LOUKAS 9:1 - KA BAIBL

¹ Te u la khot lang ïa ki khat-ar ngut, bad u la ai ha ki ka bor bad ka iktiar halor ki ksuid baroh, bad ïa ka ban pynkhiah ïa ki jingpang.

Khasi CL Bible (BSI)

¹ U Jisu u la khot lang ïa ki khat-ar ngut ki synran bad u la ai ha ki ka bor bad ka iktiar ban beh noh ïa ki ksuid baroh bad ban pynkhiah ïa ki jingpang.

LOUKAS 9:1 ပူးပေါင်းရင်းမြစ်များ

MATHAÏOS 16:19

Bad ngan ai ha me ïa ki shabi ka hima ki bneng; te kaei kaei ruh ïa kaba men teh ha ka khyndew yn teh ïa ka ha bneng ruh, bad kaei kaei ruh ïa kaba men pyllait ha ka khyndew yn pyllait ïa ka ha bneng ruh.”

MATHAÏOS 4:24

Te ka nam jong u ka la phriang ïa ka Syria baroh: bad ki la ïawallam ha u baroh kiba la pang, ïa kiba la ngat da ki bun jait ki jingpang bad ki jingkordit, bad ïa kiba shong ksuid, bad ïa ki bapang bhur, bad ïa ki bapang ïapshiliang de: te u la pynkhiah ïa ki.

MATHAÏOS 8:9

naba nga ruh nga long u briew hapoh ka hukum, uba don ki shipai hapoh jong nga; te nga ong ha une, ‘Khie leit’, te u leit; bad ha uwei pat, ‘Ale’, u ruh u wan; bad ha u shakri jong nga, ‘Leh ïa kane’, u ruh u leh.”

LOUKAS 10:1

Te hadien kine kiei kiei ruh, U Trai u la thung hynñiewphew ngut kiwei pat, bad u la phah noh ïa ki ar ar ha shuwa ka khmat jong u, sha ki shnong bad ki jaka baroh, sha kiba u hi un sa leit.

LOUKAS 10:19

Ha khmih, nga la ai ka bor ha phi ïa ka ban ïuh roit halor ki bseiñ bad ki 'ñianglartham, bad halor ka bor baroh ka jong u nongshun; bad ym don ei ei ruh ka ban pynsniew ïa phi.

ÏOANNIS 14:12

“Shisha, shisha nga ong ha phi: uta uba ngeit ha nga, ïa kita ki jingleh kiba nga leh ma nga, uta ruh un leh; bad ïa kiba kham khraw ïa kine un leh, namar ngan sa leit noh ma nga sha uta U Kpa jong nga.

KI KAM 1:8

Hynrei, phin ïoh diang ïa ka bor, ynda la wan U Mynsiem Bakhuid ha phi; bad phin long ki nongphla ïa nga ha Jerusalem, bad ha Judia baroh bad ha Samaria, bad haduh bakut ka pyrthei.”

KI KAM 3:16

Bad da ka jingngeit ha ka kyrteng jong U, ïa une u briew uba phi ïohi bad ba phi ithuh, ka kyrteng jong U, ka la pynkhlaiñ: kata ka jingngeit keiñ kaba da U, ka la ai ha une, ïa kane ka jingkhiah khran ha khmat jong phi baroh.

KI KAM 4:30

da kaba me kner noh ïa la ka kti ban pynkhiah; bad ba yn ïoh leh ïa ki dak khyllah bad ki jingphylla da ka kyrteng U Khun Bakhuid jong me U Jisu.”

KI KAM 9:34

Te u Petros u la ong ha u, “Ko Inias, U Jisu Khrist u pynkhiah ïa me; to ïeng joit, bad shna ïa la ka jingthiah.” Te kumne kumne ruh u la ïeng joit.