LOUKAS 8:21 - KA BAIBL

²¹ Hynrei, u la ïathuh bad u ong ha ki, “Ka kmie jong nga bad ki hynmen hynbew jong nga ki long kine kiba ïohsngew ïa ka ktien ka jong U Blei, bad kiba leh ïa ka.”

Khasi CL Bible (BSI)

²¹ U Jisu u la ong ha ki baroh, “Ka kmie bad ki para shynrang jong nga ki long kito kiba ïohsngew ïa ka ktien U Blei bad kiba kohnguh ïa ka.”

LOUKAS 8:21 ပူးပေါင်းရင်းမြစ်များ

MATHAÏOS 17:5

Haba u dang kren, ha khmih, u lyoh batyngshaiñ u la kah ïa ki: ha khmih ruh, ka ktien na uta u lyoh ka la ong, “Une u long U Khun jong nga uba ieit, ha uba nga sngewbha: phin sngew ïa u.”

MATHAÏOS 25:40

Uta U Syiem te un ïathuh bad un ong ha ki, ‘Shisha nga ong ha phi, ha kaba phi la leh ïa ka ha uwei u barit tam na kine ki para jong nga, phi la leh keiñ ha nga.’

MATHAÏOS 25:45

Ynda kumta, un ïathuh ha ki, un ong, ‘Shisha nga ong ha phi, ha kaba phim shym la leh ïa ka ha uwei na kine ki barit tam, phim shym la leh keiñ ha nga.’

MATHAÏOS 28:10

Ynda kumta, U Jisu u la ong ha ki, “To wat sheptieng! to khie leit noh, to ïathuh ha ki para jong nga, ba kin leit sha Galilaïa, hangta ruh kin ïohi ïa nga.”

LOUKAS 8:15

Te uta uba ha ka khyndew ka babha, kine ki long kita kiba da ka dohnud ka bahok bad ka babha, haba ki la ïohsngew ïa ka ktien, ki bat skhem ïa ka, bad ki sei soh da ka jingïaineh.”

LOUKAS 8:20

La ïathuh te ha u, “Ka kmie jong me bad ki hynmen hynbew jong me ki ïaïeng habar, ki da kwah ban ïohi ïa me.”

ÏOANNIS 13:17

Lada phi tip ïa kine kiei kiei ruh, suk ma phi lada phi leh ïa ki.

ÏOANNIS 20:17

U Jisu u ong ha ka, “To wat ktah ïa nga; namar ngam pat leit kiew sha la U Kpa; hynrei, to khie leit sha ki para jong nga, bad to ong ha ki: Ngan sa leit kiew sha U Kpa jong nga, bad U Kpa jong phi, bad U Blei jong nga, bad U Blei jong phi.”

2 KORINTH 5:16

Kumta te, naduh mynta, ngi ngim ñiew ïano ïano ruh katba kum ka doh; toi lada ngi la ju ñiew ïa U Khrist katba kum ka doh, hynrei, mynta, ngim ñiew shuh.

2 KORINTH 6:18

bad ngan long U Kpa ïa phi, ma phi ruh, phin long ki khun shynrang bad ki khun kynthei ïa nga,” ong U Trai u Badonbor Baroh.

JAKOB 1:22

Te to long phi ki nongleh ïa ka ktien, bad ym tang ki nongsngew, da kaba shukor noh ïa lade hi.

1 ÏOANNIS 2:29

Lada phi tip ba u long u bahok, phi tip ba uwei pa uwei baroh uba ïai-leh ïa ka hok, la kha ïa u na u.

3 ÏOANNIS 1:11

Ko hep ba-ieit, to me wat pyrthuh bud ïa kata ka basniew, hynrei, ïa kata ka babha. Uta uba leh ïa ka babha u long na U Blei, hynrei, uta uba leh ïa ka basniew um shym la ïohi ïa U Blei.