LOUKAS 6:48 - KA BAIBL

⁴⁸ U long kum u briew uba tei ïa ka ïing, uba la tih bad uba la ngam jylliew, bad uba la seng nongrim halor u mawsiang; te haba la jia ka jingshlei, ka um ka la shoh kyrthep ïa kata ka ïing, hynrei, kam lah shuh ban pynkhih ïa ka; naba la pynshong nongrim ïa ka halor u mawsiang.

Khasi CL Bible (BSI)

⁴⁸ U long kum u briew uba, ha kaba tei ïa la ka ïing, u la tih jylliew bad u la pynshong nongrim halor u mawsiang. Ka wah ka la shlei bad ka la lynshop ïa kata ka ïing hynrei kam lah ban pynkhih ïa ka, namar la shna bha ïa ka.

LOUKAS 6:48 ပူးပေါင်းရင်းမြစ်များ

2 SAMUEL 22:2

bad u la ong, “U Trai u long u mawsiang jong nga, bad ka kut jong nga, bad u nongpynim jong nga, u jong nga keiñ;

2 SAMUEL 22:32

“Naba uei uba long U Blei, hynrei, tang U Trai? bad uei uba long u mawsiang, hynrei, tang U Blei jong ngi?

2 SAMUEL 22:47

“U Trai u im; bad to long ba la kyrkhu ïa u mawsiang jong nga; bad to ai ba yn pynkyntiew ïa U Blei u mawsiang ka jingpynim jong nga:

2 SAMUEL 22:5

“Naba ki jingat phyllung ka jingïap ki la ker tawiar ïa nga, ki jingshlei ka jingbymman ki la pynsheptieng ïa nga.

2 SAMUEL 23:3

U Blei u Israel u la ong, U Mawsiang u Israel u la kren ha nga: ‘Uta uba synshar ïa ki briew da ka hok, uba synshar ha ka jingsheptieng ïa U Blei,

SALM 32:6

Namar kane, to ai ba uwei uwei baroh uba riewblei un duwai ha me ha ka Ïa ba lah ban shem ïa me: shisha, haba ki um bakhraw ki ïashlei kin ym ïoh kot sha u.

SALM 62:2

Tang ma u uba long u mawsiang jong nga bad ka jingpynim jong nga: u long ka kut bajrong jong nga; yn ym pynkhih eh ïa nga.

SALM 95:1

Ale, to ngin ïarwai ïa U Trai: to ngin ïakynud sngewtynnad ïa u mawsiang ka jingpynim jong ngi.

PROBERB 10:25

Haba ka lyer langthari ka ïaid, u bymman um don shuh: hynrei, u bahok u long ka nongrim kaba junom.

ISAÏAH 26:4

To shaniah ha U Trai junom: namar ha U Trai Jehobah don u mawsiang bymjukut.

ISAÏAH 28:16

namar kata, kumne u ong U Trai U Blei, “Ha khmih, nga buh nongrim ha Seïon, ïa u maw, u maw ba la tynjuh, u mawdong bakordor jong ka nongrim baskhem: ‘Uta uba ngeit un ym pynkyrkieh.’

ISAÏAH 59:19

Kumta kin sa sheptieng ïa ka kyrteng U Trai na sepngi, bad ka burom jong U na kaba mih ka sngi: naba un wan kum ka um kyrthep, kaba la beh da ka jingpyrsad U Trai.

NAHUM 1:8

Hynrei, da ka jingshlei kaba tyllep un pynkut noh khoit ïa ka jaka jong ka, bad un beh noh ïa la ki nongshun sha ka jingdum.

LOUKAS 6:47

Uei uei baroh uba wan ha nga, bad uba ïohsngew ïa ki ktien jong nga, bad uba leh ruh ïa ki, ngan pyni ha phi ïano u syriem.

LOUKAS 6:49

Hynrei, uta uba ïohsngew, bad u bymleh, u long kum u briew uba la tei ïa ka ïing halor ka khyndew, khlem nongrim; ïa kaba ka um ka la shoh kyrthep, bad kumne kumne ruh ka la kyllon; te ka jingjot ka jong kata ka ïing ka la long kaba khraw.”

ÏOANNIS 16:33

Nga la kren ïa kine kiei kiei ruh ha phi, ba phin ïoh ka jingsuk ha nga; ha kata ka pyrthei phin ïoh ka jynjar, hynrei, to long shlur phi! nga, nga la jop ïa kata ka pyrthei.”

KI KAM 14:22

ki da pynskhem ïa ki mynsiem jong ki synran, da kaba sneng ïa ki ban ïaineh ha kata ka jingngeit, bad ba ka dei ïa ngi ban bsut shapoh ka hima U Blei lyngba shibun ki jynjar.

EPHESOS 2:20

ba la tei ïa phi halor ka nongrim ki apostol bad ki nongïathuhlypa, U Jisu Khrist hi u da long u mawdong ba ha khlieh;

DEUTERONOMI 32:15

“Hynrei, u Jeshurun u la man sngaid, bad u la kynjat: me la man sngaid, me la dap, me la khleiñ ruh: ynda kumta, u la kyntait noh ïa U Blei uba la thaw ïa u, bad u la ñiewbeiñ ïa U Mawsiang ka jingpynim jong u.

DEUTERONOMI 32:18

Ïa U Mawsiang uba la pynkha ïa me mem kynmaw shuh, bad me la klet noh ïa U Blei ba la pynlong dur ïa me.

DEUTERONOMI 32:31

Namar u mawsiang jong ki um long kum U Mawsiang jong ngi; wat ki nongshun jong ngi hi ki long kiba bishar.

2 TIMOTHI 2:19

Hynrei, kata ka nongrim baskhem jong U Blei ka ïaineh, kaba don kane ka shab: “U Trai u ithuh ïa kita kiba long ki jong u”: bad, “To uwei pa uwei baroh uba khot kyrteng ïa ka kyrteng U Khrist, un kyndiah noh na ka jingbymhok.”

2 PETROS 1:10

Naba kumta, ko parabangeit, to phin kham ïaleh minot ban pynlong skhem ïa kata ka jingkhot bad ïa ka jingjied ïa phi; namar haba phi ïai-leh ïa kine kiei kiei ruh, phin ym jynthut lano lano ruh:

1 ÏOANNIS 2:28

Te mynta, ko ki khun hep, to ïaisah ha u; khnang ba lada yn pynpaw ïa u, ngin ïoh ka jingsngewshlur, bad ba ngin ym lehrain ha khmat jong u ha kata ka jingwan jong u.

JUDAH 1:24

Te ha uta uba lah ban ri kyndong ïa phi ba khlem jynthut, bad ban pynïeng ïa phi ba khlem pop ha khmat ka burom jong u ha ka jingkmen bakhraw eh,

1 SAMUEL 2:2

“Ym don u bakhuid kat U Trai; naba nalor jong me ym don shuh mano mano; lymne ym don u mawsiang kum U Blei jong ngi.