LOUKAS 7:14 - KA BAIBL

¹⁴ Te U la wan hajan bad U la ktah ïa ka krong, kita kiba ïabah te ki la ïeng. Bad U la ong, “Ko samla, nga ong ha me, To ïeng.”

Khasi CL Bible (BSI)

¹⁴ Nangta u la ïaid sha khmat bad u la ktah ïa ka krong, bad ki briew kiba bah ïa ka ki la sangeh. U Jisu u la ong, “Ko samla! To khie joit, nga ong ïa me!”

LOUKAS 7:14 ပူးပေါင်းရင်းမြစ်များ

1 SYIEM 17:21

Bad u la dem ïa lade halor uta u khynnah lai sien, bad u la kyrpad jam ha U Trai, bad u la ong, “Nga kyrpad ïa me, A Trai U Blei jong nga, to shah ba ka mynsiem une u khynnah kan wan pat ha u.”

1 SYIEM 17:22

Bad U Trai u la shahshkor ïa ka ktien u Elijah; bad ka mynsiem uta u khynnah ka la wan pat ha u, bad u la im pat.

Ka Kitab U Job 14:12

kumta, u briew u thiah bad um khie shuh: haduh ba ym don shuh ki bneng, kin ym kyndit thiah, lymne yn ym kyrsiew ïa ki na la kaba ïohthiah.

Ka Kitab U Job 14:14

Lada ïap u briew, un im pat ne em? Baroh kita ki sngi ka por ba la buh jong nga ngan da ap, haduh ban wan kata ka jingpyllait jong nga.

SALM 33:9

Naba u la kren, te ka la long; u la hukum, te ka la neh skhem.

ISAÏAH 26:19

Kiba ïap jong me kin im; ki metïap jong nga kin mih. To peit bad to rwai, phi kiba shong ha ka 'dewmet: namar ka umjer jong me ka long kum ka umjer ki jhur, bad ka khyndew kan bred noh ïa ki baïap.

MARKOS 5:41

Te haba U la bat na ka kti ïa kata ka khynnah, U ong ha ka, “Talitha kumi;” kaba, haba la batai, ka long, “Ko khynnah, nga ong ha pha, to ïeng”.

LOUKAS 7:13

Haba U Trai te U la ïohi ïa ka, U la sngewsynei ïa ka, bad U la ong ha ka, “To wat ïam.”

LOUKAS 7:15

Te uta uba la ïap u la khie shong, bad u la sdang ban kren: U te U la ai noh ïa u ha ka kmie jong u.

LOUKAS 7:17

Te kane ka jingbna shaphang jong U ka la phriang noh kylleng ka Judia baroh, bad kylleng kata ka ri kaba baroh sawdong.

ÏOANNIS 11:25

U Jisu u la ong ha ka, “Nga long kata ka jingmihpat bad kata ka jingim: uta uba ngeit ha nga, la u la ïap, un ïoh im:

ÏOANNIS 5:21

Namar kumba uta U Kpa u pynmih ïa ki baïap bad u pynim ïa ki, kumta ruh U Khun u pynim ïa kiba u mon.

ÏOANNIS 5:25

“Shisha, shisha nga ong ha phi, ba ka por ka jia, bad ka long mynta keiñ, haba ki baïap kin ïohsngew ïa ka jingpyrta ka jong U Khun U Blei: te kita kiba ïohsngew, kin ïoh im.

Ka Shithi U Paul Sha Ki Nong Rom 4:17

(kat kumba la thoh: “Nga la pynlong ïa me u kpa kiba bun ki jaid bynriew,”) ha khmat uta U Blei ha uba u la ngeit, uba pynim ïa kiba la ïap, bad uba khot ïa kita kiei kiei ruh ki bymlong, kumba ki da long.

EPHESOS 5:12

Namar ka long kaba lehrain wat ban ïathuh ïa kita kiei kiei ïa kiba ki leh ha kaba rieh.