LOUKAS 6:47 - KA BAIBL

⁴⁷ Uei uei baroh uba wan ha nga, bad uba ïohsngew ïa ki ktien jong nga, bad uba leh ruh ïa ki, ngan pyni ha phi ïano u syriem.

Khasi CL Bible (BSI)

⁴⁷ Uno uno uba wan sha nga bad uba shahshkor ïa ki ktien jong nga bad uba kohnguh ïa ki — ngan pyn-i ha phi u ïasyriem ïano.

LOUKAS 6:47 ပူးပေါင်းရင်းမြစ်များ

ISAÏAH 55:3

Pyndem la ka shkor, to wan ruh ha nga; to sngew, te ka mynsiem jong phi kan sa im: bad ngan pynlong bad phi ka jutang bymjukut, ki jingisynei baskhem jong u Dabid keiñ.

MATHAÏOS 12:50

Naba uno uno ruh u ban leh ïa ka mon U Kpa jong nga uba ha bneng, uta keiñ u long u para jong nga bad ka para bad ka kmie de.”

MATHAÏOS 17:5

Haba u dang kren, ha khmih, u lyoh batyngshaiñ u la kah ïa ki: ha khmih ruh, ka ktien na uta u lyoh ka la ong, “Une u long U Khun jong nga uba ieit, ha uba nga sngewbha: phin sngew ïa u.”

LOUKAS 11:28

Hynrei u te u la ong, “Kham suk shisha kita kiba ïohsngew ïa ka ktien ka jong U Blei, bad kiba sumar ruh ïa ka.”

LOUKAS 14:26

“Lada uno uno ruh u wan ha nga, bad u bym isih ïa la u kpa bad ïa la ka kmie, bad ïa la ka tnga bad ïa la ki khun, bad ïa la ki hynmen hynbew ruh shynrang bad kynthei, ho-oid bad ïa la ka jong ka jingim ruh, um lah ban long u synran jong nga.

LOUKAS 6:48

U long kum u briew uba tei ïa ka ïing, uba la tih bad uba la ngam jylliew, bad uba la seng nongrim halor u mawsiang; te haba la jia ka jingshlei, ka um ka la shoh kyrthep ïa kata ka ïing, hynrei, kam lah shuh ban pynkhih ïa ka; naba la pynshong nongrim ïa ka halor u mawsiang.

LOUKAS 8:13

Kita te kiba halor u mawsiang, ki long kita kiba ynda ki la ïohsngew, ki pdiang ïa kata ka ktien da kaba kmen; bad kine kim don thied, kiba shu ngeit shi por, bad ha ka por ka jingtynjuh, ki phai dien noh.

LOUKAS 8:8

Uwei pat te, u la hap ha ka khyndew ka babha, bad u la mih, bad u la sei soh shispah shah.” Haba U la ong ïa kine kiei kiei ruh, U la pyrta, “Uba don ki shkor ban sngew, to ai ba un sngew.”

ÏOANNIS 10:27

Kita ki langbrot jong nga ki sngap ïa ka ktien jong nga; ma nga te nga ithuh ïa ki, bad ki ïabud ïa nga;

ÏOANNIS 13:17

Lada phi tip ïa kine kiei kiei ruh, suk ma phi lada phi leh ïa ki.

ÏOANNIS 14:15

“Lada phi ieit ïa nga, to sumar ïa ki hukum jong nga.

ÏOANNIS 5:40

Pynban, phim mon ban wan ha nga, ba phin ïoh ka jingim.

ÏOANNIS 6:35

Te U Jisu u la ïathuh ha ki, “Nga, nga long uta u kpu jong ka jingim; jar uba wan ha nga, un ym thngan, bad jar uba ngeit ha nga, un ym sliang lano lano ruh.

ÏOANNIS 6:37

Baroh ba uta U Kpa u ai ha nga, kin wan ha nga: uta te uba wan ha nga, da lei lei ngan ym kyntait noh shabar.

ÏOANNIS 8:52

Namar kata, ki Jiw ki la ïa-ong ha u, “Mynta ngi ïatip ba me don u ksuid. U Abraham u la ïap noh, bad ki nongïathuhlypa ruh; me pynban me ong, ‘Lada uno uno ruh un sumar ïa ka ktien jong nga, un ym mad ïa ka jingïap lano lano ruh!’

HEBRU 5:9

bad haba la pynbit janai ïa u, u la jia long u nongpynlong ka jingpynim bymjukut ïa kita baroh kiba kohnguh ïa u;

JAKOB 4:17

Namar kata, ha uba tip ban leh ïa ka babha, bad u bymleh, ha uta keiñ ka long ka pop.

1 PETROS 2:4

Ha uba haba phi ïawan, kum ha u maw ba-im, ïa uba la kyntait noh shisha da ki briew, hynrei, ïa uba la jied da U Blei, bad u bakordor,

2 PETROS 1:10

Naba kumta, ko parabangeit, to phin kham ïaleh minot ban pynlong skhem ïa kata ka jingkhot bad ïa ka jingjied ïa phi; namar haba phi ïai-leh ïa kine kiei kiei ruh, phin ym jynthut lano lano ruh:

1 ÏOANNIS 2:29

Lada phi tip ba u long u bahok, phi tip ba uwei pa uwei baroh uba ïai-leh ïa ka hok, la kha ïa u na u.

1 ÏOANNIS 3:7

Ko khun hep, wat ai ïano ïano ruh ba un ïalam bakla ïa phi; jar uba ïai-leh ïa ka hok u long u bahok, kat kumba ma u, u long u bahok.

JINGPYNPAW 22:14

Suk kita kiba la sait ïa la ki jaiñkup, ba kin ïoh ka hok ban wan sha uta u dieng ka jingim, bad kin ïoh leit bsut da kita ki khyrdop sha kata ka nongbah.