LOUKAS 9:39 - KA BAIBL

³⁹ ha khmih ruh, don u mynsiem ba kem ñiat ïa u, te shisyndon noh u lynñiar; bad u ring kyrthat ïa u katba u da sei tyrtho; bad haba u la pynlwet ïa u, da kaba eh u leit noh na u.

Khasi CL Bible (BSI)

³⁹ U mynsiem bymman u tur ïaleh ïa u da ka jinglynñiar kynsan bad bret ïa u ha ka jingkhie ring, ba kumta u sei tyrtho ha ka shyntur; u ïai pynshitom ïa u bad da kaba eh un pyllait ïa u!

LOUKAS 9:39 ပူးပေါင်းရင်းမြစ်များ

MARKOS 9:18

shaei shaei ruh ba u lap ïa u, u lympat ïa u, te u sei tyrtho, bad u kyr-iat ïa la ki bniat, bad u nangswai ruh: nga la ong te ha ki synran jong me ba kin beh noh ïa u, te kim lah satia.”

MARKOS 9:20

Ki la wallam te ïa u ha U, bad haba u la ïohi ïa U, kumne kumne ruh, uta u mynsiem u la ring kyrthat ïa u; bad haba u la kyllon ha ka khyndew, u la ksaid, u da sei tyrtho ruh.

MARKOS 9:26

Haba u la lynñiar te, bad u la ring kyrthat ïa u shikatdei, u la mih noh bad uta u khynnah u la long kum uba la ïap, katba shibun ki ong, “Ba u la ïap.”

LOUKAS 4:35

U Jisu te u la sneng ïa u, U da ong, “Wat jam me, to mih noh ruh na u.” Kumta haba uta u ksuid u la pynkyllon ïa u hapdeng, u la mih noh na u, um shym da pynsniew ei ei ruh em ïa u.

LOUKAS 8:29

(Naba U la hukum ïa uta u mynsiem bymkhuid ban mih noh na uta u briew. Naba la bunsien u la ju kem ïa u; bad la ap phira ïa u, bad la ju khum ïa u da ki kynjri bad da ki narkjat; bad haba u da pyndkut noh ïa kita ki jingkhum, la beh ïa u da uta u ksuid sha ki ri khlaw.)

LOUKAS 9:38

Ha khmih ruh, u briew uba na uta u paidbah u la pyrta, u da ong, “A Nonghikai, nga kyrpad ïa me, to khmih ïa u khun jong nga, naba u long u khun marwei jong nga;

LOUKAS 9:40

Nga la kyrpad te ïa ki synran jong me ba kin beh noh ïa u, hynrei, kim lah satia.”

ÏOANNIS 8:44

Phi, phi long na u kpa jong phi, u Soitan, bad ïa ki jingkwah jong uta u kpa jong phi, phi ïamon ban leh; uta u la long u nongshohnoh briew naduh kaba mynnyngkong, bad um ju sah ha ka jingshisha, naba kaba shisha kam don satia ha u: haba u kren ïa kaba lamler, u kren na kiei kiei la ki jong, naba u long uba lamler, bad u kpa jong ki jinglamler.

1 PETROS 5:8

To phin leh adkar, to phin ïasharai; naba uta u nongïaleh jong phi uba u Soitan, kum u sing bakyrhuh u ïaid kylleng, u da wad khnang ïa uno uno ruh ba un ïoh nguid tylli.

JINGPYNPAW 9:11

Bad ki don u syiem halor jong ki, uba u angel kata ka 'liewlong bakhlem trai, uba ka kyrteng jong u ha ka Hebru ka long “u Abaddon”, bad ha ka Grik u don ka kyrteng “u Apollion”.