LOUKAS 7:39 - KA BAIBL

³⁹ Te haba uta u Pharisi uba la khot ïa U, u la ïohi, u la kren ha lade, u da ong, “Lada une u long u nongïathuhlypa, un da la ithuh kaei bad kaba kumno kane ka briew kaba ktah ïa u, ba ka long ka bapop.”

Khasi CL Bible (BSI)

³⁹ Haba u Pharisi u la ïohi ïa kane, u la ong ha lade, “Lada une u briew u dei shisha u nongïathuhlypa, un da la tip kaba kumno kane ka briew ka long kaba ktah ïa u; un da la tip ka jait jingim bapop kaba kumno ka la im!”

LOUKAS 7:39 ပူးပေါင်းရင်းမြစ်များ

2 SYIEM 5:20

Hynrei, u Gehasi, u shakri u Elisha uta u briew jong U Blei, u la ong, “Ha khmih; u kynrad jong nga u la pyllait ei ïa une u Naaman u nong Syria, um da shim ei ei na ki kti jong u ïa kata kaba u la wallam: katba im U Trai, ngan beh nadien jong u, bad ngan shim ei ei na u.”

PROBERB 23:7

naba kumba u pyrkhat hapoh lade, kumta u long: “To bam to dih,” u ong ha me; hynrei, ka dohnud jong u kam long bad me.

ISAÏAH 65:5

uba ong, “To ïeng kyrpang, wat wan hajan jong nga, namar nga kham khuid ban ïa me:” kine ki long ka tdem ha ka khmut jong nga, ka ding kaba meh baroh shi sngi.

MATHAÏOS 20:16

Kumta, ki bakhatduh kin long shuwa, bad ki bashuwa kin long khatduh keiñ. Naba ki long shibun ïa kiba la khot, hynrei, khyndiat ba la jied.”

MATHAÏOS 21:11

Kita ki paidbah te ki la ong, “Une u long uta u nongïathuhlypa, U Jisu keiñ, uba na Nasaret ha Galilaïa.”

MARKOS 7:21

naba na shapoh, na ka dohnud ki briew, ki mih noh ki jingmut bymman, kiba klim, kiba ïakai kynthei, kiba pynïap,

LOUKAS 12:17

Te u la puson ha lade, u da ong, ‘Kumno ngan leh? naba ngam don jaka ha kaba ngan lum ïa ki soh jong nga.’

LOUKAS 15:2

Hynrei, ki Pharisi bad ki nongthoh ki la ïakhñium eh, ki da ong, “Pleng une u briew u pdiang sngewbha ïa ki bapop, bad u bam lem bad ki.”

LOUKAS 16:3

Ynda kumta, uta u sordar u la ong ha lade, ‘Kumno ngan leh, naba u kynrad jong nga un sa shim noh ïa ka kam sordar na nga? ban puh khyndew ngam lah, ban leit makia nga sngewlehrain.

LOUKAS 18:4

Te kham slem um mon, hynrei, hadien kata, u la ong ha lade, ‘La ngam sheptieng ruh ïa U Blei, bad la ngam burom ïa u briew,

LOUKAS 3:8

Naba kumta, to sei noh ïa ki soh kiba dei biang ïa ka jingkylla-ka-bamut, bad wat sdang ban ong ha lade, ‘Ngi don u Abraham uba long u kpa jong ngi’; naba nga ong ha phi, ba U Blei u lah na kine ki maw ban pynmih khun ïa u Abraham!

LOUKAS 7:16

Ka jingsheptieng te ka la ngat ha ki baroh; bad ki la ïaroh ïa U Blei, ki da ong, “U nongïathuhlypa u bakhraw u la mih hapdeng jong ngi, bad U Blei u la wan-i ïa la ki briew.”

LOUKAS 7:37

Ha khmih ruh, ka briew ha kata ka shnong, kaba long ka bapop, haba ka la tip ba U shong shaniah ban bam ha ïing uta u Pharisi, ka la wallam ïa ka dabi alabaster ka jingsleh;

LOUKAS 7:38

haba ka la ïeng ruh hajan ki kjat jong U na shadien, ka da ïam, ka la sdang ban sait ïa ki kjat jong U da la ki jingjaw ummat, bad ka la ñiad da u 'ñiuh khlieh jong ka; bad ka la doh ïa ki kjat jong U, bad ka la pynsleh ïa ki da kata ka jingsleh.

LOUKAS 7:40

U Jisu te U da ïathuh U la ong ha u, “Ko Simon, nga don ei ei ban ong ha me.” U te u la ong, “Ko Nonghikai, to ong.”

ÏOANNIS 4:19

Kata ka briew ka ong ha u, “Ko Kynrad, nga sngewthuh ba me long u nongïathuhlypa:

ÏOANNIS 7:12

Te la don shibun ka jingïakren pasiaw shaphang jong u hapdeng ki paidbah. Don kiba la ïa-ong, “U long u babha”: kiwei pat de ki la ïa-ong, “Em, hynrei, u shukor ïa u paidbah.”

ÏOANNIS 9:24

Kumta, ki la ïakhot sa shi sien ïa uta u briew uba la ju long matlah, bad ki la ïa-ong ha u, “To ai burom ha U Blei; ngi, ngi tip ba uta u briew u long u bapop.”