LOUKAS 7:16 - KA BAIBL

¹⁶ Ka jingsheptieng te ka la ngat ha ki baroh; bad ki la ïaroh ïa U Blei, ki da ong, “U nongïathuhlypa u bakhraw u la mih hapdeng jong ngi, bad U Blei u la wan-i ïa la ki briew.”

Khasi CL Bible (BSI)

¹⁶ La pyndap ïa ki baroh da ka jingsheptieng bad ki la ïaroh ïa U Blei. “U nongïathuhlypa uba khraw u la mihpaw hapdeng jong ngi!” ki la ong; “U Blei u la wan ban pynim ïa ki briew jong u!”

LOUKAS 7:16 ပူးပေါင်းရင်းမြစ်များ

SALM 65:9

Me wan khmih ïa ka khyndew, bad me ai um ïa ka, me pynsboh shibun ïa ka; ka wah U Blei ka shlei da ka um: me pynmih Kew ïa ki, haba me la khreh kumta ïa ka khyndew.

EKSODOS 4:31

Bad uta u paidbah u la ngeit: te mynba ki la ïohsngew ba U Trai u la wan-i ïa ki khun Israel, bad ba u la khmih ruh de ïa ka jingshitom jong ki, ynda kumta, ki la dem ïa la ki khlieh bad ki la ïamane ruh.

JEREMAÏAH 33:9

Bad kane ka nongbah kan long ha nga ka kyrteng ka jingkmen, ka jingïaroh bad ka burom, ha khmat ki jaid bynriew ka pyrthei baroh, ki ban ïohsngew ïa ka jingbha baroh kaba nga leh ha ki, kin sheptieng ruh bad kin khynñiuh namar ka jingbha bad ka jingsuk baroh kiba nga pynïoh ïa ka.’

MATHAÏOS 15:31

Katba kita ki paidbah ki la sngewphylla, haba ki la ïohi ïa ki bymnangkren ba ki da kren, ïa ki bakynriang ba ki la khiah, ïa ki ba-dkoh ba ki da ïaid, ïa ki bamatlah ruh ba ki da ïohi, ki la ïaroh ruh ïa U Blei ki Israel.

MATHAÏOS 21:11

Kita ki paidbah te ki la ong, “Une u long uta u nongïathuhlypa, U Jisu keiñ, uba na Nasaret ha Galilaïa.”

MATHAÏOS 28:8

Kumta, haba ki la leit noh kloi na kata ka jingtep, da kaba sheptieng bad da ka jingkmen bakhraw, ki la ïaphet noh ban ïathuh ha ki synran jong u.

MATHAÏOS 9:8

Ki paidbah te haba ki la ïohi ïa kata, ki la ïakyndit, bad ki la ïaroh ïa U Blei, uba la ai bor kum kata ha ki briew.

LOUKAS 1:65

Te ka jingsheptieng ka la ngat ha baroh kiba shong sawdong ïa ki: bad ïa kine kiei kiei baroh la pynbna kylleng ka ri lum jong ka Judia baroh.

LOUKAS 1:68

“Long ba la kyrkhu ïa U Trai uba U Blei jong u Israel; naba U la wan khmih, bad U la pynlong ka jingsiewspah ïa la ki briew;

LOUKAS 19:44

bad kin ïa-pynkyllon ïa pha bad ïa ki khun jong pha hapoh jong pha, bad kin ym ïa-iehnoh ha pha ïa u maw halor u maw; naba pham shym la ithuh ïa ka aïom ka jingwan jngoh ïa pha.”

LOUKAS 2:20

Kita ki nongaplangbrot te ki la leit wan noh, da kaba burom bad da kaba ïaroh ïa U Blei namar kiei kiei baroh ïa kiba ki la lah ïohsngew, bad ba ki la lah ïohi, kumba la ïathuh ha ki.

LOUKAS 24:19

U la ong te ha ki, “Ïa kiba kumno?” Ki la ïathuh te ha U, “Ïa kiei kiei shaphang U Jisu uba na Nasaret, uba la long U Nongïathuhlypa, u bakhrawbor ha ka jingleh bad ha ka ktien ha khmat U Blei bad u paidlang baroh;

LOUKAS 5:26

Ka jingkyndit te ka la ngat ha ki baroh, bad ki la ïaroh ïa U Blei; la pyndap de ïa ki da kaba sheptieng, ki da ong, “Ngi la ïohi ïa kiei kiei ki baphylla ha kane ka sngi.”

LOUKAS 5:8

Te u Simon Petros haba u la ïohi ïa kane, u la dem khrup ha ki khohsiew U Jisu, u da ong, “To khie leit noh na nga; naba nga long u briew u bapop, A Trai.”

LOUKAS 7:15

Te uta uba la ïap u la khie shong, bad u la sdang ban kren: U te U la ai noh ïa u ha ka kmie jong u.

LOUKAS 7:39

Te haba uta u Pharisi uba la khot ïa U, u la ïohi, u la kren ha lade, u da ong, “Lada une u long u nongïathuhlypa, un da la ithuh kaei bad kaba kumno kane ka briew kaba ktah ïa u, ba ka long ka bapop.”

LOUKAS 8:37

Ynda kumta, u paidbah baroh kylleng sawdong ka ri jong ki nong Gadara, ki la ïakyrpad ïa U ban leit noh na ki; naba la ngat ha ki ka jingsheptieng bakhraw. Te U la kiew sha ka lieng bad U la leit phai pat.

LOUKAS 9:19

Ki da ïathuh te ki la ong, “ ‘U Ïoannis u Nongpynbaptis’; hynrei kiwei pat, ‘u Elias’; bad kiwei pat, ba u nongïathuhlypa uba na ki barim u la mihpat.”

ÏOANNIS 1:21

Te ki la ïakylli ïa u, “Kumno te? me long u Elias?” U ong te, “Ngam long.” “Me long uta u nongïathuhlypa?” U la ïathuh ruh, “Em.”

ÏOANNIS 1:25

Te ki la ïakylli ïa u, bad ki la ïa-ong ha u, “Hato balei ba me pynbaptis, haba me mem long uta U Khrist, lymne u Elias, lymne uta u nongïathuhlypa?”

ÏOANNIS 4:19

Kata ka briew ka ong ha u, “Ko Kynrad, nga sngewthuh ba me long u nongïathuhlypa:

ÏOANNIS 6:14

Ynda kita ki briew ki la ïohi ïa kata ka kambah ïa kaba U Jisu u la leh, ki la ïa-ong, “Une u long shisha uta u nongïathuhlypa u ban sa wan ha ka pyrthei.”

ÏOANNIS 9:17

Ki la ïakylli pat ïa uta u bamatlah, “Ma me, kumno me ong shaphang jong U, namar ba U la pynpeit ïa ki khmat jong me?” Te u la ïathuh, “U long u nongïathuhlypa.”

KI KAM 5:5

Te haba u Ananias u la ïohsngew ïa kine ki ktien, u la kyllon khram, bad u la dkut mynsiem. Ka jingsheptieng bakhraw te ka la hap ha kita baroh kiba la ïohsngew ïa kata.

KI KAM 7:37

Une, u long uta u Moses, uba la ong ha ki khun Israel, ‘U Blei un pynmih ïa u nongïathuhlypa ha phi napdeng ki para jong phi, uba kum ma nga.’

GALATIA 1:24

Bad ki la ïa-pyndonburom ïa U Blei ha nga.

DEUTERONOMI 18:15

“U Trai uba U Blei jong me un pynmih ha me ïa u nongïathuhlypa napdeng jong me, na ki para jong me, uba kum ma nga: ïa u phin shahshkor;