LOUKAS 8:10 - KA BAIBL

¹⁰ U te u la ong, “Ha phi keiñ la ai ban tip ïa ki maïan ka hima U Blei, hynrei, ha kiwei pat ha ki pharshi; ba haba ki ïohi kin ym ïohi, bad haba ki ïohsngew kin ym sngew-shemphang.”

Khasi CL Bible (BSI)

¹⁰ bad u la jubab, “Ïa ka jingtip ïa kiba rieh jong ka Hima U Blei la ai ha phi, hynrei ha kiwei pat ka wan ha ki pharshi, khnang ba ki lah ban peit hynrei kim ïohi, bad shahshkor hynrei kim shemphang.

LOUKAS 8:10 ပူးပေါင်းရင်းမြစ်များ

SALM 25:14

Ka jingmut barieh jong U Trai ka don bad kita kiba sheptieng ïa u; bad un pynbna ha ki, ïa la ka jutang.

ISAÏAH 29:14

namar kata, ha khmih, ngan leh pat ïa ka kam phylla hapdeng une u paidlang, ka kam phylla keiñ bad ka dak khyllah: te ka jingstad jong ki bastad jong ki kan duh noh, ïa ka jingshemphang jong ki basian jong ki ruh yn buhrieh noh.”

ISAÏAH 44:18

Kim tip, lymne kim pyrkhat: namar u la tap ïa ki khmat jong ki, ba kim lah ïohi; bad ïa ki dohnud jong ki, ba kim lah sngewthuh.

ISAÏAH 6:9

Bad u la ong, “To khie, bad ong ha une u paidlang, “ ‘To sngew phi shisha, hynrei, wat sngewthuh; bad to ïohi phi shisha, hynrei, wat shemphang.’

JEREMAÏAH 5:21

‘To sngap ïa kane mynta, A u paidlang u babieit, bad uba khlem jingshemphang; uba don ki khmat, te um ïohi; uba don ki shkor, te um ïohsngew:

ESEKIEL 12:2

“Ko khun u briew, me, me shong hapdeng ka ïing kaba ïaleh pyrshah, kaba don ki khmat ban khmih, te kim ïohi, kaba don ki shkor ban sngew, te kim sngap; namar ki long ka ïing ba ïaleh pyrshah.

MATHAÏOS 11:25

Mynkata U Jisu u la ïathuh bad u la ong: “Nga nguh ïa me, ko Kpa, U Trai ka bneng bad ka khyndew, ba me la buhrieh ïa kine kiei kiei ruh na ki bastad bad ki basian, bad ba me la pynpaw ïa ki ha ki khunlung:

MATHAÏOS 16:17

U Jisu te u la ïathuh bad u la ong ha u, “Suk ma me, ko Simon u khun u Jonah, naba ka doh bad ka snam kam shym la pyni ïa kata ha me, hynrei, U Kpa jong nga uba ha bneng.

MARKOS 4:11

U la ong te ha ki, “Ha phi keiñ, la ai ban tip ïa ka maïan ka hima U Blei: hynrei, ha kita kiba shabar, ïa kiei kiei baroh yn leh keiñ, ha ki pharshi:

MARKOS 4:12

“ ‘Ba ïa kaba ki ïohi kin ïohi, te kin ym ishemphang shuh; bad ïa kaba ki ïohsngew kin ïohsngew, te kin ym sngewthuh shuh; ba ïoh kumta kin kylla, bad yn map ïa ki.’ ”

ÏOANNIS 12:40

“U la pynmatlah ïa ki khmat jong ki, bad u la pynluin ïa ka dohnud jong ki; ba kin ym ïohi da la ki khmat, lymne sngew-shemphang da la ka dohnud, bad kin ïoh kylla-ka-bamut, bad ngan ïoh pynkhiah ïa ki.”

Ka Shithi U Paul Sha Ki Nong Rom 16:25

Te mynta, ha uta uba lah ban pynneh skhem ïa phi katba kum kata ka gospel jong nga, bad kata ka jingïalap ïa U Jisu Khrist, katba kum ka jingpynpaw ïa ka jingmaïan ba la ri jar jar na ki rta ba mynhyndai kulong,

1 KORINTH 12:11

Hynrei, ïa kine kiei kiei baroh uta ujuh hi U Mynsiem u pyntrei hapoh da kaba sam ha uwei pa uwei ha la ka jong ka jong kat kumba u sngewbha hi.

DEUTERONOMI 29:4

pleng U Trai um shym la ai ha phi ka dohnud ban shemphang, bad ïa ki khmat ban ïohi, bad ïa ki shkor ban ïohsngew, naduh kane ka sngi.

KOLOSSAI 2:2

ba yn ïoh pyntngen ïa ki dohnud jong ki, haba la pynïasoh lang ïa ki ha ka jingïa-ieit, bad ha ka jingkynrei spah baroh jong ka jingsngewskhem ba-dap biang jong ka jingshemphang, ba kin ïoh tip ïa ka jingmaïan jong U Blei, kaba long U Khrist;

1 TIMOTHI 3:16

Bad khlem ka jingïasaid, kaba khraw ka jingmaïan ka jong ka niam Blei: Uta uba la paw ha ka doh, ba la ksan ha U Mynsiem, ba la ïohi da ki angel, ba la ïalap hapdeng ki Jentil, ba la ngeit ha ka pyrthei, ba la pdiang haneng ha ka burom.