LOUKAS 8:32 - KA BAIBL

³² Hynrei, la don hangta shi kynhun bah ki sniang kiba ïabam phlang halor lum, te ki la ïakyrpad ïa U ba un shah ïa ki ban leit rung hapoh kita. Te U la shah ïa ki.

Khasi CL Bible (BSI)

³² Hangta hajan, la don ka kynhun bah ki sniang, kiba ïabam jingbam ha ki sharing lum. Kumta ki ksuid ki la kyrpad ïa U Jisu ban shah ïa ki ban rung shapoh ki sniang, bad u la shah ïa ki.

LOUKAS 8:32 ပူးပေါင်းရင်းမြစ်များ

1 SYIEM 22:22

U Trai te u la ong ha u, ‘Da kumno?’ U te u la ong, ‘Ngan leit mih, bad ngan long u mynsiem balamler ha ka shyntur ki nongïathuhlypa jong u baroh.’ U te u la ong, ‘Men shukor ïa u, bad men lah ruh: to leit mih, bad to leh kumta.’

Ka Kitab U Job 1:10

Me mem shym la pynlong ka jingker sawdong ïa u, bad sawdong ïa ka ïing jong u, bad sawdong ïa kiei kiei baroh ba u don kylleng kylleng? Me la kyrkhu ïa ka kam ki kti jong u, bad ka spah jong u ka la roi ha ka khyndew.

Ka Kitab U Job 1:12

Te U Trai u la ong ha u Soitan, “Ha khmih, kiei kiei baroh kat kiba u don ki ha ka bor jong me; tang halor jong u hi wat rah la ka kti.” Kumta u Soitan u la leit mih noh na khmat U Trai.

Ka Kitab U Job 2:6

Bad U Trai u la ong ha u Soitan, “Ha khmih, u ha ka kti jong me; hynrei, tang ïa ka jingim jong u, men pynsah.”

SALM 62:11

U Blei u la kren shi sien, ar sien nga la ïohsngew ïa kane; ba ka bor ka dei ka jong U Blei:

ISAÏAH 65:4

uba shong hapdeng ki jingtep, bad sah ha ki jaka buhrieh; uba bam doh sniang, bad ka syrwa jong kiei kiei ba-ijli ka don ha ki khiew jong ki;

ISAÏAH 66:3

“Uba pynïap ïa u masi dab u long kum uba pynïap briew; uta uba kñia ïa u khun langbrot, u long kum uba la pynkheiñ ïa ka ryndang u ksew; uta uba ai ïa ka jingainguh, u long kum uba ainguh da ka snam sniang; uta uba thang jingiwbih, u long kum uba kyrkhu ïa u bleithaw. Shisha keiñ, ki la jied ïa la ki jong ki lynti, bad ka mynsiem jong ki ka sngewbha ha ki jingijli jong ki;

LEBITIKOS 11:7

Bad ïa u sniang, namar ba u pait khnap bad ba u phiah ar liang, hynrei, khlem da ktha ar sien ïa ka jingbam; u long bymkhuid ïa phi.

MATHAÏOS 7:6

“Wat ai ïa ka bakhuid ha ki ksew, lymne wat bred ïa ki mawlynnai jong phi ha khmat ki sniang, ba ïoh kin ïuh ïa ki hapoh ki kjat jong ki, bad kin phai pat, kin tar ruh ïa phi.

LOUKAS 8:31

Te ki la ïakyrpad ïa U, ba un ym hukum ïa ki ban leit noh sha dujok.

LOUKAS 8:33

Bad kita ki ksuid ki la mih noh na uta u briew, bad ki la leit rung hapoh kita ki sniang; te kata ka kynhun ka la phet ïap arsut ïa ka riat sha ka pung, bad ki la ïap jyllop.

ÏOANNIS 19:11

U Jisu u la ïathuh, “Mem shym don ka bor satia halor jong nga, lymda la long ba la ai ha me na jrong; namar kata, uta uba la aiti noh ïa nga ha me, u don ka pop kaba kham khraw.”

1 ÏOANNIS 4:4

Ma phi, phi long na U Blei ko khun hep, te phi la jop thiaw ïa kita, naba u long uba kham khraw uba ha phi ban ïa uba ha ka pyrthei.

JINGPYNPAW 20:7

Te ynda la pyndep ïa kata ka shi hajar snem, yn pyllait noh ïa uta u Soitan na ka byndi jong u,