9:48 ပူးပေါင်းရင်းမြစ်များ

PROBERB 18:12

Ha shuwa ka jingjot, ka dohnud u briew ka sarong, bad ha shuwa ka burom, leit ka jingsngewrit.

MATHAÏOS 18:10

“To sumar ba phin ym ibeiñ ïa iwei na kine ki barit; naba nga ong ha phi, ba ki angel jong ki ha bneng, ki ïohi ha la ka sngi ïa ka khmat U Kpa jong nga uba ha bneng.

MATHAÏOS 18:14

Kumta, kam long ka mon U Kpa jong phi uba ha bneng, ba in jah noh iwei na kine ki barit.

MATHAÏOS 19:28

U Jisu te u la ong ha ki: “Shisha nga ong ha phi, ba phi kiba la ïabud ïa nga, ha ka jingpynthymmai ynda U Khun u briew un shong ha ka khet ka burom jong u, phi ruh phin shong ha ki khat-ar ki khet, ban bishar ïa ki khat-ar ki jaid Israel.

MATHAÏOS 25:40

Uta U Syiem te un ïathuh bad un ong ha ki, ‘Shisha nga ong ha phi, ha kaba phi la leh ïa ka ha uwei u barit tam na kine ki para jong nga, phi la leh keiñ ha nga.’

MATHAÏOS 25:45

Ynda kumta, un ïathuh ha ki, un ong, ‘Shisha nga ong ha phi, ha kaba phim shym la leh ïa ka ha uwei na kine ki barit tam, phim shym la leh keiñ ha nga.’

MARKOS 9:37

“Uno uno ruh u ban pdiang ïa uwei na kum kine ki khynnah ha ka kyrteng jong nga, u pdiang ïa nga: bad uno uno ruh uba pdiang ïa nga, um pdiang ïa nga hi, hynrei, ïa uta keiñ uba la phah ïa nga.”

LOUKAS 10:16

“Jar uba sngew ïa phi, u sngew ïa nga; bad jar uba kyntait ïa phi, u kyntait ïa nga; bad jar uba kyntait ïa nga, u kyntait ïa uta uba la phah ïa nga.”

LOUKAS 14:11

Naba ïa uno uno baroh uba pynkhraw ïa lade, yn pynpoh; te ïa uba pynpoh ïa lade, yn pynkhraw.”

LOUKAS 22:26

Hynrei, phi, phin ym long kumta; hynrei, uta uba kham khraw hapdeng jong phi, ai ba un long kum uba kham poh; bad uta uba synshar, kum uta uba shakri.

LOUKAS 22:30

ba phin ïoh bam bad ïoh dih ha ka miej jong nga ha kata ka hima jong nga, bad halor ki khet phin ïoh shong bishar ïa ki khat-ar ki jaid Israel.”

LOUKAS 7:28

“Naba nga ong ha phi, ‘Na kiba la kha na ki kynthei, ym don u nongïathuhlypa uba kham khraw ban ïa u Ïoannis u Nongpynbaptis: pynban, uba kham rit ha ka hima U Blei, u long uba kham khraw ïa u.’ ”

ÏOANNIS 13:20

Shisha, shisha nga ong ha phi, uta uba pdiang ïano ïano ruh ïa uba ngan phah, u pdiang ïa nga; uta te uba pdiang ïa nga, u pdiang ïa uta uba la phah ïa nga.”

ÏOANNIS 14:21

Uta uba don ki hukum jong nga, bad ba sumar ïa ki, uta u long uba ieit ïa nga; uta uba ieit te ïa nga, yn ieit ïa u da uta U Kpa jong nga; nga ruh ngan ieit ïa u, bad ngan pynpaw ïa lade ha u.”

1 THESSALONI 4:8

Naba kumta, jar uba kyntait, um kyntait ïa u briew, hynrei, ïa U Blei, uba ai ïa U Mynsiem Bakhuid jong u ha phi.

1 PETROS 5:6

To phin pynrit ïa lade namar kata hapoh ka kti bakhrawbor ka jong U Blei, ba un ïoh pynkhraw ïa phi ha ka Ïa ba bit;

JINGPYNPAW 21:14

Bad kata ka kynroh jong kata ka nongbah ka la don khat-ar ki nongrim, bad halor jong ki, ki kyrteng kita ki khat-ar ngut ki apostol jong uta U Khun langbrot.

JINGPYNPAW 3:21

Uta uba jop, ngan ai ha u ban shong lem bad nga halor ka khet jong nga, kumba nga ruh nga la jop, bad nga la shong lem bad U Kpa jong nga halor ka khet jong u.