LOUKAS 9:11 - KA BAIBL

¹¹ Hynrei, haba kita ki paidbah ki la tip, ki la bud ïa u; te u la pdiang sngewbha ïa ki, bad u la ïathuh ha ki shaphang ka hima U Blei, bad u la pynkhiah ïa kiba donkam ïa ka jingpynkhiah.

Khasi CL Bible (BSI)

¹¹ Haba ki paidbah ki la ïohsngew shaphang kata, ki la bud ïa u. U la pdiang sngewbha ïa ki, u la kren ha ki shaphang ka Hima U Blei, bad u la pynkhiah ïa kito kiba donkam ïa ka.

LOUKAS 9:11 ပူးပေါင်းရင်းမြစ်များ

ISAÏAH 61:1

U Mynsiem U Trai U Blei u ha nga; naba U Trai u la pynsleh ïa nga ban ïalap ïa kiei kiei ki babha ha ki bajemnud; u la phah ïa nga ban spaiñ ïa kiba la pait dohnud, ban ïalap ïa ka jingpyllait noh ha kiba la ring mraw, bad ïa kaba plie ïa ka byndi ha kiba la khum;

MATHAÏOS 12:15

Hynrei, U Jisu haba u la tip u la leit noh nangta: te ki paidbah babun ki la ïabud ïa u, bad u la pynkhiah ïa ki baroh;

MATHAÏOS 14:14

Haba U Jisu ruh u la mih noh, u la ïohi ïa u paidbah babun, bad u la sngewsynei ïa ki bad u la pynkhiah ïa ki bapang jong ki.

MATHAÏOS 21:31

Uno na kine ar ngut uba la leh ïa ka mon u kpa?” Ki ong ha u, “Uba nyngkong.” U Jisu u ong ha ki, “Shisha nga ong ha phi, ba ki nongkhrong bad ki nuti ki leit ha shuwa jong phi sha ka hima U Blei.

MATHAÏOS 21:43

“Namar kata, nga ong ha phi, ba yn shim noh ïa ka hima U Blei na phi, bad yn ai ïa ka ha kynja ki briew ki ban pynmih ïa ki soh jong ka.

LOUKAS 1:53

ïa ki bathngan U pyndap da kiei kiei ki babha; ïa ki bariewspah te U phah noh suda.

LOUKAS 5:31

Te U Jisu u da ïathuh, u la ong ha ki, “Ki bakhiah kim donkam ïa u nongpynkhiah, hynrei, ki bapang keiñ:

LOUKAS 8:1

Bad ka la jia shen shen hadien kata, ba u la leit jingleit lyngba ki nongbah bad ki nongrit, u da ïalap bad u da ïathuhkhana ïa ka gospel ka hima U Blei: bad lem bad u kita ki khat-ar ngut,

LOUKAS 8:10

U te u la ong, “Ha phi keiñ la ai ban tip ïa ki maïan ka hima U Blei, hynrei, ha kiwei pat ha ki pharshi; ba haba ki ïohi kin ym ïohi, bad haba ki ïohsngew kin ym sngew-shemphang.”

LOUKAS 9:10

Te ki apostol ynda ki la wan phai pat, ki la ïathuh ha u ïa kiei kiei ruh kat kiba ki la lah leh. Te u la ïalam ïa ki, bad u la leit kyrpang sha ka shnong ba khot “Bethsaida”.

LOUKAS 9:12

Ka sngi te ka la sdang noh; te ki khat-ar ngut ki la wan bad ki la ong ha u, “To pyllait noh ïa u paidbah, ba kin ïoh leit sha ki nongrit bad sha ki ri bri kylleng sawdong, ba kin ïoh thiah basa, bad ba kin ïoh jingbam: naba hangne ngi don ha ka jaka kynjah.”

LOUKAS 9:2

Bad u la phah ïa ki ban ïalap ïa ka hima U Blei, bad ban pynkhiah ïa ki bapang.

ÏOANNIS 4:34

U Jisu u ong ha ki, “Ka jingbam jong nga, ka long ba ngan ïoh leh ïa ka mon ka jong uta uba la phah ïa nga, bad ba ngan ïoh pyndep ïa ka kam jong u.

ÏOANNIS 6:37

Baroh ba uta U Kpa u ai ha nga, kin wan ha nga: uta te uba wan ha nga, da lei lei ngan ym kyntait noh shabar.

KI KAM 28:31

u da ïalap ïa ka hima U Blei, bad u da hikai ïa kiei kiei ruh shaphang U Jisu Khrist uba U Trai da ka jingsngewshlur suda, bymdon ba khang ïa u.

Ka Shithi U Paul Sha Ki Nong Rom 10:14

Kumno te kin ïakhot kyrpad ïa uta ha uba kim shym la ngeit? kumno de kin ïoh ngeit ha uta shaphang uba kim shym la ïohsngew? kumno de kin ïohsngew khlem uba ïalap?

Ka Shithi U Paul Sha Ki Nong Rom 10:17

Kumta te, kata ka jingngeit ka jia na kaba sngew, bad kata kaba sngew da ka ktien U Blei keiñ.

Ka Shithi U Paul Sha Ki Nong Rom 15:3

Namar wat U Khrist um shym la pynsngewbha ïa lade hi; hynrei, kumba la thoh: “Kita ki jingkrenbeiñ ki jong kita kiba krenbeiñ ïa me, ki la ïahap ha nga.”

2 TIMOTHI 4:2

to men ïalap ïa kata ka ktien; to ïaiminot haba dei por, ha bymdei por de; to pynkynduh, to sneng, to kyntu da ka jingshahslem baroh bad ka jinghikai.

HEBRU 4:16

Namar kata te, to ngin ïawan hajan da ka jingshlur ha ka khet ka jingaiei, ba ngin ïoh pdiang ka jingisynei, bad ba ngin ïoh shem ka jingaiei ïa ka ban ïarap ïa ngi ha ka por ba-donkam.