LOUKAS 6:30 - KA BAIBL

³⁰ To ai ruh ha u briew baroh uba ïapan na me; bad na uta uba shim noh ïa kiei kiei ruh ki jong me, wat pan pat ïa ki.

Khasi CL Bible (BSI)

³⁰ Ai ha uno uno uba pan na phi ïa kano kano, bad haba uno uno u shim ïa kaei kaba dei ka jong phi, wat pan shuh ïa ka.

LOUKAS 6:30 ပူးပေါင်းရင်းမြစ်များ

SALM 112:9

U la pynphriang, u la ai ha ki baduk; ka hok jong u ka neh junom: yn pynkyntiew ïa ka reng jong u ha ka burom.

SALM 41:1

Suk uta uba pyrkhat ïa u baduk: U Trai un pyllait ïa u ha ka sngi ka jingshitom.

PROBERB 19:17

Uta uba isynei ïa u baduk u ai kylliang ha U Trai, bad ïa ka kam babha jong u un sa siew pat ïa u.

PROBERB 21:26

Don uba shu khwan lalot baroh shi sngi: hynrei, u bahok u ïa-ai bad um bynnud.

PROBERB 22:9

Uba don ka khmat kaba kylluid yn kyrkhu ïa u; naba u ïa-ai na la u kpu ha u baduk.

EKLESIASTIS 11:2

Ai bynta ïa ki hynñiew ngut, shisha, wat ha ki phra ngut; namar mem tip ka basniew aïu kan jia ha ka khyndew.

EKLESIASTIS 8:16

Haba nga la buh ïa la ka dohnud ban tip ïa ka jingstad, bad ban ïohi ïa ka jingtrei shitom ba ju leh ha ka khyndew: (namar ruh don u bymïoh kaba ïohthiah da la ki khmat lymne mynsngi lymne mynmiet:)

MATHAÏOS 18:35

Kumta ruh, U Kpa jong nga uba ha bneng un leh ïa phi, lada phin ym ïamap uwei pa uwei ïa la u para naduh la ki dohnud.”

MATHAÏOS 5:39

hynrei, nga ong ha phi, wat ïeng ïaleh markylliang ïa u basniew: hynrei, mano mano ruh uba thab ïa me ha ka ngab kamon jong me, to pynphai sha u ïa kawei pat ruh.

MATHAÏOS 6:12

To map ruh ïa ngi ïa ki ryngkang jong ngi, kumba ngi ruh ngi map ïa kiba leh sniew ïa ngi.

LOUKAS 11:41

Te hynrei, to ai kum ka jingai isynei na kiei kiei kiba shapoh; te ha khmih, kiei kiei baroh ki long khuid ïa phi.

LOUKAS 12:33

To die noh ïa kiei kiei ki jong phi, to ai jingai isynei ruh; to thaw ïa lade ki jingpan ki ban ym man rim, ka jingkynshew keiñ ha ki bneng ka ban ym lut noh, sha kaba u nongtuh um wan hajan, lymne ka khñiang kam pynjot.

LOUKAS 18:22

U Jisu te haba U la ïohsngew ïa kine kiei kiei ruh, U la ong ha u, “Sa kawei me dang duna. To die noh ïa kiei kiei baroh katba me don, to sam ruh ha ki baduk, te men ïoh ka jingkynshew keiñ ha bneng; bad to wan bud ïa nga.”

LOUKAS 6:29

Ha uta uba thab ïa me ha kawei ka ngab, to pynshah sa kata kawei ruh; bad ha uta uba shim noh ïa ka jaiñkup jong me, wat khang ïa ka sopti ruh.

LOUKAS 6:31

Kumba phi mon ruh ba ki briew kin leh ïa phi, to leh ma phi ruh kumjuh ïa ki.

LOUKAS 6:38

to ai, te yn sa ai ha phi ruh; ïa ka jingthew ka babha, ba la tynñian bad ba la kyr-ih, bad ba la shlei de, kin thep ha ka pla jong phi; naba da kajuh ka jingthew da kaba phi thew, yn thew pat ha phi.”

KI KAM 20:35

Ha kiei kiei baroh, nga la pyni rukom ha phi, ba da kaba trei minot kumta, ka dei ban shan bor ïa ki batlot, bad ban kynmaw ïa ki ktien U Trai Jisu ba u hi u la ong, ‘Ka kham suk ban ai ban ïa kaba pdiang.’ ”

2 KORINTH 8:9

Namar phi ithuh ïa ka jingaiei U Jisu Khrist uba U Trai jong ngi; ba la u la long u bariewspah, pynban, u la wan long duk na ka bynta jong phi, khnang ban pynriewspah ïa phi da kata ka jingduk jong u.

EPHESOS 4:28

Jar uba ju tuh, to wat tuh shuh, hynrei, to un da trei shitom, da kaba trei da la ki kti ïa kata ka babha, ba un ïoh ei ei ban ïa-ai ha uta u bakyrduh.