LOUKAS 6:28 - KA BAIBL

²⁸ to kyrkhu ïa kita kiba tim ïa phi; duwai ruh na ka bynta kita kiba leh sniew ïa phi.

Khasi CL Bible (BSI)

²⁸ kyrkhu ïa kito kiba tim ïa phi, bad duwai na ka bynta kito kiba lehbeiñ ïa phi.

LOUKAS 6:28 ပူးပေါင်းရင်းမြစ်များ

1 SYIEM 13:6

Te u syiem u la ïathuh bad u la ong ha uta u briew U Blei, “To kyrpad mynta ïa ka jingisynei U Trai U Blei jong me, bad to duwai na ka bynta jong nga, ba yn pynbha pat ïa ka kti jong nga.” Te uta u briew U Blei u la kyrpad ïa U Trai, bad ïa ka kti u syiem la pynbha pat, bad ka la long kumba mynshuwa.

ESEKIEL 25:15

Kumne u ong U Trai U Blei: “Namar ki Philistia ki la leh kylliang, bad ki la pynhiar kput da ka jingsngewskuiñ ka mynsiem ban pynjot ïa ka da ka jingshun kaba junom;”

ESEKIEL 36:5

namar kata, kumne u ong U Trai U Blei: “Da shisha ha ka ding ka jingsngewskuiñ jong nga, nga la kren pyrshah ïa kiba dang sah na ki jaid bynriew, bad pyrshah ïa ka Edom baroh kiba la buh ïa ka ri jong nga ban long ka jingïoh ha lade da ka dohnud bakmen jong ki baroh, bad da ka mynsiem ba ibeiñ, ïa ka ban bred noh ïa ka kum ka jinglute:”

MATHAÏOS 5:44

Hynrei, nga ong ha phi, to ieit ïa ki nongshun jong phi, bad to kyrkhu ïa kiba tim ïa phi, to leh bha ïa kiba shun ïa phi, to duwai ruh na ka bynta kiba leh sniew ïa phi, bad lehbeiñ ruh ïa phi;

LOUKAS 23:34

Te U Jisu u la ong, “Ko Kpa, to map ïa ki; naba kim tip kaei ba ki leh.” Haba ki la ïabynta ïa ki jaiñkup jong U, te ki la ïakhalai.

LOUKAS 6:27

“Hynrei, nga ong ha phi kiba sngew: To ieit ïa ki nongshun jong phi; to leh bha ïa kita kiba bishni ïa phi;

LOUKAS 6:35

Hynrei, to ieit ïa ki nongshun jong phi, to leh bha ruh, bad to ai kylliang, khlem da duh jingkyrmen satia; te ka nong jong phi kan long kaba khraw, bad phin long ki khun U Bahakhlieh Tam Eh; naba U long uba sbun ïa ki bymnguh bad ïa ki bymman.

KI KAM 14:5

Te haba la tur pyrshah da kita ki Jentil ruh bad da ki Jiw, lem bad ki nongsynshar jong ki, ban lehbeiñ, bad ban lynthem maw ïa ki,

KI KAM 7:60

Te u la dem la ki khohsiew, bad u la pyrta da ka ktien bajam, “A Trai, wat thew ha ki ïa kane ka pop.” Te ynda u la lah ong ïa kane, u la ïohthiah noh.

Ka Shithi U Paul Sha Ki Nong Rom 12:14

To kyrkhu ïa kita kiba lehbeiñ ïa phi; to phin kyrkhu keiñ, bad wat tim phi.

1 KORINTH 4:12

bad ngi ïatrei minot, da kaba trei da ki kti jong ngi hi. Haba krenbeiñ sat ïa ngi, ngi kyrkhu; haba behbeiñ ïa ngi, ngi ïaishah;

JAKOB 3:10

Na kajuh hi ka shyntur ka mih ka jingkyrkhu bad ka jingtim. Kam dei, ko parabangeit jong nga, ïa kine kiei kiei ruh ban long kumta.

1 PETROS 3:9

ym kiba leh markylliang ïa ka basniew namar ka basniew, lane ïa kaba krenbeiñ namar kaba krenbeiñ; hynrei, da kumwei keiñ kiba kyrkhu; haba tip ba sha kane khnang la khot ïa phi, ba phin da ïoh ïa ka jingkyrkhu.