LOUKAS 6:42 - KA BAIBL

⁴² Lane kumno ba me lah ban ong ha u paralok jong me, ‘Ko lok, to shah ba ngan khlaw noh ïa uto u thngiat uba ha ka khmat jong me’ haba me hi mem ïohi ïa ka khung kaba ha ka khmat jong me? Me uba arsap, to khlaw noh shuwa ïa ka khung na ka khmat jong me, ynda kumta te, men ïohi bha ban khlaw noh ïa uto u thngiat uba ha ka khmat u paralok jong me.

Khasi CL Bible (BSI)

⁴² Kumno phi lah ban ong ha u para jong phi, ‘Ko para, sngewbha shah ïa nga ban sei ïa u thiat na ka khmat jong phi,’ pynban phim lah ban ïohi ïa ka lyngkhot dieng ha la ka jong ka khmat? Phi kiba arsap! Nyngkong to shim noh ïa ka lyngkhot dieng na ka khmat jong phi, bad nangta phin lah ban ïohi shai ban sei ïa u thiat na ka khmat jong u para jong phi.

LOUKAS 6:42 ပူးပေါင်းရင်းမြစ်များ

PROBERB 18:17

Uta uba ïasaid shuwa ïa la ka kam, u imat hok; hynrei, u paramarjan jong u, u wan bad u khmih ïit ïa u.

MATHAÏOS 26:75

U Petros te u la kynmaw ïa ka ktien U Jisu ba u la ong ha u, “Shuwa ba um pat riew u syiar, men len ïa nga lai sien.” Te haba u la mih noh shabar, u la lynñiar kthang eh.

MATHAÏOS 7:3

Balei ruh ba me khmih ïa u thngiat uba ha ka khmat u paralok jong me, hynrei, mem sngew ïa ka khung kaba ha ka khmat jong me hi?

MATHAÏOS 7:4

Lane kumno ba me ong ha u paralok jong me, ‘To shah ba ngan khlaw noh ïa u thngiat na ka khmat jong me;’ ha khmih ruh, ka khung ka don ha ka khmat jong me hi?

LOUKAS 13:15

Hynrei, U Trai u la ïathuh ha u, bad U la ong, “Phi kiba arsap, hato phi baroh ha ka sngi Sabbaton phim ju pyllait na sem ïa la u masi lane ka kadda, bad ïalam dih um ruh?

LOUKAS 22:32

hynrei, nga la duwai ma nga na ka bynta jong me, ba ka jingngeit jong me kan ym duh noh; ma me te ynda me la kylla bha pat to men pynskhem ïa ki para jong me.”

LOUKAS 6:41

Te balei ba me khmih ïa u thngiat uba ha ka khmat u paralok jong me, hynrei, mem pyrkhat ïa ka khung kaba ha ka khmat jong me hi?

LOUKAS 6:43

“Namar ym ju don u dieng babha uba sei ki soh bymman; lymne u dieng bymman uba sei ki soh babha.

KI KAM 13:10

bad u la ong, “A uba dap da ka buit arsap suda, bad da ka buit bymman suda, me u khun u Soitan, me u nongshun ka hok baroh, men ym wai shuh ban pynbakla ïa ki lynti babeit jong U Trai?

KI KAM 2:38

Te u Petros u la ïathuh ha ki, “To phin kylla-ka-bamut, bad yn pynbaptis ïa phi uwei pa uwei ha ka kyrteng U Jisu Khrist, ïa ka ban ïohmap ki pop; bad phin ïoh diang ïa ka jingai U Mynsiem Bakhuid.

KI KAM 8:21

Mem don ka bynta, lymne ka pakai ha kane ka kam; namar ka dohnud jong me kam long kaba beit ha khmat U Blei.

Ka Shithi U Paul Sha Ki Nong Rom 2:1

Naba kumta, me long uba khlem jingkren ksan, A u briew, la me long uei uei ruh, me uba bishar; namar ha kata hi ha kaba me bishar ïa uwei pat, me pynrem ïa lade; namar ba me uba bishar, me ïai-leh ïa kita kijuh kiei kiei ruh.

2 KORINTH 5:18

Te kiei kiei baroh ki long na U Blei, uba la pynïasuk noh ïa ngi ha lade hi da U Jisu Khrist, bad uba la aiti ha ngi ïa ka jingpyntrei ïa ka jingpynïasuk;

2 TIMOTHI 2:21

Namar kata, lada u briew u pynkhuid ïa lade na kine, un long ka pliang ba-donburom, ba la pynkyntang khuid, bad ba bit ïa ka kam u Kynrad, haba la pynkhreh ïa u ïa ka jingleh babha baroh.

2 PETROS 1:9

Namar uta u bymdon kine kiei kiei ruh u long u bamatlah, uba ïohi tang ïa kiba hajan, uba la pynklet noh ïa ka jingpynkhuid na ki pop barim jong u.