LOUKAS 8:27 - KA BAIBL

²⁷ Bad haba u la mih noh sha ryngkew, la wan tan ïa U, uwei u briew na kata ka shnong, uba shong ksuid; bad la slem eh um ju kup jaiñ, bad um ju shong ha kano kano ka ïing, hynrei, ha ki maw jingtep.

Khasi CL Bible (BSI)

²⁷ Katba U Jisu u dang hiar harud duriaw, la wan ïashem ïa u da u briew na ka shnong uba shongksuid. La slem bah une u briew u la leit khlem phong jaiñ bad um mon ban shong ha ïing, hynrei u la pynlut ïa la ka por ha ki krem jingtep.

LOUKAS 8:27 ပူးပေါင်းရင်းမြစ်များ

ISAÏAH 65:4

uba shong hapdeng ki jingtep, bad sah ha ki jaka buhrieh; uba bam doh sniang, bad ka syrwa jong kiei kiei ba-ijli ka don ha ki khiew jong ki;

JINGKHEIÑ 19:16

Uno uno ruh uba ktah ïa kaba la pynïap noh da ka waitlam ha ka lyngkha, lane ïa ka metïap, lane ïa ka shyieng jong u briew, lane ïa ka jingtep, un long u bymkhuid, hynñiew sngi.

MATHAÏOS 4:24

Te ka nam jong u ka la phriang ïa ka Syria baroh: bad ki la ïawallam ha u baroh kiba la pang, ïa kiba la ngat da ki bun jait ki jingpang bad ki jingkordit, bad ïa kiba shong ksuid, bad ïa ki bapang bhur, bad ïa ki bapang ïapshiliang de: te u la pynkhiah ïa ki.

MARKOS 5:15

Bad ki wan ha U Jisu, bad ki ïohi ïa uta uba ju shong ksuid ba u shong, bad ba u la kup jaiñ, bad ba u la tipbriew, ïa uta keiñ uba la ju don “u Paidbah”: bad ki la sheptieng.

LOUKAS 8:26

Te ki la poi ha ka ri ki nong Gadara kaba marpyrshah ïa ka Galilaïa.

LOUKAS 8:28

Te haba u la ïohi ïa U Jisu, u la kyang, bad u la dem khrup ha khmat jong U, bad u la ong da ka ktien bajam, “Nga donkam aïu bad me, Jisu, Me U Khun U Blei U Bahakhlieh Tam Eh? Me nga kyrpad ïa me, wat pynshitom ïa nga!”

1 SAMUEL 19:24

Bad u ruh u la loit noh ïa la ki jaiñ, bad u la ïathuhlypa ruh ha khmat u Samuel, bad u la thiah lyngkhuit baroh kata ka sngi bad baroh kata ka miet. Namar kata, ki la ju ong, “U Saul ruh pleng u don hapdeng ki nongïathuhlypa?”