LOUKAS 6:45 - KA BAIBL

⁴⁵ U briew u babha u sei ïa ka babha na ka jingkynshew ka babha ka dohnud jong u: u briew uba bymman ruh u sei ïa ka bymman na ka jingkynshew kaba bymman ka dohnud jong u; naba na ka jingshlei ka dohnud, ka shyntur jong u ka kren.

Khasi CL Bible (BSI)

⁴⁵ U briew uba bha u wallam ïa kaba bha na ka jingkynshew jong kiei kiei kiba bha kiba ha ka dohnud jong u; u briew uba sniew u wallam ïa kaba sniew na ka jingkynshew jong kiei kiei kiba sniew. Naba ka shyntur ka kren ïa kaei kaba dap ha ka dohnud.

LOUKAS 6:45 ပူးပေါင်းရင်းမြစ်များ

SALM 140:5

Kiba sarong ki la buhrieh ïa ka jingriam ïa nga, bad ïa u syrwiah; ki la siang ïa ka jar harud lynti; ki la buh ki jingriam ïa nga. Selah.

SALM 59:12

Namar ka pop ka shyntur jong ki, bad ki ktien ki rmiang shyntur jong ki, to ai ban pynngat ïa ki ha la ka jingsarong, bad namar kata kaba tim bad kaba lamler kaba ki kren.

SALM 59:7

Ha khmih, ki jynruh da la ka shyntur; ki waitlam ki don ha ki rmiang shyntur jong ki: “Naba,” ki ong, “uei u ban ïohsngew?”

PROBERB 12:18

Don kiba kren thurmur kum ki jingdung ka wait: hynrei, u thylliej jong u bastad u long ka jingkhiah.

PROBERB 15:23

U briew u ïoh ka jingkmen ha ka jubab ka shyntur jong u: bad ka ktien ha ka por kaba bit, katno ka babha ka long!

PROBERB 4:23

To ri khop ïa la ka dohnud da kaba sumar eh; naba na ka ki wan ki jingmih ka jingim.

ÏOANNIS 7:38

jar u bangeit ha nga, kumba la ong Ka Jingthoh, ‘Ki wah um ba-im kin ïatuid noh na ka dohnud jong u.’ ”

KI KAM 5:3

Hynrei, u Petros u la ong, “Ko Ananias, hato balei ba u Soitan u la pyndap ïa ka dohnud jong me, ïa ka ban shukor ïa U Mynsiem Bakhuid, bad ban buhrieh noh shi bynta na ka dor kata ka bri?

EPHESOS 3:8

Ha nga keiñ, uba kham rit ban ïa u barit tam na ki riewkhuid baroh, la ai ïa kane ka jingaiei, ïa ka ban ïalap ha ki Jentil ïa ka jingkynrei spah bym lah tip shuh ka jong U Khrist;

EPHESOS 4:29

Wat ai ba kano kano ka ktien sih kan mih na ka shyntur jong phi, hynrei, tang kata kaba bit ïa ka ban tei ïa kaba donkam, ba kan ai ka jingaiei ïa kita kiba ïohsngew.

EPHESOS 5:19

da kaba ïakren paralok ha ki salm bad ha ki jingrwai bad ha ki jingrwai bakynja mynsiem, da kaba rwai bad kaba kynud da ka dohnud jong phi ha U Trai;

KOLOSSAI 3:16

Ai ba ka ktien U Khrist kan shong kyrhai hapoh jong phi ha ka jingstad baroh; da kaba hikai bad da kaba ïasneng paralok ha ki salm, ha ki jingrwai bad ha ki jingkynud bakynja mynsiem, da kaba rwai da ka jingaiei ha ki dohnud jong phi sha U Blei.

KOLOSSAI 4:6

Ai ba ka jingkren jong phi ha la ka sngi kan long da kaba jali ja-um, ba la pynthiang da ka mluh, ba phin ïoh tip kumno phi dei ban ïa-pynphai ktien ha uwei pa uwei baroh.

HEBRU 8:10

“Naba kane ka long kata ka jutang ïa kaba ngan pynlong bad ka ïing Israel hadien kita ki sngi,” ong U Trai: “Ngan buh ïa ki hukum jong nga ha ka jingmut jong ki, bad ha ki dohnud jong ki ngan thoh ïa ki; bad ngan long U Blei jong ki, bad ki, kin long u paidlang jong nga;

JUDAH 1:15

ban leh ïa ka jingbishar halor baroh, bad ban pynrem noh ïa kita baroh ki bymriewblei shaphang kita ki jingleh baroh ka jingbymriewblei jong ki, ïa kiba ki la leh bymriewblei, bad shaphang kita ki ktien barunar eh ïa kiba ki la kren ki nongpop bymriewblei pyrshah ïa u.”