LOUKAS 7:29 - KA BAIBL

²⁹ Te uta u paidlang baroh haba u la ïohsngew, bad ki nongkhrong ruh, ki la pynksan ïa U Blei, haba la pynbaptis ïa ki da ka jingbaptis u Ïoannis.

Khasi CL Bible (BSI)

²⁹ Baroh ki briew ki la ïohsngew ïa u; ma ki bad khamtam ki nonglum khajna ki long kita kiba la kohnguh ïa ka jingdawa bahok jong U Blei bad kiba la shah pynbaptis ha u Ïoannis.

LOUKAS 7:29 ပူးပေါင်းရင်းမြစ်များ

SALM 51:4

Ïa me, ïa me hi, nga la leh pop, bad nga la leh ïa kata ka basniew ha khmat jong me: ba yn lah pynksan ïa me haba me kren, bad ba men long khuid haba me bishar.

MATHAÏOS 5:46

Naba, lada phi shu ieit ïa kiba ieit ïa phi, phi ïohnong aïu? Hato ki nongkhrong kim leh kumjuh?

LOUKAS 20:6

Te lada ngin ong, ‘Na ki briew’, u paidlang baroh un lynthem maw ïa ngi, naba u long uba ngeit skhem ba u Ïoannis u la long u nongïathuhlypa.”

LOUKAS 3:12

Ki nongkhrong ruh de ki la wan ba yn pynbaptis ïa ki, bad ki la ong ha u, “Ko Nonghikai, aïu ngi dei ban leh?”

LOUKAS 7:28

“Naba nga ong ha phi, ‘Na kiba la kha na ki kynthei, ym don u nongïathuhlypa uba kham khraw ban ïa u Ïoannis u Nongpynbaptis: pynban, uba kham rit ha ka hima U Blei, u long uba kham khraw ïa u.’ ”

LOUKAS 7:35

Hynrei, ka jingstad ka la ksan na ki khun jong ka baroh.”

KI KAM 18:25

Ïa une, la hikai ha ka lynti U Trai; bad namar ba u long uba shitrhem ha ka mynsiem, u la kren bad u la hikai biang biang ïa kiei kiei ruh shaphang U Jisu, u da sngewthuh tang ïa ka jingbaptis u Ïoannis.

KI KAM 19:3

Ynda kumta, u la kylli ïa ki, “Ha kaei te la pynbaptis ïa phi?” Ki te ki la ïathuh, “Ha ka jingbaptis u Ïoannis.”

Ka Shithi U Paul Sha Ki Nong Rom 10:3

Namar haba ki long ki bymtip ïa ka hok U Blei, bad haba ki pyrshang ban pynneh ïa ka hok la ka jong hi, kim shym la pynkohnguh ïa lade ha kata ka hok U Blei.

JINGPYNPAW 15:3

Bad ki ïarwai ïa ka jingrwai u Moses u shakri jong U Blei, bad ïa ka jingrwai jong uta U Khun langbrot, ki da ong, “Kiba khraw bad ba-iphylla long kita ki jingleh jong me, A U Trai uba U Blei Badonbor Baroh! ki bahok bad bashisha kita ki lynti jong me, U Syiem jong kita ki rta!

JINGPYNPAW 16:5

Bad nga la ïohsngew ïa uta u angel kita ki um ba u ong, “Me long u bahok, uba long bad uba la long, me U Bakhuid, naba me la kut bishar kumne:

NONGBISHAR 1:7

U Adoni-besek te u la ong, “Hynñiewphew ki syiem, ba la ot noh ïa ki 'ti kmie bad ïa ki 'jat kmie jong ki, ki la ju khar ïa la ka jingbam hapoh ka miej jong nga: kumba nga la leh, kumta U Blei u la leh kylliang ïa nga.” Te ki la wallam ïa u sha Jerusalem, bad hangta u la ïap.