LOUKAS 7:46 - KA BAIBL

⁴⁶ mem shym la pynsleh ïa ka khlieh jong nga da ka umphniang, hynrei, kane, ka la pynsleh ïa ki kjat jong nga da ka jingsleh:

Khasi CL Bible (BSI)

⁴⁶ Mem shym la ai ka umphniang Olib na ka bynta ka khlieh jong nga, hynrei ka la tap ïa ka khlieh jong nga da ka jingsleh ba-iwbih.

LOUKAS 7:46 ပူးပေါင်းရင်းမြစ်များ

2 SAMUEL 12:20

Ynda kumta, u Dabid u la ïeng na ka khyndew, bad u la sum, bad u la sleh, bad u la pli ïa la ki jaiñ; bad u la wan sha ka ïing U Trai, bad u la mane: hadien kata, u la wan sha la ka jong ka ïing; bad haba u la pan ki la buh kpu ha khmat jong u, u ruh u la bam.

2 SAMUEL 14:2

Bad u Joab u la phah sha Tekoa, bad u la wallam nangta ïa kawei ka briew kaba sian, bad u la ong ha ka, “Nga kyrpad ïa pha, to leh mynleh kaba ïambriew ïa lade, bad to kup da ki jaiñ sngewsih, bad wat sleh ïa lade da ka umphniang, hynrei, to long kum ka briew kaba ïambriew la slem ïa u baïap;

SALM 104:15

bad ïa ka Waiñ kaba pynkmen ïa ka dohnud u briew, bad ka umphniang ïa ka ban pyntyngshaiñ ïa ka khmat jong u, bad ïa u kpu uba pynkhlaiñ ïa ka dohnud u briew.

SALM 23:5

Me siang ka miej ha khmat jong nga ha khmat ki nongshun jong nga: me la sleh ïa ka khlieh jong nga da ka umphniang; ka khuri jong nga ka shlei.

EKLESIASTIS 9:8

To ki jaiñ jong me kin long lieh borabor; bad ka khlieh jong me to kan ym duh jingsleh.

DANIEL 10:3

Ngam shym bam jingbam babang, lymne ym shym la don ka doh lane ka Waiñ ha ka shyntur jong nga, lymne ngam shym sleh ïa lade satia, tad ynda la dap lai taïew.

AMOS 6:6

kiba dih Waiñ na ki khuri heh, bad sleh ïa lade da ki jingsleh babha tam; hynrei, kim sngewsih namar ka jingjynjar u Joseph.

MIKAH 6:15

Phan ïoh bet, hynrei, phan ym ïoh ot noh keiñ: phan ïuh ïa ki soh Olib, hynrei, phan ym ïoh pynsleh ïa lade da ka umphniang; bad ïa ki soh Waiñ, hynrei, phan ym ïoh dih ïa ka Waiñ.

MATHAÏOS 6:17

Hynrei, me, haba me shah jingit, to sleh ïa la ka khlieh, bad bta ïa la ka khmat;

LOUKAS 7:47

naba kumta nga ong ha me, ‘La map ïa ki pop ki babun jong ka: namar ka la ieit shibun: hynrei, uta uba la ïohmap khyndiat, u ieit khyndiat.’ ”

RUTH 3:3

Namar kata to sum, to sleh ruh, bad kup ïa la ki jaiñ, bad leit hiar sha kata ka kyntem: hynrei, wat pynithuh ïa lade ha uta u briew, tad ynda u la lah bam lah dih.