LOUKAS 8:15 - KA BAIBL

¹⁵ Te uta uba ha ka khyndew ka babha, kine ki long kita kiba da ka dohnud ka bahok bad ka babha, haba ki la ïohsngew ïa ka ktien, ki bat skhem ïa ka, bad ki sei soh da ka jingïaineh.”

Khasi CL Bible (BSI)

¹⁵ Ki symbai kiba la hap ha ka khyndew babha ki ïeng na ka bynta kito kiba ïohsngew ïa ka khubor bad kiba bat ïa ka ha ka dohnud kaba bha bad kaba kohnguh, bad ki ïaineh tad haduh ba kin da seisoh.

LOUKAS 8:15 ပူးပေါင်းရင်းမြစ်များ

SALM 119:11

Nga la ri khop ïa ka ktien jong me ha la ka dohnud, khnang ba ngan ym leh pop ïa me.

SALM 51:10

To pynlong ka dohnud ka bathymmai hapoh jong nga, A U Blei: bad to pynthymmai ïa ka mynsiem kaba beit hapoh jong nga.

PROBERB 3:1

Ko khun, wat klet ïa ka aiñ jong nga; hynrei, ka dohnud jong me to kan sumar ïa ki hukum jong nga:

JEREMAÏAH 15:16

La shem ïa ki ktien jong me, bad nga la bam ïa ki; te ki ktien jong me ki la long ha nga ka jingkmen bad ka jingshadkmen ka dohnud jong nga: namar la khot ïa nga da ka kyrteng jong me, A Trai U Blei ki paid.

JEREMAÏAH 31:33

“Hynrei, kane ka long ka jutang ba ngan thaw bad ka ïing Israel hadien kita ki sngi,” ong U Trai; “ngan buh ïa ka hukum jong nga ha ki bynta kiba shapoh jong ki, bad ngan thoh ïa ka ha ka dohnud jong ki; bad ngan long U Blei jong ki, bad ki kin long ki briew jong nga:

JEREMAÏAH 32:29

te ki Khaldi, kiba ïaleh ïa kane ka nongbah, kin wan bad kin wiang ding ïa kane ka nongbah, bad kin thang ïa ka, lem bad ki ïing, halor jrong ïing jong kiba ki la ai jingiwbih ha u Baal, bad ki la theh ki jingainguh dih ha kiwei pat ki blei, ban pankwah ïa nga ban bitar.

MATHAÏOS 24:13

Hynrei, jar uba da ïaineh haduh ka bakut, uta keiñ u ban ïohlait im.

LOUKAS 11:28

Hynrei u te u la ong, “Kham suk shisha kita kiba ïohsngew ïa ka ktien ka jong U Blei, bad kiba sumar ruh ïa ka.”

LOUKAS 6:45

U briew u babha u sei ïa ka babha na ka jingkynshew ka babha ka dohnud jong u: u briew uba bymman ruh u sei ïa ka bymman na ka jingkynshew kaba bymman ka dohnud jong u; naba na ka jingshlei ka dohnud, ka shyntur jong u ka kren.

LOUKAS 8:14

Uta uba la hap hapdeng ki dieng Shiah te, long kita kiba ju ïohsngew, te katba ki nang pynleit la ki sngi ka rta, la kjap ïa ki da ki jingkhuslai bad ka spah, bad ki jingsngewbha kane ka jingim; te kim sei ki soh ki ba-ih bha.

LOUKAS 8:16

“Bad ym don u briew haba u la thang ïa ka sharak, uba tap ïa ka da u khiew, lane uba buh hapoh ka jingthiah; hynrei, u buh ha ka dieng pynïeng sharak, ba kita kiba rung shapoh kin ïohi ïa kata ka jingshai.

ÏOANNIS 14:15

“Lada phi ieit ïa nga, to sumar ïa ki hukum jong nga.

ÏOANNIS 15:10

Lada phin sumar ïa ki hukum jong nga, phin ïoh ïaineh ha kata ka jingieit jong nga; kumba nga keiñ, nga la sumar ïa ki hukum uta U Kpa jong nga, bad nga ïaineh ha ka jingieit jong u.

