LOUKAS 8:1 - KA BAIBL

¹ Bad ka la jia shen shen hadien kata, ba u la leit jingleit lyngba ki nongbah bad ki nongrit, u da ïalap bad u da ïathuhkhana ïa ka gospel ka hima U Blei: bad lem bad u kita ki khat-ar ngut,

Khasi CL Bible (BSI)

¹ Katto katne por hadien, U Jisu u la leit jingleit lyngba ki shnong bad ki nongrit, u da ïalap ïa ka Khubor Babha shaphang ka Hima U Blei. Ki khat-ar ngut ki synran ki la ïaleit bad u,

LOUKAS 8:1 ပူးပေါင်းရင်းမြစ်များ

MATHAÏOS 11:1

Ka la jia ruh, haba U Jisu u la wai noh kaba hukum ïa ki khat-ar ngut ki synran jong u, ba u la leit noh nangta ïa ka ban hikai bad ban ïalap ha ki shnong jong ki.

MATHAÏOS 13:19

Haba uno uno ruh u ïohsngew ïa ka ktien ka hima bad um sngewthuh ïa ka, u bymman u wan bad u rong noh ïa kata ïa kaba la bet ha ka dohnud jong u. Une u long uta ïa uba la bet harud lynti.

MATHAÏOS 4:23

Bad U Jisu u la leit kylleng ka Galilaïa baroh, u da hikai ha ki synagog jong ki, bad u da ïalap ïa ka gospel ka hima, u da pynkhiah de ïa ki jingpang baroh bad ïa ki jingkhrew baroh ruh ha ki briew.

MATHAÏOS 9:35

U Jisu u la ïaid ruh kylleng sha ki nongbah bad ki nongrit baroh, u da hikai ha ki synagog jong ki, bad u da ïalap ïa ka gospel ka jong ka hima, bad u da pynkhiah ïa ka jingpang baroh bad ïa ka jingkhrew baroh de.

MARKOS 1:39

U la ïalap te ha ki synagog jong ki kylleng sawdong ka Galilaïa baroh, u la beh noh de ïa ki ksuid.

LOUKAS 1:80

Uta u khynnah te u la nang san, u la nang khraw bor ruh ha ka mynsiem, bad u la don ha ki ri khlaw haduh kata ka sngi ba u la pynpaw ïa lade ha u Israel.

LOUKAS 20:1

Ka la jia te ha kawei na kita ki sngi, haba U dang hikai ïa u paidlang ha ka templ, bad ba U dang ïalap ïa ka gospel, ba ki rangbah lyngdoh bad ki nongthoh, lem bad ki tymmen basan, ki la wan lap ïa U.

LOUKAS 4:18

“U Mynsiem U Trai U ha nga: naba U la pynsleh ïa nga ïa ka ban ïalap ïa ka gospel ha ki baduk; U la phah ïa nga ban pynbna ïa ka jingpyllait ha kiba la set byndi, bad ïa ka jingpynpeit pat ha ki bamatlah, ban pyllait noh ïa kiba la ban ka shitom;

LOUKAS 9:6

Te ki la mih noh, bad ki la leit kylleng ki nongrit, ki da ïalap ïa ka gospel, bad ki da pynkhiah de kylleng la kylleng ruh.

KI KAM 10:38

shaphang U Jisu uba na Nasaret, kumno ba U Blei u la pynsleh ïa u da U Mynsiem Bakhuid, bad da ka bor, uba la ïaid kylleng u da leh babha, bad u da pynkhiah ïa kita baroh kiba la ban shitom da u Soitan; naba U Blei u long ryngkat bad u.

KI KAM 13:32

Bad ngi wallam ha phi ïa ka khubor babha, kata ka jingkular ba la kular ha ki kpa, kumno ba U Blei u la pyndep noh ïa kata ha ki khun jong ngi, ha kaba u la pynmih pat ïa U Jisu.

Ka Shithi U Paul Sha Ki Nong Rom 10:15

kumno ruh de kin ïoh ïalap lymda la phah ïa ki? kumba la thoh: “A katno ba-itynnad ki long ki kjat ki jong kita kiba wallam ïa ka gospel jong kiei kiei ki babha!”