LOUKAS 8:24 - KA BAIBL

²⁴ Te ki la ïawan ha u bad ki la kyrsiew ïa u, ki da ong, “Ko kynrad, kynrad, ngi la ïap!” Te u la kyndit bad u la sneng ïa kata ka lyer bad ïa kata ka jingat phyllung ka um; kumta, ki la ïajah noh, bad ka la long kaba jai jai.

Khasi CL Bible (BSI)

²⁴ Ki synran ki la leit sha U Jisu bad ki la kyrsiew ïa u, da kaba ong, “Kynrad, Kynrad! Ngi la jan ïap!” U Jisu u la khie joit bad u la hukum ïa ka lyer bad ïa ka um ba khie 'erïong; ki la sangeh bad ka la don ka jingjai jai kaba khraw.

LOUKAS 8:24 ပူးပေါင်းရင်းမြစ်များ

SALM 65:7

uba pynsngap jar ïa ka jingkyrhuh ki duriaw, ïa ka jingkyrhuh ki jingat phyllung jong ki, bad ïa ka jingkhihwin ki paidbah.

ISAÏAH 50:2

Na ka balei, haba nga la wan, bym shym la don briew? Haba nga la khot, bym shym don ba jubab? Hato la pynlyngkot ïa ka kti jong nga, ba kan ym lah siewspah? ne ngam don bor ban pyllait? Ha khmih, ha ka jingsneng jong nga, nga pynrngad ïa ka duriaw, nga pynlong khlaw ïa ki wah: ki dohkha jong ki, ki iwtung, namar bymdon um, bad ki ïap sliang.

JEREMAÏAH 5:22

Phim sheptieng du ïa nga?’ ” ong U Trai: “phin ym khih khynñiuh ha khmat jong nga, uba la buh ïa u shyiap ban long pud ïa ka duriaw da ka hukum baïaineh, ba kam lah ryngkang shuh ïa u? bad la ki jingat phyllung jong ka ki kynting ïa lade, pynban, kim lah jop; la ki kyrhuh, pynban, kim lah ban palat ïa u.

NAHUM 1:4

U sneng ïa ka duriaw, bad u pynrngad ïa ka, bad u pynrngad ïa ki wah baroh: ka Bashan ka tyrkhong noh, bad u Karmel, bad u syntiew u Lebanon u tyrkhong noh.

MATHAÏOS 14:30

Hynrei, haba u la ïohi ïa kata ka lyer ba ka jur, u la sngewsheptieng, bad haba u la sdang ban ngam, u la pyrta, u da ong, “Ko Trai, to pynim ïa nga.”

MATHAÏOS 8:25

Te haba ki synran jong u ki la ïawan ha u, ki la kyrsiew ïa u, ki ïa-ong, “Ko Kynrad, to pynim ïa ngi; ngin sa ïap!”

MARKOS 4:39

Haba u la khie te, u la sneng ïa ka lyer, bad u la ong ha ka duriaw, “Long jai jai, wat khih shuh.” Kumta, kata ka lyer ka la jem jai, bad ka la long kaba jai jai eh.

LOUKAS 4:35

U Jisu te u la sneng ïa u, U da ong, “Wat jam me, to mih noh ruh na u.” Kumta haba uta u ksuid u la pynkyllon ïa u hapdeng, u la mih noh na u, um shym da pynsniew ei ei ruh em ïa u.

LOUKAS 4:39

Te haba U la ïeng najan jong ka, U la sneng ïa kata ka khieshoh, te ka la iehnoh ïa ka; bad kumne kumne ruh ka la ïeng bad ka la shakri ïa ki.

LOUKAS 5:5

U Simon u la ïathuh bad u la ong, “Ko Kynrad, ngi la ïaleh shitom baroh shi miet, te ei ei ruh em ngim shym la ngat; hynrei, namar ka ktien jong me, ngan pynhiar ïa ki jar.”

LOUKAS 8:25

U la ong te ha ki, “Hangno ka jingngeit jong phi?” Te ba ki la sheptieng ki la sngewphylla, ki da ïa-ong paralok hi, “Une u long uei shisha, ba u hukum kat ïa ki lyer bad ïa ka um, bad ki kohnguh ïa u?”