LOUKAS 9:22 - KA BAIBL

²² u da ong, “Ba ka dei ïa U Khun u briew ban shah shibun kiei kiei ruh, bad ba yn kyntait ïa u da ki tymmen basan bad ki rangbah lyngdoh bad ki nongthoh ruh, bad ba yn pynïap ïa u, bad ba yn pynmih pat ïa u ha ka balai sngi.”

Khasi CL Bible (BSI)

²² U la ong ruh ha ki, “U Khun U Briew u dei ban shahshitom shibun bad ban shah kyntait da ki tymmen ki san, ki rangbah lyngdoh, bad da ki nonghikai ka Hukum. Un shah pynïap, hynrei hadien lai sngi yn sa pynmihpat ïa u.”

LOUKAS 9:22 ပူးပေါင်းရင်းမြစ်များ

JENESIS 3:15

Bad ïa ka jingshun ruh ngan buh hapdeng jong me bad kata ka briew, bad hapdeng u symbai jong me bad u symbai jong ka; u symbai jong ka un pynlwet ïa ka khlieh jong me, bad me men pynlwet ïa ka khongdong'jat jong u.”

DANIEL 9:26

Te hadien kita ki hynriewphew ar taïew, ïa uta uba la sleh yn ot noh, bad un ym ïoh ei ei ruh: bad ki briew jong uta u syiem u ban wan, kin pynjot noh ïa kata ka nongbah bad ïa kata ka jaka kyntang; bad ka bakut jong u kan long da ka jingshlei, te haduh ka bakut keiñ kan long ka thma; la thmu ïa ki jingpynjot.

SEKHARAÏAH 13:7

“To khie, ko waitlam, pyrshah ïa u nongaplangbrot jong nga, bad pyrshah ïa uta u briew uba long u lok u jong nga,” ong U Trai ki paid. “To pom ïa u nongaplangbrot, te yn pynsakma ïa ki langbrot; te ngan pynphai la ka kti ha kiba rit.

MATHAÏOS 17:12

hynrei, nga ong ha phi, ba u Elias u la wan lypa, bad kim shym la ithuh ïa u, hynrei, ki la leh ïa u katba ki la imon. Kumta ruh, U Khun u briew un sa shah shitom na ki.”

MATHAÏOS 17:22

Haba ki dang ïaïaid te ha Galilaïa, U Jisu u la ong ha ki, “Yn sa die noh ïa U Khun u briew ha ki kti ki briew,

MATHAÏOS 27:63

ki ïa-ong, “Ko kynrad, ngi kynmaw ba uta u bashukor u la ong mynba u dang im, ‘Ynda la lai sngi ngan mihpat.’

MARKOS 8:31

Te u la sdang ban hikai ïa ki, ba ka dei ïa U Khun u briew ban shah shibun kiei kiei ruh, bad ba yn kyntait da ki tymmen basan, bad ki rangbah lyngdoh, bad ki nongthoh, bad ba yn pynïap ruh; bad hadien lai sngi un mihpat.

MARKOS 9:31

Naba u la hikai ïa ki synran jong u, bad u la ong ha ki, “Yn sa aiti noh ïa U Khun u briew ha ki kti ki briew, bad kin pynïap ïa u, te haba la pynïap, un sa mihpat ha ka balai sngi.”

LOUKAS 17:25

Hynrei, ka dei shuwa ïa u ban shah bun kiei kiei ruh, bad ban kyntait ruh ïa u da kane ka pateng bynriew.

LOUKAS 24:26

Ym long kaba la dei ïa uba U Khrist ban shah ïa kine kiei kiei ruh, bad ban leit bsut hapoh ka burom jong u?”

LOUKAS 24:44

U la ong ruh ha ki, “Kine ki long kita ki ktien ïa kiba nga la kren ha phi, mynba nga dang don lem bad phi, ba ka dei ba yn pyndep ïa kiei kiei baroh, ïa kiba la thoh ha Ka Hukum u Moses bad ha Ki Nongïathuhlypa, bad ha Ki Salm de, shaphang jong nga.”

LOUKAS 24:7

u da ong ba ka dei ban ai noh ïa U Khun u briew ha ki kti ki briew ki bapop, ban sahnarphna, bad ban mihpat ha ka balai sngi.”

LOUKAS 9:44

“To ai ba kine ki ktien kin ngam ha ki shkor jong phi: naba yn sa aiti noh ïa U Khun u briew ha ki kti ki briew.”

1 KORINTH 15:4

bad ba la tep ïa u, bad ba la pynmih pat ïa u ruh ha ka balai sngi katba kum Ki Jingthoh,

1 PETROS 1:11

ki da ïit bha ïa kano lane ïa kaba kumno ka por U Mynsiem U Khrist uba ha ki u la ju pyni, haba u ïathuhlypa ïa kita ki jingshah U Khrist, bad ïa kita ki burom kiba bud ïa ki;