LOUKAS 6:29 - KA BAIBL

²⁹ Ha uta uba thab ïa me ha kawei ka ngab, to pynshah sa kata kawei ruh; bad ha uta uba shim noh ïa ka jaiñkup jong me, wat khang ïa ka sopti ruh.

Khasi CL Bible (BSI)

²⁹ Lada uno uno u thab ïa phi na kawei ka ngab, ai ba un thab sa ïa kawei ruh; lada uno uno u shim ïa ka jaiñkup jong phi, ai ba un shim ruh ïa ka sopti-poh jong phi.

LOUKAS 6:29 ပူးပေါင်းရင်းမြစ်များ

2 SAMUEL 19:30

Te u Mephibosheth u la ong ha u syiem, “Ho-oid keiñ, to un shim ma u ïa kiei kiei baroh, haba u syiem kynrad jong nga u la wan pat sha la ïing ha kaba suk.”

2 KHRONIKL 18:23

Ynda kumta, u Sedekaïah u khun u Khenaanah u la wan hajan, bad u la thab ïa u Mikaïah na ka ngab, bad u la ong, “Da kano ka lynti U Mynsiem U Trai u leit noh na nga ban kren ha me?”

ISAÏAH 50:6

Nga la pynshah la ka ingdong ha ki nongsympat, bad la ki ngab ha kiba phut ïa u shñiuh: ngam shym la buhrieh la ka khmat na ka jinglehrain bad ka jingbynthiew.

SNGEWSYNEI 3:30

To un ai la ka ngab ha uta u ban thab ïa u; to yn pyndap bha ïa u da ka jingkrenbeiñ.

MIKAH 5:1

Mynta to ïalum paid ïa lade, ko ka khun ki paid: u la ap thap pyrshah ïa ngi: kin shoh ïa u nongbishar ki Israel da u diengduh ha ka ngab.

MATHAÏOS 26:67

Haba kumta, ki la bynthiew ha ka khmat jong U, bad ki la shoh ïa U, bad kiwei ki la thab ïa U.

LOUKAS 22:64

Haba ki la lah ïatap matlah ruh ïa u, ki la shoh ïa u na ka khmat, bad ki la kylli ïa u, ki da ong, “To ïathuh, uei uba la shoh ïa me?”

LOUKAS 6:30

To ai ruh ha u briew baroh uba ïapan na me; bad na uta uba shim noh ïa kiei kiei ruh ki jong me, wat pan pat ïa ki.

ÏOANNIS 18:22

Te haba U la lah kren ïa kine kiei kiei ruh, uwei na kita ki shakri rangbah uba la ïeng hajan u la thab ïa U Jisu, u da ong, “Kumta du me phai ktien ha u rangbah lyngdoh?”

KI KAM 23:2

Bad u Ananias u rangbah lyngdoh, u la hukum ïa kita kiba la ïeng hajan jong u ban thab ïa u na ka shyntur.

1 KORINTH 4:11

Wat haduh mynta ruh, ngi thngan bad ngi sliang, bad ngi lyngkhuit, bad la shohbeiñ ïa ngi, bad ngim don ka jaka shong bathikna;

1 KORINTH 6:7

Te mynta hi ruh, phi la duna naduh haduh, ha kaba phi don ka jingtian bishar parabangeit hi. Hato balei phim kham ïamon ban shah bymdei? Hato balei phim kham ïashah ban leh klop ïa phi?

2 KORINTH 11:20

Namar phi ïaishah, lada don uba pynlong mraw ïa phi, lada don ruh uba bam duh ïa phi, lada don ruh uba pynngat ïa phi, lada don ruh uba kyntiew ïa lade, lada don ruh uba thab ïa phi na ka khmat.

HEBRU 10:34

Namar phi la sngewlem bad kita kiba shah ha ki jingkhum, bad phi la ïashah da kaba kmen ïa ka ban lute ïa kita kiei kiei kiba phi don, da kaba tip skhem ba phi hi, phi don ka bynta kaba kham bha, bad kaba neh.