LOUKAS 8:41 - KA BAIBL

⁴¹ Ha khmih ruh, u la wan u briew uba kyrteng “u Jairos”, bad uba long u nongsynshar jong ka synagog; te u la dem ha ki kjat U Jisu, bad u la kyrpad ïa U ban wan sha ïing jong u:

Khasi CL Bible (BSI)

⁴¹ Te u briew uba kyrteng u Jairos u la wan poi; u la long u rangbah synshar ha ka synagog kaba ha kata ka shnong. U la dem khrup ha ki kjat jong U Jisu bad u la kyrpad ïa u ban leit sha ïing jong u,

LOUKAS 8:41 ပူးပေါင်းရင်းမြစ်များ

LOUKAS 13:14

Hynrei, u nongsynshar ka synagog ba u da sngewbitar eh, namar ba U Jisu u la lah pynkhiah ha ka Sabbaton, u la ïathuh bad u la ong ha u paidbah, “Don hynriew sngi ha kiba ki briew ki dei ban trei jingtrei; ha kita namar kata, to wan ba yn pynkhiah ïa phi, te ym ha ka sngi Sabbaton.”

LOUKAS 17:16

bad u la dem khrup ha ki kjat jong U, u da nguh ïa U; une te u la long u nong Samaria.

LOUKAS 5:8

Te u Simon Petros haba u la ïohi ïa kane, u la dem khrup ha ki khohsiew U Jisu, u da ong, “To khie leit noh na nga; naba nga long u briew u bapop, A Trai.”

LOUKAS 8:42

naba u la don ka khun marwei, kaba la khat-ar snem ka rta, bad kaba la jan ïap. Hynrei, katba U dang leit, kita ki paidbah ki la ïakyntur lang ïa U.

LOUKAS 8:49

Katba U dang kren, la wan uwei na ka ïing uta u nongsynshar ka synagog, u da ong ha u, “La ïap noh i khun jong me; wat pynshitom shuh ïa U Nonghikai.”

ÏOANNIS 11:21

Ynda kumta, ka Martha ka la ong ha U Jisu, “Ko Trai, lada me la don hangne, u para jong nga un ym da la ïap:

KI KAM 13:15

Te ynda la lah kaba pule ïa Ka Hukum bad Ki Nongïathuhlypa, ki nongsynshar ka synagog ki la ïaphah ha ki, ki da ong, “Ko para, lada phi don kano kano ka ktien sneng ïa u paidbah, to kren.”

KI KAM 18:17

Ynda kumta, ki baroh ki la kem ïa u Sosthenis, u nongsynshar ka synagog, bad ki la shoh ïa u ha khmat kata ka khet bishar. U Gallio te um suidñiew ei ei ruh ïa kita kiei kiei.

KI KAM 18:8

Te u Krispos, u nongsynshar ka synagog u la ngeit ha U Trai lem bad ka ïing jong u baroh; bun ruh na ki nong Korinth haba ki la ïohsngew, ki la ngeit, bad la pynbaptis ïa ki.

KI KAM 9:38

Te namar ba ka Lydda ka long hajan Joppa, kita ki synran haba ki la ïohsngew ba u Petros u don hangta, ki la phah ar ngut ki briew sha u, ki da kyrpad ïa u, “Wat pyntud ban wan haduh ha ngi.”

JINGPYNPAW 5:8

Te mynba u la shim ïa kata ka kitab, kita ki saw ki jingthaw ba-im bad kita ki arphew saw ngut ki tymmen basan ki la ïahap dem ha khmat uta U Khun langbrot, ki da don uwei pa uwei la ka duitara, bad ki pliang ksiar ba dap da ki jingainguh thang baiwbih, kiba long ki jingduwai jong ki riewkhuid.