LOUKAS 9:32 - KA BAIBL

³² U Petros te bad kita kiba don lem bad U ki la sngewkhia da kaba samthiah, hynrei, haba ki la peitmat bha, ki la ïohi ïa ka burom jong U, bad ïa kita ar ngut ki rangbah kiba la ïeng lem bad U.

Khasi CL Bible (BSI)

³² U Petros bad ki paralok jong u ki la ïohthiah lyngngai, hynrei ki la kyndit thiah bad ki la ïohi ïa ka burom jong U Jisu bad ïa kita ki ar ngut ki rangbah kiba la ïeng lem bad u.

LOUKAS 9:32 ပူးပေါင်းရင်းမြစ်များ

ISAÏAH 60:19

Ka sngi kan ym long shuh ka jingshai jong pha mynsngi; lymne ïa ka batyngshaiñ u bnai un ym ai jingshai ïa pha: hynrei, U Trai un long ha pha ka jingshai bymjukut, bad U Blei jong pha un long ka burom jong pha.

DANIEL 10:9

Pynban, nga la ïohsngew ïa ka jingsawa ki ktien jong u: te haba nga la ïohsngew ïa ka jingsawa ki ktien jong u, hangta nga la lap ha ka jingïohthiah lyngngai da pyllup, la ka khmat sha ka khyndew keiñ.

DANIEL 8:18

Te katba u dang kren bad nga, nga la lap kaba ïohthiah lyngngai da pyllup ha khyndew: hynrei, u la ktah ïa nga, bad u la pynïeng ïa nga.

MARKOS 14:40

Haba u la wan phai pat ruh, u la shem ïa ki, ba ki da ïohthiah pat, naba ki khmat jong ki, ki la khia; te kim tip kaei ba kin ïathuh ha u.

ÏOANNIS 1:14

Uta U Ktien te u la kynja doh, bad u la shong sah hapdeng jong ngi; bad ngi la ïoh-khmih shaiñ ïa ka burom jong u, ka burom kaba da kat ka jong uba la kha marwei na U Kpa, ba la dap da ka jingaiei bad ka jingshisha.

ÏOANNIS 17:24

Ko Kpa, ïa kita kiba me la ai ha nga, nga kwah ba ha kaba nga don ma nga ba kita ruh kin ïadon ryngkat bad nga; ba kin ïoh khmih ïa kata ka burom jong nga kaba me la ai ha nga: naba me la ieit ïa nga mynshuwa kaba pynshong nongrim ïa ka pyrthei.

2 PETROS 1:16

Namar ngim shym la bud noh ïa ki puriskam kai ba la thaw nang sianti, mynba ngi la pyntip ha phi ïa ka bor bad ïa ka jingwan U Trai jong ngi U Jisu Khrist, hynrei, ngi la ïoh long ki nongïohi ïa kata ka jinglong burom jong u.

1 ÏOANNIS 3:2

Ko hep ba-ieit, mynta ngi long ki khun U Blei, bad ym pat la pynpaw ïa kaei ba ngin sa long; hynrei, ngi tip ba, ynda la pynpaw ïa u, ngin long kiba kum ma u; naba ngin ïohi ïa u kumba u long hi.