LOUKAS 6:43 - KA BAIBL

⁴³ “Namar ym ju don u dieng babha uba sei ki soh bymman; lymne u dieng bymman uba sei ki soh babha.

Khasi CL Bible (BSI)

⁴³ “U dieng uba plung um pynmih u soh uba sniew, lymne u dieng uba swai ïa u soh uba bha.

LOUKAS 6:43 ပူးပေါင်းရင်းမြစ်များ

ISAÏAH 5:4

Lah ban leh sa aïu pat ïa ka brisoh jong nga, kaba ngam shym leh ha ka? Balei, haba nga la khmih lynti ba kan sei da ki soh Waiñ, te ka la sei da ki soh Waiñ khlaw?

ISAÏAH 61:3

ban buh ha ki basngewsih ha Seïon, ban ai ha ki kaba sien syntiew ha ka jaka ki dpei, ka umphniang ka jingkmen ha ka jaka ka jingsngewsih, ka jaiñkup ka jingïaroh ha ka jaka ka mynsiem kaba khia; ba yn khot ïa ki, “ki dieng ka hok,” “u jingthung U Trai,” ba yn pyndonburom ïa U.

JEREMAÏAH 2:21

Hynrei, nga la lah thung ïa me u dieng Waiñ u babha, u symbai u bahok suda: hato kumno me la kylla long ha nga u jingthung u basniew jong u dieng Waiñ u bapher?

MATHAÏOS 12:33

“Lane phin tharai babha ïa u dieng, bad ïa u soh jong u ruh; lane phin tharai basniew ïa u dieng, bad ïa u soh jong u ruh: naba ïa u dieng yn ithuh na u soh jong u.

MATHAÏOS 3:10

Hynrei, mynta ruh la thew ïa ka wait ha u thied ki dieng; namar kata, ïa u dieng baroh u bymsei soh babha yn khet noh, bad yn bred sha ka ding.

LOUKAS 6:42

Lane kumno ba me lah ban ong ha u paralok jong me, ‘Ko lok, to shah ba ngan khlaw noh ïa uto u thngiat uba ha ka khmat jong me’ haba me hi mem ïohi ïa ka khung kaba ha ka khmat jong me? Me uba arsap, to khlaw noh shuwa ïa ka khung na ka khmat jong me, ynda kumta te, men ïohi bha ban khlaw noh ïa uto u thngiat uba ha ka khmat u paralok jong me.