Ka Shithi U Paul Sha Ki Nong Rom 2:7

ha kita keiñ, kiba da ka jingïaineh minot ha kaba leh babha, ki wad sliang ïa ka jinglong burom bad ïa ka burom bad ïa ka jingbymïap, un ai ka jingim bymjukut:

Ka Shithi U Paul Sha Ki Nong Rom 6:22

Hynrei, mynta, ba la pyllait noh ïa phi na ka pop, bad ba la pynlong shakri ïa phi ha U Blei, phi ïoh kheit ïa u soh jong phi sha ka jingpynkhuid, bad ka bakut kan long ka jingim bymjukut keiñ.

Ka Shithi U Paul Sha Ki Nong Rom 7:18

Namar nga tip ba ha nga, kata, ha ka doh jong nga, kam shong sah ei ei ka babha; namar ïa ka ban mon shisha, ka don eh ha nga; hynrei, ïa ka ban leh ïa kata ka babha, kam don.

Ka Shithi U Paul Sha Ki Nong Rom 7:4

Kumjuh te ma phi, ko ki para jong nga, la pynlong ïap ïa phi ruh ïa kata ka hukum da ka met U Khrist; khnang ba phin ïoh kurim bad uwei pat, bad uta keiñ ïa uba la pynmih pat na ki baïap, ba kumta, ngin ïoh sei soh sha U Blei.

Ka Shithi U Paul Sha Ki Nong Rom 8:25

Hynrei, lada ngi kyrmen ïa kata kaba ngim ïohi, te da kaba ïaishah ngi khmih lynti ïa kata.

1 KORINTH 7:19

Kata kaba otsher kam long ei ei ruh em, bad kata kaba khlem otsher kam long ei ei ruh em, hynrei, tang kaba sumar ïa ki hukum U Blei.

EPHESOS 2:8

Namar da ka jingaiei la pynim ïa phi, da ka jingngeit keiñ; kata ruh, ym na phi hi; ka long ka jingai U Blei:

DEUTERONOMI 30:6

Bad U Trai uba U Blei jong me un otsher ïa ka dohnud jong me, bad ïa ka dohnud u symbai jong me, ïa ka ban ieit ïa U Trai uba U Blei jong me da la ka dohnud baroh, bad da la ka mynsiem baroh, khnang ba men ïoh im.

PHILIPPI 1:11

kiba la pyndap da ki soh ka hok, kiba long da U Jisu Khrist, khnang ïa ka burom bad ka jingïaroh ïa U Blei.

KOLOSSAI 1:10

ba phin ïaid kum ba dei biang ïa U Trai, ïa ka ban pynsngewbha baroh, da kaba sei soh ha ka jingleh babha baroh, bad da kaba nang roi ha ka jingtip ïa U Blei;

KOLOSSAI 1:6

kaba la wan sha phi, kumba ka long ruh ha ka pyrthei baroh, kaba sei soh bad kaba nang roi, kumba ha phi ruh, naduh kata ka sngi ba phi la ïohsngew bad phi la ithuh ïa ka jingaiei U Blei ha ka jingshisha;

HEBRU 10:36

Namar phi donkam ïa ka jingïaishah, ba haba phi la ïoh leh ïa ka mon U Blei, phin ïoh pdiang ïa kata ka jingkular.

HEBRU 2:1

Naba kumta, ka dei ïa ngi ban ïakham pynshahshkor ïa kita kiei kiei ruh ïa kiba la ïohsngew, ïoh ba kumno re kumno ngi tuid noh na ki.

JAKOB 1:4

Hynrei, kane ka jingïaishah, to ai kan ïoh ïa la ka jingtrei bajanai, ba phin ïoh long kiba janai bad kiba tylli biang, ki bymduna ha kaei kaei ruh.

1 ÏOANNIS 2:3

Bad ha kane ngi tip ba ngi ithuh ïa u, lada ngi sumar ïa ki hukum jong u.