LOUKAS 7:25 - KA BAIBL

²⁵ Hynrei, phi la leit ban ïoh khmih aïu? Ïa u briew uba la kup ki jaiñkup bani? Ha khmih, kita kiba kup da ka jaiñkup thaba babun rong, bad kiba shongsuk ruh, ki don ha ki ïingsyiem.

Khasi CL Bible (BSI)

²⁵ Ïa kaei phi la leit ban peit? Hato ïa u briew uba phong ki jaiñ kiba itynnat? Ïa ki briew kiba riam kumta bad kiba shong ha ka jingdap kyrhai la shem ha ki ïingsyiem!

LOUKAS 7:25 ပူးပေါင်းရင်းမြစ်များ

2 SAMUEL 19:35

Ha kane ka sngi nga la phraphew snem ka rta: hato nga lah ban pynpher ïa ka babha bad ka basniew? Hato u shakri jong me u lah ban mad ïa kaba nga bam lane ïa kaba nga dih? Nga dang lah shuh mo ban ïohsngew ïa ka jingsawa ki nongrwai shynrang bad kynthei? Namar kata, u shakri jong me un lei un long pat ka jingkit ha u syiem kynrad jong nga?

1 SYIEM 10:5

bad ka jingbam ka miej jong u, bad kaba shong ki shakri jong u, bad kaba ïeng ki myntri jong u, bad ki jaiñkup jaiñsem jong ki, bad ki rangbah khuri jong u, bad ïa ka lynti jong u da kaba u leit kiew sha ïing U Trai; kam shym tipbriew ei ei shuh.

2 SYIEM 1:8

Ki te ki la ïathuh ha u, “U la long u briew uba mih 'ñiuh sameb bad uba panpoh da ka jingpanpoh snieh ha ka syngkai.” U la ong te, “U dei u Elijah u nong Tishbi.”

ESTHER 1:11

ban wallam ïa ka Phasti syiem ha khmat u syiem da kaba phong ïa ka pansngiat syiem, ban pyni ha kita ki briew bad ki rangbah ïa ka jingitynnad jong ka, naba ka la long kaba ibhabriew ban khmih ïa ka.

ESTHER 1:3

ha ka balai snem ka jingsynshar jong u, u la thaw ka jingkhawai ïa ki rangbah bad ki shakri jong u baroh; ka bor ka ri Persha bad Media, ki bakhraw batri bad ki rangbah jong ki shnat, ki ïadon ha khmat jong u:

ESTHER 4:2

bad u la wan wad ha khmat ka khyrdop u syiem: namar ym ju don uba kup jaiñ khain uba lah ban rung hapoh ka khyrdop u syiem.

ESTHER 5:1

Te ha ka sngi ka balai, ka Esther ka la phong ïa la ki jaiñ syiem, bad ka la ïeng ha ka phyllaw ba kham shapoh ka ïing u syiem, kaba marpyrshah ïa ka ïing u syiem: bad u syiem u la shong halor ka khet jong u ha ka ïingsyiem, marpyrshah ka jingkhang jong kata ka ïing.

ESTHER 8:15

Bad u Mordekai u la mih noh na khmat u syiem ha ka jaiñkup syiem ka babyrïong bad balieh, bad da ka pansngiat ksiar bakhraw, bad da ka barandi jaiñ linen bani bad basaw bthuh: bad ka nongbah Shushan ka la risa bad ka la kmen.

ISAÏAH 59:17

Bad U la phong ïa ka hok kum ka jingda shadem, bad ka jingda khlieh ka jingpynim halor ka khlieh jong U; bad U la kup jaiñ da ki jaiñkup ka jingpynhiar kput, bad U la phong barandi da ka jingsngewshitrhem.

MATHAÏOS 11:8

Hynrei, phi la leit ban ïohi aïu? ïa u briew ba la kup ki jaiñ bani? ha khmih, kita kiba kup ki jaiñ bani ki long ha ki ïingsyiem.

MATHAÏOS 3:4

Te uta u Ïoannis u la don ka jaiñkup jong u na u shñiuh ut, bad ka panpoh snieh ha ka syngkai jong u; ka jingbam jong u ruh ka la long da ki puit bad ka ngap khlaw.

MATHAÏOS 6:29

hynrei, nga ong ha phi, ba wat u Solomon ha ka burom jong u baroh um shym la kup kum uwei na kine.

LOUKAS 16:19

“Te la don uwei u briew u bariewspah, bad u la ju kup da ka jaiñ saw bthuh bad ka jaiñ linen bani, u da leh pahuh eh ruh ha la ka sngi.

LOUKAS 7:24

Te haba kita ki nonglam-ktien u Ïoannis ki la ïaleit noh, U la sdang ban ong ha kita ki paidbah shaphang u Ïoannis: “Phi la leit sha ka ri khlaw ban jngoh aïu? ïa u khah ba la pynkhih da ka lyer?

LOUKAS 7:26

Hynrei, phi la leit ban ïoh khmih aïu? ïa u nongïathuhlypa? Shisha, nga ong ha phi, bad ïa uba kham khraw ïa u nongïathuhlypa.